لوقا 5 - Sindhi Bible (India)

पहेरियन चेलन खे सड॒ करण

¹ हिक डीं॒ह जड॒ऐं येशु गन्नेसरेत जी झील जे किनारे ते बीठो हुयो, त उते वडी॒ भीड़अ परमेश्वरअ जो वचन बु॒धण जे लाए हुन जे मथां किरी रई हुई।

² उन वक़्त येशुअ झील जे किनारे ते बि॒न बे॒ड़ियुन खे बीठल डि॒ठईं ऐं मछुवारा उन मां लई करे पांजे ज्॒यारन खे धोई रया हुवा।

³ येशु उन बे॒ड़ियुन मां हिकअ ते चढ़यो, उहा बे॒ड़ी शमौन पतरसअ जी हुई। येशुअ उन खे विनती करे चयईंस, बे॒ड़ीअ खे किनारे खां थोड़ो परते खणी हल। उन खां पो उहो बे॒ड़ीअ में वई करे मांणुन खे सिख्या डि॒यण लगो॒।

⁴ जड॒ऐं येशु मांणुन सां गा॒लाए चुको, तड॒ऐं हुन शमौन पतरसअ खे चयईं, “बे॒ड़ीअ खे अग॒यां गेहरे पाणीअ में वठी हल ऐं मछल्यूं पकड़ण जे लाए पांजे ज्॒यारन खे विझो।”

⁵ शमौनअ हुन खे चयईं, “हे प्रभु, असां सजी॒ रात महेनतअ कई आहे परअ असां जे हथ कुछ बी न लगो॒ आहे; तैं हुंदे बी तुंजे चवण ते मां ज्॒यारन खे विझंदुम।”

⁶ जड॒ऐं उनन ज्॒यारअ विधा, त एतरियूं मछल्यूं फाथ्यूं के उनन जा ज्॒यारअ फाटण लगा॒।

⁷ इन ते उनन पांजे साथिन खे जेके बे॒ बे॒ड़ीअ ते हुवा इशारो कयऊं, के अची करे असां जी मदद कयो ऐं उनन अची करे बि॒नी बे॒ड़ियुन खे एतरे हदअ ताईं मछल्युन सां भरे छड॒यऊं के उहे बु॒ड॒ण लग॒यूं।

⁸ जड॒ऐं शमौन पतरसअ इयो सब थींदे डि॒ठो, त उहो येशुअ जे पेरन ते किरी करे संदस खे इंय चवण लगो॒, “हे प्रभु, मूं वटां हल्यो वञ छोके मां पापी मांणू आयां।”

⁹ हेडि॒यूं मछल्युन जे फासण जी वजह सां शमौन ऐं उन जे साथिन खे डा॒ढो ताजुब थ्यो।

¹⁰ उअं हीं जब्दीअ जे बि॒नी पुटन याकूब ऐं यूहन्ना खे बी ताजुब थ्यो, जेके शमौनअ जा भाईवाड़अ हुवा। तड॒ऐं येशुअ शमौनअ खे चयईं, “ड॒क न; जीअं तूं मछल्यूं तो पकड़ीं उअं हीं हाणे खां तूं मांणुन खे इकट्ठो कंदे मुंजो चेलो ठवण जे लाए।”

¹¹ इन खां पो उहे बे॒ड़ियुन खे किनारे ते खणी आया ऐं सब कुछ छडे॒ करे संदस जे पोयां हलण लगा॒।

हिकअ कोढ़ीअ खे ठीक करण

¹² हिकअ दफ़े जड॒ऐं येशु गलील क्षेत्र जे कें नगरअ में हुयो, त उते हिक मांणू हुन वट आयो, जेंजो शरीर कोढ़अ सां भरयल हो। जड॒ऐं हुन येशुअ खे डि॒ठो, त पांजे मुंहं भर किरी पयो ऐं हुन खे मिंथूं करे चवण लगो॒, “ के हे प्रभु, अगर तूं चाहीं त मुखे इन बीमारीअ मां शुद्ध करे सग॒ंदो आईं।”

¹³ इन ते येशुअ पांजा हथअ उन डा॒ं वधायईं ऐं उन खे छूही करे इंय चयईंस, “मां चायां तो, के तूं शुद्ध थी वञ।” तड॒ऐं उहो पांजी कोढ़अ जी बीमारीअ मां ओढी॒ मलई शुद्ध थी वयो।

¹⁴ येशुअ उन खे चिताए करे चयईं, “इन जे बारे में केंखे कुछ बी न बु॒धाएजें परअ वञ पहेरयों पांजे पाण खे याजकअ खे वञी डे॒खार, के उहो तुंजी जांचअ कन ऐं पाण सां गड॒ कोढ़अ मां शुद्ध थ्यण जो चढ़ावो जेको मूसा नक्‍की कयो आहे, खणी वञी चढ़ाए ताकि मांणुन खे खबरअ पए के तूं शुद्ध थी वयो आईं।”

¹⁵ परअ त बी येशुअ जे बारे में इहे गा॒ल्यूं अञा फैलजंदियूं वयूं ऐं भीड़अ जी भीड़अ हुन खे बु॒धण जे लाए ऐं पांजी बीमारियुन मां ठीक थ्यण जे लाए संदस वट अचण लगी॒।

¹⁶ परअ उहो अक्सर सुनसान जगे॒हुन में अलग वञी करे प्रार्थना कंदो हो।

हिकअ लकवे जे रोगी॒अ खे ठीक करण

¹⁷ हिक डी॒ंह इंय थ्यो के येशु सिख्या ड॒ई रयो हो। फ़रीसी ऐं धर्म-शास्त्री उते वेठा हुवा। उहे गलील ऐं यहूदिया जे क्षेत्रन जे हर हिकअ नगरअ मां ऐं यरूशलेम शहेरअ मां आया हुवा। बीमारन खे ठीक करण जे लाए परमेश्वरअ जी सामर्थ येशुअ सां गड॒ हुई।

¹⁸ उन हीं वक़्त कुछ मांणू हिकअ लकवे जे रोगी॒अ खे खटअ ते खणी आया ऐं उहे उन खे येशुअ जे अग॒यां रखण जे लाए घरअ जे अंदर खणी वञण जी कोशिश करण लगा॒।

¹⁹ परअ जड॒ऐं भीड़अ जे करे उहे उन खे दरवाज़े खां अंदर वठी वञी न सग॒या, त उहे उन घर जी छित ते चढ़ी वया ऐं उन जा कुछ छपरा हटायऊं ऐं इन खां पो उन रोगी॒अ खे खटअ सूधो मांणुन जे विच में जिते येशु हुयो, उते हेठ लाथउंस।

²⁰ येशुअ उनन जो इयो विश्वास डि॒सी करे, उन रोगी॒अ खे चयईं, “हे दोस्तअ, तुंजा पापअ माफ़ थ्या।”

²¹ इन ते धर्मशास्त्री ऐं फ़रीसी पांजे दिल में इंय सोचण लगा॒, “हे केर आहे जेको परमेश्वरअ जी निंदा तो करे? परमेश्वरअ खे छडे॒ बि॒यो केर पापन खे माफ़ करे सग॒ंदो आहे?”

²² येशुअ उनन जे दिल जी गा॒ल्यूं जा॒णे वरतईं सो इन करे उनन खे चयईं, “तवां पांजे दिल में इयो छो सोचे रया आयो?

²³ सोहलो छा आहे? छा इयो चवण ‘के तुंजा पापअ माफ़ थी वया’, यां इयो चवण, ‘के उथी करे घुम फिर’?

²⁴ परअ मां तवां खे इयो इन जे करे चयो, ताकि तवां खे खबरअ पए के मांणूअ जे पुटअ खे धरतीअ ते पापअ माफ़ करण जो बी अधिकार आहे।” येशुअ लकवे जे रोगी॒अ खे चयईंस, “मां तोखे चवां तो त, उथ ऐं पांजी खटअ खणी करे घर हल्यो वञ।”

²⁵ सो उहो ओढी॒ मलई सबनिन मांणुन जे सामूं उथी खड़ो थ्यो ऐं जैं खटअ ते उहो लेटियल हुयो, उन हीं खटअ खे खणी करे ऐं परमेश्वरअ जी स्तुति कंदो पांजे घर हली वयो।

²⁶ इयो डि॒सी सबनिन मांणुन खे ताजुब थ्यो ऐं उहे परमेश्वरअ जी स्तुति करण लगा॒ ऐं डा॒ढो ड॒की करे इंय चवण लगा॒, “अज॒ असां अद्भुत गा॒ल्यूं थींदे डि॒ठियूं आइन।”

येशुअ जो लेवीअ खे सड॒ करण

²⁷ उन खां पो येशु बा॒हिर निकतो ऐं हुन लेवी नाले जे हिकअ महसूल उगा॒ड़ींदड़अ खे महसूल उगा॒ड़ण वारी चौकीअ ते वेठल डि॒ठईं। येशुअ उन खे चयईंस, “मुंजे पोयां हल्यो अच।”

²⁸ तैंते लेवी उथ्यो ऐं सब कुछ छडे॒ करे हुन जे पोयां हलण लगो॒।

²⁹ उन खां पो लेवीअ येशुअ जे सम्मानअ में पांजे घर डा॒ढी वडी॒ दावतअ रखयईं; उन दावतअ में महसूल उगा॒ड़ींदड़ ऐं बि॒या बी घणाहीं मांणू येशु ऐं लेवीअ सां गड॒ रोटी खाएण वेठा।

³⁰ इन ते फ़रीसी ऐं धर्मशास्त्रिन जो झुण्ड कुड़कुड़ाए करे येशुअ जे चेलन खे चवण लगो॒, “तवां छो महसूल उगा॒ड़ींदड़अ ऐं पापिन सां गड॒ खाओ-पीओ प्या ता?”

³¹ इयो बु॒धी येशुअ उनन खे जवाब डि॒नो, “डाक्टरअ जी ज़रूरतअ बीमारन खे हुंदी आहे, न के उनन खे जेके तंदुरुस्त आइन।

³² मां उनन खे, जिन खे इयो एहसास आहे के असां खे पापन मां तौबां करण जी ज़रूरतअ आहे, सड॒ करण आयो आयां उनन खे न जेके पांजे पाण खे सही ता समझन।”

विर्तअ जे बारे में सवाल पुछण

³³ हिकअ डी॒ंहं ते कुछ मांणुन येशुअ खे इंय चयो, “यूहन्ना जा चेला त अक्सर विर्त रखंदा आइन ऐं प्रार्थना कंदा आइन ऐं उअं हीं फ़रीसिन जा चेला बी कंदा आइन परअ तुंजा चेला त खाईंदा-पीअंदा ता रवन।”

³⁴ येशुअ उनन खे चयो, “छा तवां बारातिन खां जेसताईं घोट राजा उनन सां गड॒ आहे, उन वक़्त विर्त रखाए सग॒ंदा आयो?

³⁵ परअ उहे डी॒ंहं ईंदा जड॒ऐं घोट राजा बारातिन खां अलग कयो वेंदो, सो उनन डी॒ंहन में उहे बी विर्त रखंदा।”

³⁶ येशुअ उनन खे इया बी मिसाल डि॒नईं, “कोई बी मांणू नएं कपड़े मां चतो फाड़े करे उन खे जूने कपड़े में न हणंदो आहे, जेकड॒ऐं इंय कंदो त उहो नओं कपड़ो बी फाटी पवंदो ऐं नएं कपड़े जो चतो जूने कपड़े सां मेल बी न खाईंदो।

³⁷ उअं हीं कोई बी ताजे अंगूरअ जो रस जूनन मशकन में न भरींदो आहे, जेकड॒ऐं इंय कंदो त ताजे अंगूरअ जी रस मशकन खे फाड़े करे वई वेंदी ऐं इंय करण सां मशकन जो बी जान थी वेंदो।

³⁸ परअ ताजे अंगूरअ जी रस नवन मशकन में हीं भरी वञण खपे।

³⁹ जूनी रस पीअण खां पो कोई बी नई रस पंसद नथो करे, छोके त हू चहे तो, के जूनी ही रस वधीकअ सुठी आहे।”