Kalangan 8 - Kitab Injil and Kitab Awal-Jaman

Kalangan 8

Kalangan si Da'ud

¹ O Yawe, ka'a pagpanghū'an kami, kaheya du pa'in mahaltabatnu ma kaluha'an dunya! Alanga sahayanu min kapitu' lapis langit.

² Min kahandaknu saga kamanahutan amudji ōnnu, saga anak duru'an lagi' ananglitan ka'a. Angkan mbal maka'atu saga palbantahan, mbal makatukas saga magbabalos.

³ Ya PANGHŪꞋ, bang aku pahangad ni langit bo' angira-ngira kahinangan tangannu, bang nda'ku bulan maka saga bitu'un ya bay pat'nna'nu ma b'ttong langit,

⁴ tabowa aku atilaw pasal kami manusiya'. Ai kapūsan kami angkan kami pagka'inagonannu? Angay kannalnu bangsa manusiya' ya mbal anatas itu?

⁵ Pat'nna'nu kami areyo' dangkuri' min saga bangsa mala'ikat ya porol ma sulga'. Buwanannu kami kasanglitan maka kabantugan.

⁶ Buwanannu kami kapatut magbaya' ma kamemon ai-ai bay paniya'nu, bo' kami makapagnakura' ma kamemon papanjarihan,

⁷ saga sapi' maka saga bili-bili, hayop ni'ipat, maka saga sattuwa talun.

⁸ Makapagagi kami ma saga manuk-manuk, maka ma kaginisan daing tahik maka sattuwa dilaut.

⁹ O Yawe, ya pagpanghū'an kami, kaheya du pa'in mahaltabatnu ma kaluha'an dunya!