Kalangan 100 - Kitab Injil and Kitab Awal-Jaman

Kalangan 100

¹ Ka'am kamemon ma dunya itu, patanogun suwalabi amudji si Yawe, kabowa kakōganbi.

² Ta'atunbi PANGHŪꞋ-Yawe luwas min kakoyaganbi, pabaihu' kam ma iya maka kalanganbi makalasig.

³ Ta'uhunbi si Yawe, in iya Tuhan. Si Yawe ya bay amapanjari kitam, ati suku'na kitam. A'ana kitam, sapantun bili-bili ma pangipatanna.

⁴ Palabay kam min saga lawangna salta' kam magsarang-sukul. Pasōd kam ni halaman luma'na hinabubi magpudji. Pagsukulinbi iya, pudjihunbi ōnna!

⁵ Sabab ahāp kasuddahan PANGHŪꞋ, maka taptap lasana kasi. Kapangandolan iya salama-lama tahun.