1 IINKRONIKE 24 - IsiNdebele 2012 Translation

Iinqhema zabaphristi

¹ Iinzukulwana zaka-Aroni gade zihlelwe ngeenqhema bunje: Amadodana ka-Aroni bekunguNadabi, u-Abihu, u-Eliyazari no-Itamara.

² UNadabi no-Abihu bahlongakala ngaphambi kokobana uyisabo ahlongakale. Gade banganabantwana, nje-ke u-Eliyazari no-Itamara balotjha njengabaphristi.

³ Ngokusizwa nguTsadokhi isizukulwana saka-Eliyazari no-Arhimeleki isizukulwana saka-Itamara, uDavida wabahlukanisa ngokweenqhema zokulotjha.

⁴ Iinzukulwana zaka-Eliyazari gade zineenhloko ezinengi zemindeni kunezaka-Itamara. Yeke iinzukulwana zaka-Eliyazari zahlukaniswa zaba ziinhloko zemindeni ezilitjhumi nesithandathu, kwathi iinzukulwana zaka-Itamara zaba ziinhloko zemindeni ezibunane.

⁵ Bazihlukanisa ngefumbe ngokungakhethi ngombana bekunabarholi bezekolo, iinceku zakaZimu hlangana kweenzukulwana zaka-Eliyazari no-Itamara.

⁶ Umabhalana uTjhemaya umsa kaNetaneli umLevi watlola amabizwabo ebukhoneni bekosi uDavida, iinkhulu, uTsadokhi umphristi, u-Arhimeleki umsa ka-Abiyatari naphambi kweenhloko zemindeni yabaphristi namaLevi. Kwakhethwa babili ngefumbe emndenini ka-Eliyazari, kwakhethwa munye emndenini ka-Itamara.

⁷ Ifumbe yokuthoma yadla uJehoyaribi, yesibili uJedaya,

⁸ yesithathu yadla uRharimu, yesine uSeworimu,

⁹ yesihlanu yadla uMalikiya, yesithandathu uMijamini,

¹⁰ yekhomba yadla uRhakhotsi, yobunane u-Abiya,

¹¹ yethoba yadla uJetjhuwa, yetjhumi uTjhekaniya,

¹² yetjhumi nanye yadla u-Eliyatjhibu, yetjhumi nambili uJakhimu,

¹³ yetjhumi nantathu yadla uRhupha, yetjhumi nane uYetjhebabi,

¹⁴ yetjhumi nahlanu yadla uBhiliga, yetjhumi nesithandathu u-Imeri,

¹⁵ yetjhumi nalikhomba yadla uRheziri, yetjhumi nabunane uHaphitsetsi,

¹⁶ yetjhumi nethoba yadla uPetarhiya, yamatjhumi amabili uJerhezikheli,

¹⁷ yamatjhumi amabili nanye yadla uJakini, yamatjhumi amabili nambili uGamulu,

¹⁸ yamatjhumi amabili nantathu yadla uDelaya, yamatjhumi amabili nane uMazeya.

¹⁹ Leli-ke lidlhego abahlelwa ngalo lokha nabangena ethempelini lakaSomnini uZimu bona balotjhe. Kwaba ngendlela uyise u-Aroni abayala ngayo, ukuya ngomyalo kaSomnini uZimu wakwa-Israyeli.

Iinqhema zamaLevi amanye

²⁰ Iinzukulwana ezinye zakaLevi nazo bezihlelwe ngeenqhema: eenzukulwaneni zaka-Amramu kwakhutjhwa isiqhema sakaTjhubayeli, emadodaneni kaTjhubayeli kwakhutjhwa sakaJerhideya;

²¹ eenzukulwaneni zakaRerhabiya kwakhutjhwa isiqhema sakaYitjhiya oyihloko yomndeni;

²² eenzukulwaneni zakaJitsihari kwakhutjhwa isiqhema sakaTjhelomothi, emadodaneni kaTjhelomothi kwakhutjhwa sakaJarhathi;

²³ eenzukulwaneni zakaRhebroni kwakhutjhwa isiqhema sakaJeriya oyihloko, alanywe ngu-Amariya, wesithathu kunguJarhaziyeli, wesine kunguJekhamamu;

²⁴ eenzukulwaneni zaka-Uziyeli kwakhutjhwa isiqhema sakaMika, emadodaneni kaMika kwakhutjhwa sakaTjhamiri;

²⁵ eenzukulwaneni zakaYitjhiya umnakwabo kaMika, kwakhutjhwa isiqhema sakaZakariya.

^26-27 UMarhili noMutjhi bekumadodana kaMerari; eenzukulwaneni zakaJaziya umzukulu kaMerari, kwakhutjhwa iinqhema zakaTjhohamu, uZakuri no-Ibri;

²⁸ u-Eliyazari bekuyindodana kaMarhili, kodwana gade anganamadodana;

²⁹ eenzukulwaneni zakaKhitjhi kwakhutjhwa isiqhema sakaJerarhimiyeli;

³⁰ eenzukulwaneni zakaMutjhi kwakhutjhwa iinqhema zakaMarhili, u-Ederi noJerimothi. Ngilezo-ke iinqhema zamaLevi ngokwemindenawo.

³¹ Nawo-ke aphosa ifumbe njengabomnakwabo okuziinzukulwana zaka-Aroni benza lokho ebukhoneni bekosi uDavida, uTsadokhi, u-Arhimeleki naphambi kweenhloko zemindeni yabaphristi namaLevi. Lokhu bekwenziwa ngokungakhethi phakathi komndeni waloyo oyihloko nowabamlamako.