Kalangan 1 - Kitab Injil and Kitab Awal-Jaman

JŪD KALANGAN Palbahagi'an Kitab Jabul Kalangan 1

¹ Aheya kahāpan ma a'a sasuku mbal ameya' gara' min a'a jahulaka', sasuku isab mbal pasehe' ma a'a pangandusa. Mbal iya palamud ma saga a'a ya angandali'it Tuhan,

² saguwā' kahōpan iya ma sara' ya panoho'anna ma manusiya'. Ya he' kinannal e'na llaw-sangom.

³ A'a inān sali' sapantun kayu tinanom ma bihing sapa', ya amuwan buwa' ma musimna du. Minsan painay mbal pak'llos dahunna. Ai-ai hinangna, ahāp sadja tungbasna.

⁴ Malaingkan saga a'a jahulaka' mbal buwattē'. Sapantun sigām hampa' pai ya tabowa paleyang e' baliyu.

⁵ Ya he' sababna angkan saga a'a jahulaka' mbal makara'awa bang ta'abut nihukum, mbal isab pinalamud ma sasuku abontol atayna tudju ni Tuhan.

⁶ Saga a'a abontol niayura na pa'in e' PANGHŪꞋ-Yawe, sagō' saga a'a jahulaka' ala'at sadja kat'kkahan sigām.