1 IINKRONIKE 7 - IsiNdebele 2012 Translation

Iinzukulwana zaka-Isakari

¹ Amadodana ka-Isakari bekunguTola, uPuwa, uJatjhubi noTjhimroni; babane sebaboke.

² Amadodana kaTola kungu-Uzi, uRefaya, uJeriyeli, uJarhimayi, uJibisamu noSamyela; bebaziinhloko zemindenabo. Eenzukulwaneni zomndeni kaTola bekunamadoda wepi. Ngesikhathi sokubusa kwakaDavida bebaziinkulungwana ezimatjhumi amabili nambili namakhulu asithandathu ngesibalo.

³ Umsa ka-Uzi bekunguJizrarhiya. UJizrarhiya namadodanakhe uMikayeli, u-Obadiya, uJuweli noYitjhiya bebaziinhloko zemindeni; babahlanu sebaboke.

⁴ Ngokuya ngokomlando weenzukulwana zabo, bebamadoda aziinkulungwana ezimatjhumi amathathu nathandathu alungele ukulwa ngombana gade banesithembu nabantwana abanengi.

⁵ Yoke eminye imindeni yekoro ka-Isakari beyinesibalo samadoda wepi aziinkulungwana ezimatjhumi abunane nalikhomba. Yoke njalo itlolwe erhelweni leenzukulwana.

Iinzukulwana zakaBhenjamini

⁶ Amadodana amathathu kaBhenjamini bekunguBhela, uBhekeri noJediyayeli.

⁷ Amadodana kaBhela kungu-Etsibhoni, u-Uzi, u-Uziyeli, uJerimothi no-Iri. Amadoda amahlanu la gade aziinhloko zemindeni begodu aziingorho. Iinzukulwana zabo bezinesibalo esimatjhumi amabili nambili weenkulungwana namatjhumi amathathu nane wamadoda wepi.

⁸ Amadodana kaBhekeri bekunguZemira, uJowatjhi, u-Eliyezeri, u-Eliyowenayi, u-Omri, uJeremothi, u-Abiya, u-Anatothi no-Alemethi. Woke lawo bekumadodana kaBhekeri,

⁹ neenzukulwana zawo egade zitloliswe ngokweenhloko zemindeni kumadoda wepi aziinkulungwana ezimatjhumi amabili namakhulu amabili.

¹⁰ Umsa kaJediyayeli bekunguBhilirhana. Amadodana kaBhilirhana kunguJewutjhi, uBhenjamini, u-Ehudi, uKenana, uZetani, uTaratjhitjhi no-Arhitjharhari.

¹¹ Woke lawo bekumadodana kaJediyayeli, neenzukulwana zawo ngokweenhloko zemindeni kumadoda wepi aziinkulungwana ezilitjhumi nalikhomba namakhulu amabili alungele ukulwa.

¹² AmaTjhufi namaRhufi bekuziinzukulwana zaka-Iri, amaRhutjhi kuziinzukulwana zaka-Arheri.

Iinzukulwana zakaNafitali

¹³ Amadodana kaNafitali bekunguJarhitsiyeli, uGuni, uJetseri noTjhalumu. Labo bekuziinzukulwana zakaBhilirha.

Iinzukulwana zakaManase

¹⁴ Umsa kaManase bekungu-Asriyeli obelethwa mngena omAramu. Godu wabeletha uMakiri uyise kaGiliyadi.

¹⁵ UMakiri wathatha umfazi emindenini yamaRhufi namaTjhufi. Ibizo lomkakhe ogade ayintandokazi kuye bekunguMaka. UTselofirhadi ogade angowesizukulwana sesibili bekanamadodakazi kwaphela.

¹⁶ UMaka umkaMakiri wambelethela umsana wamthiya ibizo bona nguPeretjhi. Umnakwabo wamthiya bona nguTjheretjhi. Iinzukulwana zakaGiliyadi bekungu-Ulamu noRekhemu.

¹⁷ Umsa ka-Ulamu bekunguBhedani. Lezo-ke bekuziinzukulwana zakaGiliyadi umsa kaMakiri omsa kaManase.

¹⁸ Udadwabo lakaGiliyadi bekunguMolekethi owabeletha u-Itjhihodi, u-Abiyezeri noMarhala.

¹⁹ Amadodana kaTjhemida bekungu-Arhiyana, uTjhekemu, uLikhirhi no-Aniyamu.

Iinzukulwana zaka-Efrayimu umsa kaJosefa

²⁰ Iinzukulwana zaka-Efrayimu bekunguTjhuthelarhi uyise kaBeredi onguyise kaTarhathi uyise ka-Eliyada onguyise kaTarhathi,

²¹ uyise kaZabadi onguyise kaTjhuthelarhi. Abahlali bendawo okumadoda weGathi babulala u-Ezeri no-Eliyadi amadodana ka-Efrayimu lokha nabalinga ukuthatha ifuywabo.

²² Uyise u-Efrayimu wabalilela amalanga amanengi, iinhlobo zakhe bezeza bona zizomtjhiriya.

²³ Wayama umkakhe, wazithwala wabeletha indodana. Wayithiya ibizo lakaBheriya ngombana umndenakhe bewunesinyama.

²⁴ Indodakazi ka-Efrayimu bekunguTjhera owasungula iBhethe-Rhoroni engenzasi neBhethe-Rhoroni engehla kanye ne-Uzeni-Tjhera.

²⁵ U-Efrayimu gade anenye indodana okuthiwa nguRefarhi uyise kaRetjhefu onguyise kaTelarhi, uyise kaTarhana

²⁶ onguyise kaLadani, uyise ka-Amihudi onguyise ka-Elitjhama,

²⁷ uyise kaNuni onguyise kaJotjhuwa.

²⁸ Iinarha zabo nemizabo bekuyiBhethe-Eli nemizanayo. Ngepumalanga isifunda sabo besinabela emkhawulweni weNarana, ngetjingalanga sinabela emikhawulweni yeGezeri nemizanayo. Isifundesi sifaka iTjhekemu nemizanayo besinabele nemikhawulweni ye-Aya nemizanayo.

²⁹ BakwaManase bebalawula iBhethe-Tjhani nemizanayo, iTanaki nemizanayo, iMegido nemizanayo kanye neDori nemizanayo. Iinzukulwana zakaJosefa umsa ka-Israyeli bezihlala emizini le.

Iinzukulwana zaka-Atjheri

³⁰ Amadodana ka-Atjheri bekunguJimna, uYitjhiva, uYitjhivi noBheriya. Udadwabo kunguSerarhi.

³¹ Amadodana kaBheriya kunguRhebere noMalikiyeli ogade anguyise kaBhirizayithi.

³² URhebhere wabeletha uJafilethi, uTjhomeri, uRhotamu nodadwabo uTjhuwa.

³³ Amadodana kaJafilethi kunguPasaki, uBhimirhali no-Atjhivathi. Lawo bekumadodana kaJafilethi.

³⁴ Amadodana kaTjhomeri bekungu-Arhi, uRohega, uRhuba no-Aramu.

³⁵ Amadodana kamnakwabo lakaRhotamu kunguTsofarhi, uJimna, uTjheletjhi no-Amala.

³⁶ Amadodana kaTsofarhi kunguSuwarhi, uRharineferi, uTjhuwali, uBheri, uJimra,

³⁷ uBhetseri, uHodi, uTjhama, uTjhilitjha, uJitirani noBhera.

³⁸ Amadodana kaJeteri bekunguJefune, uPisipa no-Ara.

³⁹ Amadodana ka-Ula bekungu-Ararhi, uRhaniyeli noRitsiya.

⁴⁰ Boke labo bekuziinzukulwana zaka-Atjheri. Bebaziinhloko zemindeni, amadoda ahloniphekako, iingorho nabarholi abaphezulu. Isibalo samadoda wepi gade siziinkulungwana ezimatjhumi amabili nathandathu.