لوقا 3 - Sindhi Bible (India)

यूहन्ना बपतिस्मा डि॒यण वारे जो प्रचार

¹ तिबिरियुस नाले जे रोमी महाराजा जे राज॒अ जो पंद्रहों साल हुयो। उन वक़्त पोंतियुस पिलातुस यहूदिया क्षेत्र जो राज्यपाल हो ऐं हेरोद गलील क्षेत्र जो हाकिम हो, उन जो भा फिलिप्पुस इतूरैया ऐं त्रखोनीतिस क्षेत्र जो हाकिम हो ऐं लिसानियास अबिलेने क्षेत्र जो हाकिम हो।

² जड॒ऐं हन्ना ऐं कैफा महायाजकअ हुवा, त उनन डी॒ंहन में परमेश्वरअ जो वचन जंगलअ में जकरयाह जे पुटअ यूहन्ना वट पौंतो।

³ उहो यरदन नदीअ जे आसे-पासे जे सबनिन क्षेत्रन में वञी प्रचार करण लगो॒, के पांजे पापन खां तौबां कयो ऐं बपतिस्मा वठो त तवां खे परमेश्वरअ जे तरफां पापन मां माफ़ी मिलंदी।

⁴ जीअं त यशायाह भविष्यवक्‍ता जी किताबअ में भविष्यवाणी लिख्यल आहे, “जंगल में हिक ज॒णो वडे॒ आवाज़ सां चई रयो आहे, ‘के प्रभुअ जे लाए मांणू पांजे दिल खे तैयार कन, ऐं हुन खे डि॒सण जे लाए पांजे पाण खे तैयार कन।

⁵ हर हिकअ घाटी भरी वेंदी, हर हिकअ पहाड़ी ऐं पहाड़ सपाट कयो वेंदो; जेको टेढ़ो रस्तो आहे उन खे सिधो कयो वेंदो ऐं जेको खॾन खोॿन वारो रस्तो आहे, उन खे लसो कयो वेंदो।

⁶ हर हिक मांणू परमेश्वरअ जे उद्धारअ खे डि॒संदो’।”

⁷ जेकी भीड़अ यूहन्ना खां बपतिस्मा वठण जे लाए ईंदी हुई उनन खे उहो चवंदो हुयो, “हे नांगअ जा बा॒रऔ तवां खे कें चयो आहे, के परमेश्वरअ जे अचण वारे क्रोधअ खां तवां बची सगं॒दव?

⁸ इन करे तवां हाणे एड़ा कमअ कयो जेंसां इयो साबित थे के तवां पांजन पापन मां तौबां कई आहे ऐं तवां इंय न सोचो, के तवां अब्राहमअ जा वंशजअ आयो, त इन करे परमेश्वर तवां जे पापन जो न्याय न कंदो; छोके मां तवां खे चवां तो परमेश्वर त इन पथरन मां बी अब्राहमअ जे लाए औलाद पैदा करे सगे॒ तो।

⁹ परअ हाणे तवां पांजन पापन मां तौबां न कंदव, त परमेश्वर तैयार आहे तवां खे सजा डि॒यण जे लाए। इयो इन वांगुर आहे, जीअं त कोई वण सुठो फल न खणी ईंदो आहे त उन खे कटण जे लाए मांणू कुहाड़ो वण जे थड़अ ते तैयार रखंदा आइन। सो जेको वण सुठो फल न खणी ईंदो उहो कटे करे बाहे में फिटो कयो वेंदो।”

¹⁰ इन ते भीड़अ हुन खां पुछण लगी॒, “त असां छा कयऊं?”

¹¹ यूहन्ना उनन खे जवाब डि॒नईं, “जैं वट ब॒ बुशेटूं हुजन उहो उनन मां हिकअ बुशेटअ उन खे डे॒ जैं वट न हुजे, इंय हीं खाएण वारी शयुन सां बी कयो।”

¹² महसूल उगा॒ड़ींदड़अ बी हुन खां बपतिस्मा वठण आया ऐं उनन यूहन्ना खां पुछो, “हे गुरू, असां छा कयूं?”

¹³ यूहन्ना उनन खे चयईं, “जेकी महसूल नक्‍की कई वई आहे, उन खां वधीकअ वसूल न कयो।”

¹⁴ सिपाहिन बी हुन खां पुछो, “असां छा कयऊं?” यूहन्ना उनन खे चयईं, “केंखां बी दबा॒ए, धमकाए यां कूड़ो इल्ज़ाम हणी करे पैसा वसूल न कयो परअ पांजी पगारअ में हीं संतुष्‍ट रहो।”

¹⁵ मांणू मसीहा जी आसअ में हुवा इन करे यूहन्ना जी गा॒ल्यूं बु॒धी पांजे दिल में इयो विचार करण लगा॒, के किथे इयो ही त मसीह कोने।

¹⁶ इन ते यूहन्ना सबनिन खे चयईं, “मां त तवां खे पाणीअ में तो बपतिस्मा डि॒यां; परअ हिक ज॒णो अचण वारो आहे जेको मुखां बी महान आहे। मां त इन लायक बी कोन आयां के झुकी करे हुन जे जूते जूं डो॒रियूं बी खोले सगा॒ं; उहो तवां खे पवित्र आत्मा ऐं बाहे सां बपतिस्मो डी॒ंदो।

¹⁷ कणकअ खे साफ करण जो छज॒अ हुन जे हथअ में आहे; ऐं हू तैयार आहे कणकअ खे भूसे खां अलग करण जे लाए, कणकअ खे त उहो पांजे गोदामअ में रखंदो परअ भूसे खे उहो उन बाहे में साड़ींदो जेकी कड॒ऐं बी न विसामंदी।”

¹⁸ यूहन्ना एड़े घणन हीं अलग अलग तरीकन सां मांणुन खे ख़ुशख़बरी बु॒धाईंदो रयो।

¹⁹ परअ जड॒ऐं यूहन्ना चौथाई देशअ जे हाकिम हेरोदअ खे उन जे भा फिलिप्पुस जी ज़ालअ हेरोदियास सां शादी करण जे लाए ऐं बि॒यन सबनिन गलत कमन जे बारे में जेके उन कया हुवा, छंडयईंस त,

²⁰ हेरोदअ इन खां बी वधीकअ गलत कम इयो कयईं, के उन यूहन्ना खे पकड़े जेल में विझी छड॒यईं।

येशुअ जो बपतिस्मो

²¹ जड॒ऐं यूहन्ना मांणुन खे बपतिस्मा डी॒ंदो हो, त उते येशुअ बी संदस खां बपतिस्मो वरतो। जड॒ऐं उहो प्रार्थना करण लगो॒, त ओढी॒ मलई आसमान खुली वयो,

²² ऐं पवित्र आत्मा कबूतरअ जे रूपअ में हुन जे मथां लथो ऐं स्वर्ग॒अ मां इया परमेश्वरअ जी आवाज़ आईं, “के तूं मुंजो प्यारो पुट आईं, तोखां मां डा॒ढो ख़ुश आयां।”

येशुअ जी वंशावली

²³ जड॒ऐं येशुअ पाण सिख्या डि॒यण शुरू कयईं, त उहो लगभग टीएं साले जो हो, (इयो मांणुन द्वारा समझो वेंदो हो के) उहो पुट आ यूसुफअ जो; ऐं यूसुफ एलीअ जो,

²⁴ ऐं एली मत्तातअ जो, ऐं मत्तात लेवीअ जो, ऐं लेवी मलकीअ जो ऐं मलकी यन्नई जो ऐं यन्नई यूसुफअ जो

²⁵ ऐं यूसुफ मत्तित्याह जो ऐं मत्तित्याह आमोसअ जो ऐं आमोस नहूमअ जो ऐं नहूम असल्याह जो ऐं असल्याह नग्गईअ जो,

²⁶ ऐं नग्गई मातअ जो ऐं मात मत्तित्याह जो, ऐं मत्तित्याह शिमीअ जो ऐं शिमी योसेखअ जो ऐं योसेख योदाह जो,

²⁷ ऐं योदाह योनानअ जो ऐं योनान रेसा जो ऐं रेसा जरुब्बाबेलअ जो ऐं जरुब्बाबेल शालतियेलअ जो ऐं शालतियेल नेरीअ जो,

²⁸ ऐं नेरी मलकीअ जो ऐं मलकी अद्दीअ जो ऐं अद्दी कोसामअ जो ऐं कोसाम इलमोदामअ जो ऐं इलमोदाम एरअ जो,

²⁹ ऐं एर यहोशुअ जो ऐं यहोशु एलीएज़रअ जो ऐं एलीएज़र योरीमअ जो ऐं योरीम मत्तातअ जो ऐं मत्तात लेवीअ जो

³⁰ ऐं लेवी शमौनअ जो ऐं शमौन यहूदाह जो ऐं यहूदाह यूसुफअ जो ऐं यूसुफ योनानअ जो ऐं योनान इल्याकीमअ जो,

³¹ ऐं इलयाकीम मलेआह जो ऐं मलेआह मिन्नाह जो ऐं मिन्नाह मत्तातअ जो, ऐं मत्तात नातानअ जो ऐं नातान दाऊदअ जो,

³² ऐं दाऊद यिशै जो ऐं यिशै ओबेदअ जो ऐं ओबेद बोअज जो ऐं बोअज सलमोनअ जो ऐं सलमोन नहशोनअ जो,

³³ ऐं नहशोन अम्मीनादाबअ जो ऐं अम्मीनादाब अदमीनअ जो ऐं अदमीन अरनीअ जो ऐं अरनी हिस्रोनअ जो ऐं हिस्रोन फिरिसअ जो ऐं फिरिस यहूदाह जो,

³⁴ ऐं यहूदाह याकूबअ जो ऐं याकूब इसहाकअ जो ऐं इसहाक अब्राहमअ जो ऐं अब्राहम तेरह जो ऐं तेरह नाहोरअ जो,

³⁵ ऐं नाहोर सरूग जो ऐं सरूग रऊअ जो ऐं रऊ पेलगअ जो ऐं पेलग एबिरअ जो ऐं एबिर शिलह जो,

³⁶ ऐं शिलह कनानअ जो ऐं कनान अरफक्षदअ जो ऐं अरफक्षद शेमअ जो ऐं शेम नूहअ जो ऐं नूह लिमिकअ जो,

³⁷ ऐं लिमिक मथूशिलह जो ऐं मथूशिलह हनोकअ जो ऐं हनोक यारेदअ जो ऐं यारेद महलेलअ जो ऐं महलेल केनानअ जो,

³⁸ ऐं केनान एनोशअ जो ऐं एनोश शेतअ जो ऐं शेत आदमअ जो ऐं आदम परमेश्वरअ जो पुट हो।