Muuduko 5 - Gooti Toolluro Yogalokwono

Adamolluro kwikweyago kwolallo sumo'nopo tonyunokwono

¹ Kuuguudo akav Adamolluro kwikweyago kwolallo sumo'nopo tonyunokwono. A'mwo abolo su tonyu Gooti tool gavubusuko sokwollosokagano.

² Toro tonyu a'mwo toorogai abolo togai yokwollosuno sumaiyokwe sugudo tov kuubweyokaikono. Toro uubweno sumaiyokwe, “A'mwo abolo togano,” sowarokagano.

³ To'no'gwowi Adamol mwalno mwalno sumaiyokwe kworomo tov 130 kworomokwe tool kwolaiyo pwol gavubusuko toollu yawosunyuno sumaiyokwe Setolo sowarokaikono.

⁴ Adamol Setollu me'no yawosunyuno sumaiyokwe 800 kworomo pubuuke'aro amwalokaikono. Toro mwalno sumaiyokwe kwolaiyo taiyo pugai'aro sawosunokaikono.

⁵ Toro te Adamol yiuwi'nokai kworomo tov 930 kworomokwe tool abolokaikono.

⁶ Toruda'ai aki Setol mwalno mwalno sumaiyokwe 105 kworomokwe tool kwolaiyo pwol sawosunokaikono. Kwolaiyo su toolluno yovo tov Inoosolo sowarokaikono.

⁷ Setol Inoosollu yawosunyuno sumaiyokwe toga 807 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

⁸ Toro te Setol yiuwi'nokai kworomo tov 912 kworomokwe tool abolokaikono.

⁹ Toruda'ai aki Inoosol mwalno mwalno sumaiyokwe kworomo tov 90 kworomokwe tool kwolaiyo pwol sawosunokaikono. Toro toolluno Kenanolo sowarokaikono.

¹⁰ Inoosol Kenanollu yawosunyuno sumaiyokwe toga 815 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

¹¹ Toro te Inoosol yiuwi'nokai kworomo tov 905 kworomokwe tool abolokaikono.

¹² Toruda'ai aki Kenanol mwalno mwalno sumaiyokwe toga 70 kworomokwe tool kwolaiyo pwol sawosunokaikono. Toro toolluno Mahalalelo sowarokaikono.

¹³ Kenanol Mahalalellu yawosunyuno sumaiyokwe toga 840 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

¹⁴ Toro te Kenanol yiuwi'nokai kworomo tov 910 kworomokwe tool abolokaikono.

¹⁵ Toruda'ai aki Mahalalel mwalno mwalno sumaiyokwe toga 65 kworomokwe tool kwolaiyo pwol sawosunokaikono. Toro toolluno Jaretolo sowarokaikono.

¹⁶ Mahalalel Jaretollu yawosunyuno sumaiyokwe toga 830 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

¹⁷ Toro te Mahalalel yiuwi'nokai kworomo tov 895 kworomokwe tool abolokaikono.

¹⁸ Toruda'ai aki Jaretol mwalno mwalno sumaiyokwe toga 162 kworomokwe tool kwolaiyo pwol sawosunokaikono. Toro toolluno Inookolo sowarokaikono.

¹⁹ Jaretol Inookollu yawosunyuno sumaiyokwe toga 800 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

²⁰ Toro te Jaretol yiuwi'nokai kworomo tov 962 kworomokwe tool abolokaikono.

²¹ Toruda'ai aki Inookol mwalno mwalno sumaiyokwe toga 65 kworomokwe tool kwolaiyo pwol sawosunokaikono. Toro toolluno Metuuselolo sowarokaikono.

²² Toro tool Metuuselollu yawosunyuno sumaiyokwe toga Inookol Gooti toolluro ibwoto'nyo kuunodo sumo'nyajukekono. Toro mujomwekovla'mdowo 300 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

²³ Toro te Inookol yiuwi'nokai kworomo tov 365 kworomokwe sumo'nokaikono.

²⁴ Inookol kworomo su tobuullu Gooti tooke ibwoto'nyo kuunodo sumo'nyajukekono. Toro toollu Gooti tool gavuge mwallo'moneyokwe muunyu kai'muuno amokailokaikono. Toro amokailoka toollu a'mwo tooro aki aiko te mwonyajupekono. Gooti tool yiunokuudo amokailokaikono.

²⁵ Toruda'ai aki Metuuselol mwalno mwalno sumaiyokwe toga 187 kworomokwe tool kwolaiyo pwol sawosunokaikono. Toro toolluno Lamekolo sowarokaikono.

²⁶ Metuuselol Lamekollu yawosunyuno sumaiyokwe toga 782 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

²⁷ Toro te Metuuselol yiuwi'nokai kworomo tov 969 kworomokwe tool abolokaikono.

²⁸ Toruda'ai aki Lamekol mwalno mwalno sumaiyokwe toga 182 kworomokwe tool kwolaiyo pwol sawosunokaikono.

²⁹ Lamekol toro yawosunyuno sumaiyokwe toga adokaikono. “Oo Gooti Yawel kwako akavi kaiyako me'no sugolosokakwono. Toro sugolosoka tovida'ai womdo bwotonyo ton imo'na'dowadokwono. Toro kuvi kuruv aga'no'gwowi moro kwolaiyo akal nemoro womdo tonyu piyarupto nekullo'mo tov do'nanekullonekono.” Adokaikono. Toro juno sumaiyokwe toga Noowalo sowarokaikono.

³⁰ Lamekol Noowallu me'no yawosunyuno sumaiyokwe toga 595 kworomo tobuuke'aro amwalokaikono. Toro tool kwolaiyo taiyo pugai'aro sawosunokaikono.

³¹ Toro te Lamekol yiuwi'nokai kworomo tov 777 kworomokwe tool abolokaikono.

³² Toruda'ai aki Noowal mwalno mwalno sumaiyokwe toga 500 kworomokwe tool kwolaiyo pworapwol toorai sawosunokaikono. Kwolaiyo su tooraino yovo tov Semol Hamol Jafetol toorogano.