Kalangan 3 - Kitab Injil and Kitab Awal-Jaman

Kalangan 3

Kalangan si Da'ud ma waktu kalahina min anakna si Absalom

¹ O Yawe, aheka saga a'a amantahan aku! Kapilahan aku e' saga a'a magpanagga' aku.

² Aheka isab saga a'a anunggīngan aku, yuk-i, “Mbal iya pinuwas e' Tuhan min kamulahan.”

³ Saguwā' ka'a ya tampanku, O PANGHŪꞋ. Ka'a ya amuwanan aku kasahaya'an. Ka'a ya amahogot kamahaldika'anku.

⁴ Bang aku parahing ni PANGHŪꞋ-Yawe, sinambungan aku e'na min būdna mulliya.

⁵ Ahāp e'ku atuli, asannang isab kabati'ku, sabab binogbogan aku e' PANGHŪꞋ.

⁶ Mbal aku tināw ma saga bantaku ibu-ibuhan, ya angalibutan aku ma paruruwambila'.

⁷ Ya PANGHŪꞋ, pasa'ut ka, lappasun aku min ka'aniban. Suntukun palbantahanku ma baihu' sigām, paglopotun empon sigām.

⁸ Si Yawe ya angaliyusan aku min kamulahan. Bang pa'in buwanannu kahāpan saga a'a suku'nu.