2 UJWANISI 1 - IsiNdebele 2012 Translation

Ukulotjhisa

¹ Umphathi, kudade okhethiweko nabantwabakhe engibathanda ngeqiniso; kungasimi ngedwa kodwana nakibo boke abazi iqiniso.

² Iye, ngebanga leqiniso elihlala kithi nelizakuba nathi ngokungapheliko.

³ Umusa, isirhawu nokuthula okuvela kuZimu uBaba nakuJesu Krestu iNdodanakhe, akube nathi ngeqiniso nangethando.

Iqiniso nethando

⁴ Ngathokoza kangangani ukufumana bona abanye babantwana bakho bakhamba eqinisweni njengombana sayalwa nguBaba.

⁵ Nje-ke ngiyakubawa, dadwethu othandekako ingasi njengaloyo okutlolela umyalo omutjha kodwana lowo ebesinawo kusukela ekuthomeni kobana sithandane.

⁶ Ithando ngileli: kukobana sikhambe ngokwemiyalwakhe. Iye, njengombana wezwa kusukela ekuthomeni, umyalwakhe kukobana sikhambe ethandweni

⁷ ngombana banengi abakhohlisi abazele loke iphaseli, iye, labo abangavumi bona uJesu Krestu uze ngenyama. Nje-ke nanyana ngubani onjalo umkhohlisi nophika uKrestu.

⁸ Tjhejani-ke bona ningalahlekelwa ngesele nikusebenzele; kodwana inga ningamukela umvuzo opheleleko.

⁹ Nanyana ngubani ongabambeleli efundisweni kaKrestu akanaye uZimu. Loyo ohlala efundisweni kaKrestu unaye uBaba neNdodana.

¹⁰ Lokha nakufika umuntu kini nefundiso engafaniko nale, ningamamukeli emakhaya wenu; ningambingeleli

¹¹ ngombana ombingelelako uhlanganyela naye emikhubeni yakhe.

Ukulayelisa

¹² Kunengi enginganitlolela khona, kodwana azange ngithande ukunitlolela ngekhasi nangomsobo; kunalokho ngithemba ukuza kini nokukhuluma nani umlomo nomlomo ukuze ukuthokoza kwethu kuphelele.

¹³ Bayakulotjhisa abantwana bakadadwenu okhethiweko.