ABAKHOKHELI 17 - IsiNdebele 2012 Translation

Isithombesibazwa nomphristi kaMikha

¹ Kwakunendoda ehlala ngeentatjaneni zakwa-Efrayimu ebekuthiwa nguMikha.

² Yathi kunina: “Iimpaparwana eziyikulungwana nekhulu zesiliva ezathathwa kuwe, owakhuluma ngazo amanikelela begodu wakhuluma ngawo kimi, kazi zikimi, ngazithatha.” Unina wathi: “USomnini akabusise indodanami.”

³ Yabuyisela iimpaparwana eziyikulungwana nekhulu kunina. Unina wathi: “Isiliva esesandleni sami ngiyahlukanisela uSomnini kobana indodanami yenze isithombesibazwa esitshidzwe ngesiliva. Ngalokho ngiyibuyisela kuwe.”

⁴ Kodwana yabuyisela isilivelo kunina. Unina wathatha iimpaparwana ezimakhulu amabili zesiliva, wazinikela umkhandisiliva. Yena wenza ngazo isithombesibazwa esitshidzwe ngesiliva. Sabekwa ngekumbeni kaMikha.

⁵ UMikha lo gade anethempedlana. Wenza i-efodi nemihlalandlini, wabeka enye yamadodanakhe kobana ibe mphristi.

⁶ Emihleni leyo gade kunganakosi kwa-Israyeli, woke umuntu gade azenzela umathanda.

⁷ Kwakunesokana ebegade limLevi eBhethe-Lehema kwaJuda okuyindawo yelifa lakwaJuda. Labe lisikhonzi lapho.

⁸ Isokanelo laphuma edorobheni leBhethe-Lehema kwaJuda layokukhonza lapha lalingafumana khona indawo. Lathi lisakhamba njalo, lafika eentatjaneni zakwa-Efrayimu ekumbeni kaMikha.

⁹ UMikha wathi kilo: “Ubuya ndawanaphi?” Lathi kuye: “NgimLevi, ngivela eBhethe-Lehema kwaJuda, ngikhamba ngifuna indawo lapha ngingakhonza khona.”

¹⁰ UMikha wathi kilo: “Hlala nami, ube njengomfundisi nomphristi kimi, ngizakunikela iimpaparwana ezilitjhumi zesiliva ngomnyaka, izambatho ozidingako kanye nokugonywako.” Isokanelo ladla amathambo wengqondo.

¹¹ Emva kwalokho lavuma ukuhlala naye. Nje-ke uMikha walithatha njengenye yamadodanakhe.

¹² Walibeka laba mphristakhe, lahlala ekumbenakhe.

¹³ UMikha wathi kilo: “Ngiyazi bonyana uSomnini uzokukhanyisa iindlela zami ngombana kwamapha nginomphristi omLevi.”