1 IINKRONIKE 2 - IsiNdebele 2012 Translation

Abafowabo kaJuda neenzukulwana zakhe

¹ Naka amadodana ka-Israyeli: nguRubeni, uSimiyoni, uLevi, uJuda, u-Isakari, uZebuloni,

² uDani, uJosefa, uBhenjamini, uNafitali, uGadi no-Atjheri.

³ Amadodana kaJuda bekungu-Eri, u-Onani noTjhela. Amadodana amathathu wawabelethelwa nguBhathi-Tjhuwa umKanana. U-Eri izibulo lakaJuda bekanobukhohlakali phambi kwakaSomnini, yeke uSomnini wamnikelela ekufeni.

⁴ UTamari umalukazana kaJuda, wambelethela uPeretsi noZerarhi. Amadodana kaJuda gade amahlanu nasele awoke.

⁵ Amadodana kaPeretsi bekunguRhetsironi noRhamuli.

⁶ Amadodana kaZerarhi bekunguZimri, u-Etani, uHemani, uKalikoli noDara; sele awoke bekamahlanu.

⁷ Umsa kaKarimi bekungu-Akari, owabangela bona ama-Israyeli ehlelwe yihlekelele ngokuthatha lokho ebegade kuzilwa bona kuthintwe.

⁸ Umsa ka-Ethani bekungu-Azariya.

⁹ Amadodana abelethelwa uRhetsironi bekunguJerarhimiyeli, uRamu noKalebi.

¹⁰ URamu wabeletha u-Aminadabi, u-Aminadabi wabeletha uNarhitjhoni umrholi wabantu bakwaJuda.

¹¹ UNarhitjhoni wabeletha uSalima, uSalima wabeletha uBhowazi,

¹² uBhowazi wabeletha u-Obede, u-Obede wabeletha uJese.

¹³ UJese wabeletha u-Eliyabu olizibulo lakhe; wesibili kungu-Abinadabi, wesithathu kunguTjhimeya,

¹⁴ wesine kunguNathaneli, wesihlanu kunguRadayi,

¹⁵ wesithandathu kungu-Otsemu bese kuba nguDavida wekhomba.

¹⁶ Abodadwabo bekunguTseruya no-Abigeyili. U-Abitjhayi noJowabi kanye no-Asayeli bekumadodana amathathu kaTseruya.

¹⁷ U-Abigeyili wabeletha u-Amasa. Uyise ka-Amasa kunguJeteri umItjhimayeli.

¹⁸ UKalebi umsa kaRhetsironi wabeletha abantwana no-Azuba umkakhe. Godu wabeletha abantwana noJeriyothi. Naka-ke amadodana ka-Azuba: nguJetjheri, uTjhobabi no-Aridoni.

¹⁹ Ekuhlongakaleni kwaka-Azuba, uKalebi wathatha u-Efrata owambelethela uRhuri.

²⁰ URhuri wabeletha u-Uri, u-Uri wabeletha uBhetsaleli.

²¹ Emva kwalokho uRhetsironi wathatha indodakazi kaMakiri umsunguli weGiliyadi. Gade ineminyaka ematjhumi asithandathu lokha nayithathako bona ibe mkakhe. Yona yambelethela uSegubi.

²² USegubi wabeletha uJayire. (UJayire waba nemizi ematjhumi amabili nantathu enarheni yakwaGiliyadi.

²³ Wangenela inarha yeGetjhuri ne-Aramu, wathumba imizi yamatende kaJayire, iKhenathi kanye nemizayo. Kwaba mimizi ematjhumi asithandathu sele iyoke.) Boke labo bekuziinzukulwana zakaMakiri umsunguli weGiliyadi.

²⁴ Kodwana emva kokobana uRhetsironi ahlongakalele eKalebi-Efrata, u-Abiya umkakhe wasala ambelethela u-Atjhirhuri umsunguli weTekhowa.

Iinzukulwana zakaJerarhimiyeli

²⁵ Amadodana kaJerarhimiyeli olizibulo lakaRhetsironi bekunguRamu izibulo kulandele uBhuna, u-Orene, u-Otsemu no-Arhiya.

²⁶ UJerarhimiyeli gade anomunye umfazi, ibizo lakhe kungu-Athara angunina laka-Onamu.

²⁷ Amadodana kaRamu olizibulo lakaJerarhimiyeli bekunguMatsi, uJamini no-Ekheri.

²⁸ Amadodana ka-Onamu kunguTjhamayi noJada. Amadodana kaTjhamayi kunguNadabi no-Abitjhuri.

²⁹ Ibizo lomka Abitjhuri bekungu-Abihayili. Yena wambelethela u-Arhibhani noMolidi.

³⁰ Amadodana kaNadabi bekunguSeledi no-Apayimu. USeledi wahlongakala anganamntwana.

³¹ Umsa ka-Apayimi bekunguYitjhi, umsa kaYitjhi kunguTjhetjhani, umsa kaTjhetjhani kungu-Arhilayi.

³² Amadodana kaJada umnakwabo lakaTjhamayi bekunguJeteri noJonathani. UJeteri wahlongakala anganamntwana.

³³ Amadodana kaJonathani bekunguPelethi noZaza. Boke labo, bekuziinzukulwana zakaJerarhimiyeli.

³⁴ UTjhetjhani bekanganamadodana kodwana anabentazana kwaphela. Gade anesisebenzi somGibhide ibizo laso kunguJarirha.

³⁵ UTjhetjhani wanikela indodakazakhe bona ithathwe sisebenzi sakhe uJarirha. Yona yambelethela u-Atayi.

³⁶ U-Atayi wabeletha uNathani, uNathani wabeletha uZabadi.

³⁷ UZabadi wabeletha u-Efilali, u-Efilali wabeletha u-Obede.

³⁸ U-Obede wabeletha uJehu, uJehu wabeletha u-Azariya.

³⁹ U-Azariya wabeletha uRheletsi, uRheletsi wabeletha u-Eliyasa.

⁴⁰ U-Eliyasa wabeletha uSisimayi, uSisimayi wabeletha uTjhalumu.

⁴¹ UTjhalumu wabeletha uJekhamiya, uJekhamiya wabeletha u-Elitjhama.

Iinzukulwana zakaKalebi

⁴² Amadodana kaKalebi ongumnakwabo lakaJerarhimiyeli bekunguMetjha izibulo lakhe. UMetjha waba msunguli weZifu, indodanakhe kunguMaretjha umsunguli weRhebroni.

⁴³ Abantu beRhebroni bekunguKhorarhi, uTapuwarhi, uRekhemu noTjhema.

⁴⁴ UTjhema wabeletha uRarhamu umsunguli weJorokhowamu. URekhemu wabeletha uTjhamayi.

⁴⁵ Umsa kaTjhamayi bekunguMawoni umsunguli weBhethe-Tsuri.

⁴⁶ Umngena wakaKalebi, u-Efa, wambelethela uRharana, uMotsa noGazezi. URharana wabeletha uGazezi.

⁴⁷ Amadodana kaJodayi bekunguRegemu, uJotamu, uGetjhana, uPelethi, u-Efa noTjhafu.

⁴⁸ Umngena omunye wakaKalebi, uMaka, wambelethela uTjhebheri noTirirhana.

⁴⁹ Wabuya wambelethela uTjhafu umsunguli weMadimana, noTjheva umsunguli weMakibhena neGiba. Indodakazi kaKalebi bekungu-Aksa.

⁵⁰ Ezinye iinzukulwana zakaKalebi bekumadodana kaRhuri olizibulo laka-Efrata: uTjhobali amsunguli weKhiriyathi-Jeyarimu,

⁵¹ uSalima amsunguli weBhethe-Lehema noRharefu umsunguli weBhethe-Gaderi.

⁵² Iinzukulwana zakaTjhobali umsunguli weKhiriyathi-Jeyarimu, bekunguReyaya kanye nengcenye yamaManarha.

⁵³ Imindeni yeKhiriyathi-Jeyarimi bekumaJiteri, amaPuthi, amaTjhuma namaMitjhira. Esizukulwanenesi kulapha kwavela khona amaTsora nama-Etjhitawuli.

⁵⁴ KuSalima kwadabuka amaBhethe-Lehema, amaNethofa, ama-Athirothi-Bhethe-Jowabi, ingcenye yamaManarha, amaTsori

⁵⁵ nemindeni yabatloli abagade bahlala eJabetsi, okutjho amaTira, amaTjhimiya namaSuka. Lawa bekumaKhena adabuka kuRhamathi umsunguli wesigungu samaRekabi.