1 IINKRONIKE 6 - IsiNdebele 2012 Translation

Iinzukulwana zakaLevi ezabeletha abaphristi abakhulu

¹ Amadodana kaLevi bekunguGeritjhoni, uKhehathi noMerari.

² Amadodana kaKhehathi kungu-Amramu, uJitsihari, uRhebroni no-Uziyeli.

³ Abantwana baka-Amramu kungu-Aroni, uMosi noMiriyamu. Amadodana ka-Aroni kunguNadabi, u-Abihu, u-Elazara no-Itamara.

⁴ U-Elazara wabeletha uFiniyasi; uFiniyasi wabeletha u-Abitjhuwa.

⁵ U-Abitjhuwa wabeletha uBhukhi; uBhukhi wabeletha u-Uzi.

⁶ U-Uzi wabeletha uZerarhiya; uZerarhiya wabeletha uMerayothi.

⁷ UMerayothi wabeletha u-Amariya; u-Amariya wabeletha u-Arhithubi.

⁸ U-Arhithubi wabeletha uTsadokhi; uTsadokhi wabeletha u-Arhimahatsi.

⁹ U-Arhimahatsi wabeletha u-Azariya; u-Azariya wabeletha uJorhanana.

¹⁰ UJorhanana wabeletha u-Azariya. (Yena waba mphristi wokuthoma ethempelini elakhiwe nguSolomoni eJerusalema.)

¹¹ U-Azariya wabeletha u-Amariya; u-Amariya wabeletha u-Arhithubi.

¹² U-Arhithubi wabeletha uTsadokhi; uTsadokhi wabeletha uTjhalumu.

¹³ UTjhalumu wabeletha uRhilikhiya; uRhilikhiya wabeletha u-Azariya.

¹⁴ U-Azariya wabeletha uSeraya; uSeraya wabeletha uJehotsadakhi.

¹⁵ UJehotsadakhi wathunjwa ngesikhathi uSomnini anikela uJuda neJerusalema esandleni sakaNebukadinetsari.

Ezinye iinzukulwana zakaLevi

¹⁶ Amadodana kaLevi bekunguGeritjhomu, uKhehathi noMerari.

¹⁷ Lawa mabizo wamadodana kaGeritjhomu: uLibini noTjhimeyi.

¹⁸ Amadodana kaKhehathi bekungu-Amramu, uJitsihari, uRhebroni no-Uziyeli.

¹⁹ Amadodana kaMerari bekunguMarhili noMutjhi. Laba bekumindeni yamaLevi ukuya ngabokhokhwabo:

²⁰ UGeritjhomu gade anguyise kaLibini onguyise kaJarhathi, uyise kaZima onguyise

²¹ kaJowarhi, uyise ka-Ido onguyise kaZerarhi, uyise kaJeyathirayi.

²² UKhehathi gade anguyise ka-Aminadabi onguyise kaKhorarhi, uyise ka-Asiri onguyise

²³ ka-Elikhana, uyise ka-Ebiyasafu onguyise ka-Asiri, uyise

²⁴ kaTarhathi onguyise ka-Uriyeli, uyise ka-Uziya onguyise kaSawula.

²⁵ Amanye amadodana ka-Elikhana bekungu-Amasayi no-Arhimothi.

²⁶ U-Arhimothi gade anguyise ka-Elikhana onguyise kaTsofayi, uyise kaNarhathi onguyise

²⁷ ka-Eliyabu, uyise kaJerorhamu onguyise ka-Elikhana.

²⁸ Amadodana kaSamyela bekunguJuweli izibulo, yesibili kungu-Abiya.

²⁹ Iinzukulwana zakaMerari bekunguMarhili onguyise kaLibini, uyise kaTjhimeyi onguyise ka-Uza, uyise

³⁰ kaTjhimeya onguyise kaRhagiya, uyise ka-Asaya.

Abavumi bethempelini

³¹ UDavida wabeka amadoda bona aphathe zomvumo endlini kaSomnini emva kokobana umfaji wesivumelwano uhlaliswe lapho.

³² Alotjha ngomvumo phambi kwethaberinakeli okulitende lokuhlanganela, bekwaba sikhathi lapha uSolomoni akha khona ithempeli lakaSomnini eJerusalema. Enza imisebenzawo ngokuya ngomyalo abekelwa wona.

³³ Naka amadoda enza umsebenzi lo ngokumukeza aboyise: KebakwaKhehathi umkhaleli bekunguHemani, umsa kaJuweli omsa kaSamyela,

³⁴ umsa ka-Elikhana omsa kaJerorhamu, umsa ka-Eliyeli omsa kaTowarhi,

³⁵ umsa kaTsufi omsa ka-Elikhana, umsa kaMarhathi omsa ka-Amasayi,

³⁶ umsa ka-Elikhana omsa kaJuweli, umsa ka-Azariya omsa kaTsefaniya,

³⁷ umsa kaTarhathi omsa ka-Asiri, umsa ka-Ebijasafu omsa kaKhorarhi,

³⁸ umsa kaJitsirhari omsa kaKhenathi, umsa kaLevi omsa ka-Israyeli.

³⁹ U-Asafa umfowabo kaHemani wajama ngesidleni sakhe. U-Asafa bekuyindodana kaBherekiya, umsa kaTjhimeya

⁴⁰ omsa kaMikayeli, umsa kaBaheseya omsa kaMalikiya,

⁴¹ umsa ka-Ethini omsa kaZerarhi, umsa ka-Adaya

⁴² omsa ka-Etana, umsa kaZima omsa kaTjhimeyi,

⁴³ umsa kaJarhathi omsa kaGeritjhomu, umsa kaLevi.

⁴⁴ Abafowabo bangekhohlo bekumadodana kaMerari: U-Etana umsa kaKhitjhi omsa ka-Abidi, umsa kaMaluki

⁴⁵ omsa kaRhatjhabiya, umsa ka-Amatsiya omsa kaRhilikhiya,

⁴⁶ umsa ka-Amitsi omsa kaBhani, umsa kaTjhemeri

⁴⁷ omsa kaMarhili, umsa kaMutjhi omsa kaMerari, umsa kaLevi.

⁴⁸ AmaLevi amanye anikelwa eminye imisebenzi ethaberinakelini okuyindlu kaSomnini uZimu.

⁴⁹ Kodwana u-Aroni neenzukulwana zakhe bebaqalene nomsebenzi we-aldari lokutjhisa imihlabelo kanye ne-aldari lokutjhisa itjhwalo. Godu gade baqalene nomsebenzi wendawo ecwenge khulu nokwenzela u-Israyeli itethelelo kuZimu ngokuya ngendlela uMosi inceku kaZimu agade ayale ngayo.

⁵⁰ Nanzi-ke iinzukulwana zaka-Aroni: U-Aroni gade anguyise ka-Elazara onguyise kaFiniyasi uyise ka-Abitjhuwa onguyise

⁵¹ kaBhukhi uyise ka-Uzi onguyise kaZerarhiya uyise

⁵² kaMerayothi onguyise ka-Amariya uyise ka-Arhithubi onguyise

⁵³ kaTsadokhi uyise ka-Arhimahatsi.

Iindawo zamaLevi zokuhlala

⁵⁴ AmaKhehathi, aziinzukulwana zaka-Aroni, akhethwa ngefumbe bona amukele nanzi iimfunda ezilandelako kobana ahlale kizo:

⁵⁵ Enarheni yakwaJuda amukeliswa iRhebroni namadlelo ayibhodileko,

⁵⁶ kodwana amasimu nemizana yeRhebroni besele yabelwe uKhalebi umsa kaJefune.

⁵⁷ Iinzukulwana zaka-Aroni zabelwa amadorobho wobuphephelo: iRhebroni, iLibhina namadlelwayo, iJatiri, i-Etjhitemowa namadlelwayo,

⁵⁸ iRhilezi namadlelwayo, iDebiri namadlelwayo,

⁵⁹ i-Atjhani namadlelwayo, iBhethe-Tjhemetjhi namadlelwayo.

⁶⁰ Esifundeni sekoro yakwaBhenjamini iinzukulwana zaka-Aroni zabelwa iGeba namadlelwayo, i-Alemethi namadlelwayo kanye ne-Anatothi namadlelwayo. Sele awoke amadorobho wemindeni le bekalitjhumi nantathu.

⁶¹ Amadorobho alitjhumi wesiquntu sekoro kaManase abelwa ngefumbe labo ebebahlobene neenzukulwana eziseleko zakaKhehathi.

⁶² Amadorobho alitjhumi nantathu ngeemfundeni zekoro ka-Isakari, ka-Atjheri, kaNafitali nekoro kaManase eBhatjhani abelwa imindeni yeenzukulwana zakaGeritjhomu.

⁶³ Amadorobho alitjhumi nambili ngeemfundeni zekoro kaRubeni, kaGadi neyakaZebuloni abelwa ngefumbe imindeni yeenzukulwana zakaMerari.

⁶⁴ Nje-ke bakwa-Israyeli babela amaLevi amadorobho la kanye namadlelwawo.

⁶⁵ Amadorobho eemfundeni zakwaJuda, kwaSimiyoni nakwaBhenjamini abalwe ngehla nawo abiwa ngefumbe.

⁶⁶ Abanye bemindeni yamaKhehathi bebabelwe imizi nemikhawulwayo ngesifundeni sekoro ka-Efrayimu.

⁶⁷ Bebamukeliswe iindawo ezilandelako njengamadorobhabo wobuphephelo: iTjhekemu eentatjaneni zakwa-Efrayimu namadlelwayo, iGezeri namadlelwayo,

⁶⁸ iJokimeyamu namadlelwayo, iBhethe-Rhoroni namadlelwayo,

⁶⁹ i-Ayaloni namadlelwayo, iGathi-Rimoni namadlelwayo.

⁷⁰ Godu ezinye zeenzukulwana eziseleko zakaKhehathi zabelwa esifundeni sesiquntu sekoro yakwaManase i-Aneri namadlelwayo, iBhiliyamu namadlelwayo.

⁷¹ AmaGeritjhomu abelwa lokhu: Esifundeni sesiquntu sekoro kaManase iGolani engeBhatjhani namadlelwayo, i-Atjhitarothi namadlelwayo.

⁷² Esifundeni sekoro ka-Isakari iKhedetjhi namadlelwayo, iDaberathi namadlelwayo,

⁷³ iRamothi namadlelwayo, i-Anemu namadlelwayo.

⁷⁴ Esifundeni sekoro ka-Atjheri iMatjhala namadlelwayo, i-Abidoni namadlelwayo,

⁷⁵ iRhukhokhi namadlelwayo, iRerhobi namadlelwayo.

⁷⁶ Esifundeni sekoro kaNafitali iKhedetjhi engeGalile namadlelwayo, iRhamoni namadlelwayo, iKhiriyatayimu namadlelwayo.

⁷⁷ Iinzukulwana eziseleko zamaMerari zabelwa: Esifundeni sekoro kaZebuloni iRimoni namadlelwayo, iThabori namadlelwayo.

⁷⁸ Esifundeni sekoro yakwaRubeni ngaphetjheya kweJordani nangepumalanga yeJerikho iBhetseri engerhalawumbeni namadlelwayo, iJarhitsa namadlelwayo,

⁷⁹ iKhedemothi namadlelwayo, iMefahathi namadlelwayo.

⁸⁰ Esifundeni sekoro yakwaGadi iRamothi engeGiliyadi namadlelwayo, iMarhanayimu namadlelwayo,

⁸¹ iRhetjhiboni namadlelwayo, iJazeri namadlelwayo.