Kalangan 93 - Kitab Injil and Kitab Awal-Jaman

Kalangan 93

¹ Si Yawe ya magsultan ma kamemon, pagmahaldika'an sultan mahatinggi ya pamakayna. Ga'osan sultan iya pakambot hawakanna. Magsin'mmek iya kamahaltabatan. Ahogot papagan dunya itu, mbal tajudjal.

² Ya Tuhan, ahogot kapagsultannu, sangay min awal tagna'. Ka'asalnu dahū gi' min kapamapanjari dunya.

³ O Yawe, ang'llub saga s'llang, angabal tahik, alandos pangabalna, angalagublub kalumbagan tahik.

⁴ Landu' aheya pangulattub goyak, aheya isab pang'llub goyak pasampoyak. Saguwā' labi lagi' aheya ga'osan si Yawe, ya katapusan alanga.

⁵ Atantu pangahatulnu, mbal magpinda-pinda. Alingkat luma'nu e' kasussina. Alingkat ni kasaumulan, O PANGHŪꞋ.