Kalangan 121 - Kitab Injil and Kitab Awal-Jaman

Kalangan 121

¹ Pahangad aku ang'nda' tudju ni kabūran. Minningga aku makabāk tabang?

² Tinabang aku he' si Yawe, ya bay amapanjari langit maka dunya.

³ Mbal pasagaranna tape'nu parasdas ma lān. Mbal tatuli ya anganjagahan ka'a.

⁴ Mbal talilap ya anunggu'an bangsa Isra'il, tantu iya mbal tatuli.

⁵ Si Yawe ya anganjagahan ka'a, pasindungannu si Yawe pataptap ma bihingnu kowan.

⁶ Mbal ka kinapiyalu bang llaw, mbal ka taluwa' bulan bang sangom.

⁷ PANGHŪꞋ-Yawe ya angahampanan ka'a bo' mbal ta'abut la'at. PANGHŪꞋ ya ameyanan kallum-nyawanu.

⁸ PANGHŪꞋ ya anganjagahan ka'a ma katulaknu maka ma kapole'nu, min llaw itu sampay ni kasaumulan.