1 IINKRONIKE 3 - IsiNdebele 2012 Translation

Iinzukulwana zakaDavida noSolomoni

¹ Amadodana kaDavida awabelethelwa eRhebroni ngilawa: Izibulo bekungu-Amnoni ku-Arhinowamu weJizriyela; yesibili kunguDanyela ku-Abigeyili weKarameli;

² yesithathu bekungu-Absalomu kuMaka indodakazi kaTalimayi ikosi yeGetjhuri; wesine kungu-Adoniya kuRhagithi;

³ yesihlanu bekunguTjhefathiya ku-Abithali, kuthi yesithandathu kube nguJitriyamu ku-Egila umkakhe.

⁴ Amadodana amathandathu la uDavida wabelethelwa wona eRhebroni, lapha abusa khona iminyaka elikhomba neenyanga ezithandathu. UDavida wabusa eJerusalema iminyaka ematjhumi amathathu namithathu.

⁵ Napa-ke abelethelwa bona eJerusalema: NguTjhimeya, uTjhobabi, uNathani noSolomoni. Abane labo bebabelethwe nguBhathi-Tjhuwa indodakazi ka-Amiyeli.

^6-8 Gade kunamanye amadodana alithoba: Wona kunguJibirhari, u-Elitjhuwa, u-Elifelethi, uNoga, uNefegi, uJafiya, u-Elitjhama, u-Eliyada no-Elifelethi.

⁹ Woke lawo bekumadodana kaDavida, kungasabalwa amadodana wemingena. UTamari gade kungudadwabo.

¹⁰ USolomoni gade anguyise kaRerhobhowamu onguyise ka-Abiya uyise ka-Asa onguyise kaJehotjhafathi,

¹¹ uyise kaJehoramu onguyise ka-Arhaziya, uyise kaJowatjhi onguyise

¹² ka-Amatsiya, uyise ka-Azariya onguyise kaJotamu, uyise

¹³ ka-Arhazi onguyise kaHezekhiya, uyise kaManase onguyise

¹⁴ ka-Amoni, uyise kaJosiya.

¹⁵ Amadodana kaJosiya bekunguJorhanani izibulo, yesibili kunguJehoyakhimu, yesithathu bekunguTsedekhiya, yesine kunguTjhalumu.

¹⁶ Amadodana kaJehoyakhimu bekunguJekoniya uyise kaTsedekhiya.

¹⁷ Amadodana kaJekoniya ngesikhathi sokuthunjwa kwakhe bekunguTjheyalitiyeli,

¹⁸ uMalikiramu, uPedaya, uTjhenatsari, uJekhamiya, uHotjhama noNedabiya.

¹⁹ Amadodana kaPedaya bekunguZerubhabheli noTjhimeyi. Amadodana kaZerubhabheli kunguMetjhulamu noRhananiya. UTjhelomithi bekungudadwabo.

²⁰ Gade kukhona abahlanu godu: bona kunguRhatjhubha, u-Oheli, uBherekiya, uRhasadiya kanye noJutjhabi-Rhesedi.

²¹ Iinzukulwana zakaRhananiya bekunguPelathiya no-Isaya onguyise kaRefaya, uyise ka-Arinani onguyise ka-Obadiya, uyise kaTjhekaniya.

²² Iinzukulwana zakaTjhekaniya kunguTjhemaya namadodanakhe uRhathutjhi, uJigali, uBhariyarhi, uNeyariya noTjhafathi; bebabathandathu sebaboke.

²³ Amadodana kaNeyariya kungu-Elijowenayi, uHezekhiya no-Azrikhamu; bebabathathu sebaboke.

²⁴ Amadodana ka-Elijowenayi kunguHodaviya, u-Eliyatjhibu, uPelaya, u-Akhubu, uJorhanana, uDelaya no-Anani; bebalikhomba sebaboke.