1 IINKRONIKE 8 - IsiNdebele 2012 Translation

Iinzukulwana ezinye zakaBhenjamini

¹ UBhenjamini wabeletha uBhela olizibulo lakhe, wesibili kungu-Atjhibeli, wesithathu kungu-Arhirarhi,

² wesine kunguNorha, wesihlanu kunguRafa.

³ Amadodana kaBhela bekungu-Adari noGera onguyise ka-Ehudi.

⁴ U-Abitjhuwa, uNamani, u-Arhowarhi,

⁵ uGera, uTjhefufani noRhuramu

^6-7 bekumadodana ka-Ehudi. Gade baziinhloko zemindeni egade ihlala eGeba kodwana uNamani no-Arhowarhi bafuduselwa eManarhathi ngekani. UGera nguye owabafudusako. Emva kwesikhathi uGera wabeletha u-Uza no-Arhirhudi.

⁸ UTjharharayimu wabelethelwa amadodana enarheni yakwaMowabi emva kokobana atlhale abafazi bakhe uRhutjhimu noBhara.

⁹ URhodetjhi umkakhe wambelethela uJobabu, uTsibiya, uMetjha, uMalikamu,

¹⁰ uJewutsi, uSakiya noMirima. Lawo bekumadodanakhe, baziinhloko zemindeni.

¹¹ NgoRhutjhimu gade abelethelwe u-Abithubi no-Elipali.

¹² Amadodana ka-Elipali bekungu-Ebhere, uMitjhamu noTjhemedi. UTjhemedi lo ngowakha i-Ono neLodi nemizanayo.

¹³ Amanye amadodana ka-Elipali kunguBheriya noTjhema. Bebaziinhloko zemindeni ehlala e-Ayaloni; ngibo abaqotjha izakhamuzi zeGathi.

¹⁴ U-Arhiyo, uTjhatjhakhi, uJeremothi,

¹⁵ uZebadiya, u-Aradi, u-Ederi,

¹⁶ uMikayeli, uYitjhipa noJorha gade bamadodana kaBheriya.

¹⁷ UZebadiya, uMetjhulamu, uRhizikhi, uRhebhere,

¹⁸ uYitjhimerayi, uJiziliya noJobabi bamadodana ka-Elipali.

¹⁹ UJakimu, uZikiri, uZabidi,

²⁰ u-Eliyenayi, uTsiletayi, u-Eliyeli,

²¹ u-Adaya, uBheraya noTjhimrathi bamadodana kaTjhimeyi.

²² UYitjhipani, u-Ebhere, u-Eliyeli,

²³ u-Abidoni, uZikiri, uRhanani,

²⁴ uRhananiya, u-Elamu, u-Anitotiya,

²⁵ uJifideya noPenuweli bamadodana kaTjhatjhakhi.

²⁶ UTjhamitjherayi, uTjherhariya, u-Ataliya,

²⁷ uJaretjhiya, u-Eliya noZikiri bamadodana kaJerorhamu.

²⁸ Labo bekuziinhloko zemindenabo, bahlala eJerusalema ngokuya ngeenzukulwana zabo.

²⁹ Umsunguli weGibiyoni gade ahlala eGibiyoni. Ibizo lomkakhe bekunguMaka.

³⁰ Indodanakhe elizibulo kungu-Abidoni, alanywe nguTsuri, kulandele uKhitjhi, uBhali, uNeri, uNadaba,

³¹ uGedori, u-Arhiyo, uZekeri

³² bese kuba nguMikilothi owabeletha uTjhimeya. Nabo gade bahlala eduze kweenhlobo zabo eJerusalema.

³³ UNeri wabeletha uKhitjhi, uKhitjhi wabeletha uSawula. USawula wabeletha uJonathani, uMaliki-Tjhuwa, u-Abinadaba no-Etjhi-Bhali.

³⁴ Umsa kaJonathani bekunguMeribhali. UMeribhali wabeletha uMikha.

³⁵ Amadodana kaMikha kunguPitoni, uMeleki, uTariya no-Arhazi.

³⁶ U-Arhazi wabeletha uJehowada, uJehowada wabeletha u-Alemethi, u-Azimavethi noZimri. UZimri wabeletha uMotsa,

³⁷ uMotsa wabeletha uBhina onguyise kaRafa uyise ka-Eliyasa onguyise ka-Atseli.

³⁸ U-Atseli gade anamadodana amathandathu. Wona bekungu-Azrikhamu, uBhokeru, u-Itjhimayeli, uTjheyariya, u-Obadiya noRhanani. Boke labo bekumadodana ka-Atseli.

³⁹ Amadodana womnakwabo u-Etjhekhi bekungu-Ulamu olizibulo lakhe, wesibili kunguJewutjhi, wesithathu kungu-Elifelethi.

⁴⁰ Amadodana ka-Ulamu bekuziingorho ezikwazi ukusebenzisa umsebe. Gade zinamadodana nabazukulu abanengi; balikhulu namatjhumi amahlanu sebaboke. Boke labo bekuziinzukulwana zakaBhenjamini.