لوقا 13 - Sindhi Bible (India)

पांजे पापन खां तौबां कयो

¹ उन वक़्त कुछ मांणुन अची करे येशुअ खे उन गलील्युन जे बारे में बु॒धायो जेंखे पिलातुसअ माराए छड॒यो ऐं संदन जो खून उनन जे ही ब॒ली क्यल जानवरन सां गड॒ मिली वयो, जेके ब॒ली उहे मंदरअ में कन पया।

² इयो बु॒धी येशुअ उनन खे चयो, “तवां छाता समझो, के इहे गलीली ब्॒यन सबनिन गलीलिन खां वधीकअ पापी हुवा, के उनन सां गड॒ इंय थ्यो?

³ मां तवां खे चवां तो इंय कोने; परअ अगर तवां पांजन पापन खां तौबां न कंदव, त तवां सब बी सागे॒ ही तरीके सां नाश थींदव।

⁴ यां, तवां छाता समझो के उहे अरणां ज॒णा जेके शीलोह जी मिनारअ किरण सां दब॒जी मरी वया उहे सबनिन यरूशलेमअ में रवण वारन खां वधीकअ पापी हुवा?

⁵ मां तवां खे चवां तो इंय कोने; परअ अगर तवां पांजन पापन खां तौबां न कंदव, त तवां सब बी इन हीं तरीके सां नाश थींदव।”

बिना फ़लअ जे अंजीरअ जो वण

⁶ पो येशुअ मांणुन खे हिकअ मिसालअ डीं॒दे चयईं, “हिकड़े मांणूअ जे अंगूरअ जे बाग़॒अ में अंजीरअ जो वण लग॒ल हो। उहो उन में फल गो॒लण आयो परअ संदस खे हिक बी फल न मिल्यो।

⁷ इन ते उन बाग़॒अ जे मालीअ खे चयईं, ‘डि॒स, मां टिन सालन खां इन अंजीरअ जे वण में फल गो॒लण तो अचां परअ इन वण मां मुखे हिक बी फल न मिल्यो आहे। इन करे इन खे कटे छड॒, के इयो ज़मीनअ खे बी छो रोके वे?’

⁸ परअ मालीअ उन खे चयईं, ‘हे स्वामी, इन वण खे हिक साल अञा रवण डे॒, के मां इन जे चौतरफ़ां खोटे करे इन में खाद विझां।

⁹ अगर इन खां पो बी इयो फल नथो डे॒, त पो इन खे कटे छड॒जैं’।”

सबधअ जे डी॒ंहं ते हिकअ स्त्रीअ खे ठीक करण

¹⁰ हिकअ दफ़े येशु सबधअ जे डीं॒हं ते प्रार्थना-घरअ में सिख्या ड॒ई रयो हो,

¹¹ उते हिकड़ी स्त्री हुई जेमें अरणन सालन खां दुष्‍टआत्मा हुई। दुष्‍टआत्मा उन स्त्रीअ खे कमजोर ऐं कुब॒ड़ी करे छड॒यो हुयईंस ऐं उहा कें बी तरीके सां सिधी न पई थी सगे॒।

¹² जड॒ऐं येशुअ उन खे डि॒ठो, त पाण वट सड॒ करे चयईंस, “हे स्त्री, तूं पांजी बीमारीअ मां आज़ाद थीअं।”

¹³ तड॒ऐं येशुअ उन जे मथां पांजा हथअ रखयईं, त ओढी॒ मलई उहा कुब॒ड़ी स्त्री सिधी थी वई ऐं परमेश्वरअ जी स्तुति करण लगी॒।

¹⁴ इन ते प्रार्थना-घरअ जे सरदारअ खे गुस्सो लगु॒स, छो त येशुअ सबधअ जे डीं॒हं ते उन स्त्रीअ खे ठीक कयो वईं। उहो सरदार मांणुन खे चवण लगो॒, “छः डीं॒ंहं आइन, कम करण जे लाए। सो उनन डीं॒हन में हीं ठीक थ्यण जे लाए अचो, सबधअ जे डी॒ंहं ते न।”

¹⁵ इयो बु॒धी येशुअ उन खे चयो, “हे पाखंडीयो, छा तवां मां हर कोई सबधअ जे डीं॒हं ते पांजे ढगे॒ यां गड॒व खे तबेले मां खोले पाणी पियारण जे लाए न वठी वेंदो आहे?

¹⁶ त पो छा इयो सही न हो, के इया स्त्री जेकी अब्राहमअ जे वंशज जी आहे सबधअ जे डीं॒हं ते आज़ाद कई वञे आं, जेंखे शैतानअ अरणन सालन खां पांजे ब॒न्धन में ब॒धी रख्यो वईं?”

¹⁷ येशुअ जूं इहे गा॒ल्यूं बु॒धी करे हुन जा सब विरोधी शर्मसार थी वया परअ बाकी सजी॒ भीड़अ हुन जे अजबन जे कमन खे डि॒सी करे ख़ुश थी।

राईअ जे बि॒जअ जो मिसाल

¹⁸ पो येशुअ चयईं, “परमेश्वरअ जो राज॒ कें वांगुर आहे? मां उन खे छा सां भेटियां?

¹⁹ उहो राईअ जे हिकअ बि॒जअ वांगुर आहे, जेंखे कें मांणूअ खणी पांजे बाग़॒अ में पोख्यो ऐं उहो वधी करे वण थी वयो ऐं आकाशअ जा पखी अची उन जी टारियुन ते घोसलो ठाहे रवण लगा॒।”

ख़मीरअ जो मिसाल

²⁰ येशुअ वरी चयईं, “मां परमेश्वरअ जे राज॒अ खे छा सां भेटियां?

²¹ उहो ख़मीरअ वांगुर आहे, जेंखे कें स्त्रीअ खणी अटे सां भरयल वडे॒ थालअ में मिलायईं ऐं मिलाईंदे मिलाईंदे इंय थ्यो, के ख़मीर सजे॒ अटे में फैलजी वयो।”

सोड़ो दरवाज़ो

²² येशु नगर-नगर ऐं गाम-गामअ में सिख्या डी॒ंदो यरूशलेम शहेरअ जी तरफ वञी रयो हो,

²³ त कें मांणूअ येशुअ खां पुछो, “प्रभु! छा उद्धार पाएण वारा थोड़ा ही आइन?” इन ते येशुअ उन खे चयईं,

²⁴ “सोड़े दरवाज़े मां अंदर दाख़िल थ्यण जी दिलजान सां कोशिश कयो, छोके मां तवां खे चवां तो के डा॒ढा अंदर दाख़िल थ्यण जी कोशिश कंदा परअ घिरी न सग॒ंदा।

²⁵ जेकड॒ऐं हिकअ दफ़े घरअ जे धणीअ दरवाज़ो बंद करे छड॒यो, त पो तवां बा॒हिर बीह करे केतरोही दर खड़काए करे चओ, ‘हे मालिकअ, असां जे लाए दर खोल’ परअ हू तवां खे जवाब डीं॒दो, ‘के मां तवां खे न सुञाणींदो आयां, के तवां किथां आया आयो?’

²⁶ इन ते तवां चवंदव, ‘असां तोसां गड॒ खादो-पीतो हो ऐं तो असां जे चौंकन में सिख्या डि॒नी हुई।’

²⁷ परअ हू तवां खे चवंदो, ‘मां तवां खे न सुञाण्यां के तवां किथां आया आयो। हे कुकर्म करण वाराओ तवां सब मुंजे सामूंअ खां हली वञो।’

²⁸ पो जड॒ऐं तवां अब्राहम, इसहाक, याकूब ऐं सब भविष्यवक्‍ताउन खे परमेश्वरअ जे राज॒अ में डि॒संदव ऐं पांजे पाण खे उन मां बा॒हिर पाईंदव तड॒ऐं तवां रोईंदव ऐं पांजा ड॒ंदअ पीसींदव।

²⁹ ओभर ऐं ओलहा; उत्तर ऐं ड॒खण खां मांणू अची परमेश्वरअ जे राज॒अ जे दावतअ में शामिल थींदा।

³⁰ डि॒सो, केत्रा ही जेके हाणे पोयां आइन उहे अग॒यां थींदा; ऐं केत्रा ही जेके हाणे अग॒यां आइन उहे पोयां थींदा।”

हेरोदअ जो कपट

³¹ उन वक़्त कुछ फ़रीसी येशुअ वट आया ऐं संदस खे चयऊं, “तूं हितां निकरी हल्यो वञ, छोके हेरोद तोखे मारण तो चाहे।”

³² येशुअ उनन खे चयो, “वञो ऐं उन लोमड़ीअ खे चओ, के मां अज॒ ऐं सुभाणे दुष्‍टआत्माउन खे कढंदुम ऐं बीमारन खे ठीक कंदो रवंदुम ऐं टें डी॒ंहं ते पांजो मकसद खे पूरो कंदुम।

³³ परअ तड॒ऐं बी मुंजे लाए इयो ज़रूरी आहे के अञा थोड़े समय जे लाए पांजो सफ़र जारी रखां, छोके इंय न थी सग॒ंदो आहे, के कोई भविष्यवक्‍ता यरूशलेम खां बा॒हिर मारयो वञे।”

यरूशलेमअ जे लाए येशुअ जो प्रेम

³⁴ “हे यरूशलेम! हे यरूशलेम! उहो शहेर जेको भविष्यवक्‍ताउन खे मारे छडी॒ंदो आहे ऐं परमेश्वरअ जे दूतन ते पथराव कंदो आहे। मां केतराही दफ़ा चायो के जीअं मुर्गी पांजे बा॒रन खे पांजे परन जे हेठां इकट्ठो कंदी आहे, उअं हीं मां बी तुंजे बा॒रन खे इकट्ठो कयां परअ तो मुखे इज़ाजतअ न डि॒नी।

³⁵ इन करे हाणे डि॒सो, तवां जो घर तवां जे लाए वीरान कयो वेंदो। मां तवां खे चवां तो, के तेसताईं तवां मुखे वरी कड॒ऐं न डि॒संदव जेसताईं इंय न चवंदव, ‘धन्य आहे उहो जेको प्रभुअ जे नाले सां तो अचे’।”