Muuduko 10 - Gooti Toolluro Yogalokwono

Noowalluro jukweyago kwolaiyo toorainokwono

¹ To'no'gwowi buuru'allako bwotonyo tov me'no abawoka toga Noowalluro muugunyo Semeke Hameke Jafeteke tooro kwolaiyo pworo sawosunoporogano. Toro todorotavuro kwikweyago kwolaiyo abillumo'nopo tooraino yovo tov arorogano.

² Jafetolluro kwolaiyo tooraino yovo tov Goomereke Magookeke Matai'weke Javaneke Tuubaleke Mesekeke Tiraseke toorogano.

³ Toro sawosunoka tooravuro Goomerol aro toorai sawosunokaikono. Asukenaseke Rifateke Toogamaike toorai sawosunokaikono.

⁴ Aki Goomerollu gagwai'yago Javanolluro kwolaiyo sawosunoka tooraino yovo tov Elisaike Tasiseke Kutumeke a'mwo Roodanda'ai toorogai'aro toorogano.

⁵ Toro tooro kwikweyago kwolallo bwotonyo yawosunodupu soolwara wolago tomuu amjomwekwiyajuporogano. Aki aku'momdo kumuu kuruv amjomwekwiyajuporogano. Toro tooro go'no go'no iko tovasuda'ai kemi avaiyogaljo toorogai mwalodupu kwako gomno gomno tomuu amwallajuporogano. Jafetolluro jukweyago kwolaiyo tooraino kuuguudo tov torokwono.

⁶ Toruda'ai aki Noowalluro muugunyo Hamol aro toorai kwikweyagekono. A'mwo Kuusoda'ai toorogai'aro Ijupda'ai toorogai'aro Libiyada'ai toorogai'aro Kenanda'ai toorogai'aro toorai kwikweyagekono.

⁷ Toruda'ai Hamolluro muugunyo Kuusolluro kwolaiyo sawosunoka tooraino yovo tov Sebaike Havilaike Saptaike Ramaike Sapteka'weke toorogano. Aki toro sawosunoka Rama'wol a'mwo Sibada'ai toorogai'aro Dedanda'ai toorogai'aro toorai kwikweyagekono.

⁸ Hamolluro muugunyo Kuusol toro toorai yawosuno'no aki kwolaiyo pweke'aro sawosunokaikono. Toro sawosunoka toolluno yovo tov Nimrootolekono. Nimrootol yiuwi'nokai kwako akavuro amuuloka muudu'no sumo'nokaikono.

⁹ Aki toro tool Gooti Yawelluro wiyo'mwojoduke tovida'ai ibesa'aiyo molo kuunodo sumo'nyajukekono. Toro toolluno tov lukomguda'ai a'mwo pwol ibesa'aiyo molo kuunodo imo'noduke toollu wonodupu aro ajajuporogano. “Oo akal Nimrootolbusukekono. Gooti Yawelluro wiyo'mwojoduke tovida'ai ibesa'aiyo molo kuunodo jumo'nadopiyo.” Ajajuporogano.

¹⁰ Muudu'nodo toga Nimrootol wagwolago puruvapuruv tonyu mido amollomwallajukekono. Wagwolago su tonyuno yovo tov Bebelokwe Erekokwe Akatokwe togano. Wagwolago su ton kwako Bebelooniya toru wo'dupudogano.

¹¹ Toruda'ai Nimrootol kwako su toru wuugollu'movo'no kwako Asiriya'no avlavokaikono. Plaino sumaiyokwe kwako Asiriya toru wagwolago bwotonyo pugai'aro amojudapiyokaikono. Wagwolago su tonyuno yovo tov Niniveyokwe Reyoobootirokwe Kalakwe tonyu amojudapiyokaikono.

¹² Aki wagwolago puruv Niniveyokwe Kalakwe tovallu akuuto toru amojudapiyokaikono. Wagwolago su tovino tov Resenovokwono. Wagwolago su tov bwotonyo kuunodokwono.

¹³ To'no'gwowi Hamolluro muugunyo Ijupol aro toorai sawosunokarogano. A'mwo Ludiyada'ai toorogai'aro Anamda'ai toorogai'aro Leyapda'ai toorogai'aro Naftuuda'ai toorogai'aro

¹⁴ Patruusuda'ai toorogai'aro Kasiluuda'ai toorogai'aro Kritda'ai toorogai'aro toorai sawosunokarogano. Kritda'ai su tooravuro abopo pworo a'mwo Filistiyada'ai toorogano.

¹⁵ Toruda'ai aki Hamolluro muugunyo Kenanol kwolaiyo sujuraiyo toollu yawosunyuno sumaiyokwe Saidoonolo sowarokaikono. Toro yowa'no sumaiyokwe lukomgu kwolaiyo pweke'aro yawosuno'no Hitolo sowarokaikono.

^16-18 Toro te Kenanol aro toorai kwikweyago kwimo'nokaikono. Jebuusuda'ai toorogai'aro Amooroda'ai toorogai'aro Gurugasoda'ai toorogai'aro Hivuda'ai toorogai'aro Arikada'ai toorogai'aro Sinida'ai toorogai'aro Arivatda'ai toorogai'aro Semaroda'ai toorogai'aro Hamatda'ai toorogai'aro kwolallo su toorai kwikweyago kwimo'nyajukekono. Kenanolluda'ai abillumo'nopo su tooro lukomgu gomno gomno sounopiyoporogano.

¹⁹ Toro te Kenanda'ai tooravuro kwako tonyuro senagu'nyo tov aro kworokakwono. Saidoonda'ai imom wonyo kwolmoka saut tomgu wagwolago Gerar tomuu'aro kworokakwono. Wagwolago su tov Gasa wobo toru kwoso. Aki kuujo tool sulopiyamoka tomguda'ai senagu'nyo tov aro kworokakwono. Wagwolago Soodoomke Goomoorake Atimakwe Sebooyimke Lasakwe tomuu'aro kworokakwono.

²⁰ Hamolluro jukweyago kwolaiyo tooro toro abillumo'noporogano. Toro tooro kemi go'no go'no iko tovasuda'ai avaiyogaljo toorogai mwalodupu kwako gomno gomno tomuu amwallajuporogano. Hamolluro jukweyago kwolaiyo tooraino kuuguudo tov torokwono.

²¹ Toruda'ai aki Noowalluro muugunyo Semol kwol kuruv kwolaiyo pworai sawosunokaikono. Semol Jafetollu gadai'yagekono. Aki toro tool yiuwi'nokai Eberolluda'ai abopo toorai kwikweyago kwimo'nokaikono.

²² Toro te Semolluro kwolaiyo sawosunoka tooraino yovo tov Elameke Asuureke Apakisateke Ludiyaike Arameke toorogano.

²³ Toruda'ai aki Semolluro muugunyo Aramolluro kwolaiyo sawosunoka tooraino yovo tov Uuseke Huuleke Getereke Maseke toorogano.

²⁴ Toruda'ai aki Semolluro muugunyo Apakisatolluro kwolaiyo sawosunoka toolluno yovo tov Sela'wolekono. Aki Sela'wolluro kwolaiyo sawosunoka toolluno yovo tov Eberolekono.

²⁵ Eberol kwolaiyo pworal sawosunokaikono. Kwolaiyo su tooralluno yovo tov pwol Pelekolo sowarokaikono. Yovo su tovino kavlo tov aro tovinokwono. Yomuudeyomwalloveyo'mokwono. Toro te a'mwo abolo ton gomno gomno yomuudeyomwalodopure togasuro sawosunoka toolluno tov Pelekolo sowarokaikono. Aki Pelekollu gagwai'yago toolluno yovo tov Jookitanolekono.

^26-29 Jookitanolluro sawosunoka tooraino yovo tov Alimoodateke Selefeke Hasarimaveteke Jera'weke Hadoorameke Uusaleke Dikila'weke Oobaleke Abimaiyoleke Sibaike Oofireke Havilaike Joobapeke toorai sawosunokaikono. Yiuwi'nokai su tooro Jookitanolluda'ai aboporogano.

³⁰ Toro tooravuro kwako amwallajupo tovuro senagu'nyo tov aro kwollajukokwono. Wagwolago Mesakwe Sefakwe tovalluro akuuto toru'aro kwollajukokwono. Wagwolago Sefa tov kuujo tool sulopiyamoka tomgu muumuudo toorai tomuu wo'dowodokwono.

³¹ Semolluro jukweyago kwolaiyo tooro toro abillumo'noporogano. Toro tooro kemi go'no go'no iko tovasuda'ai avaiyogaljo toorogai mwalodupu kwako gomno gomno tomuu amwallajuporogano. Semolluro jukweyago kwolaiyo tooraino kuuguudo tov torokwono.

³² Toro te iko go'no go'nodo tovasuda'ai kwolallo su ton Noowalluda'ai abopogano. Aiyoga buuru'allako tov me'no abawoka togada'ai kwolallo su ton billumo'no'mno kwako akavi aiyowomno so'mowopiyopogano. Kwolallo Noowalluda'ai sumo'nopo tonyuno kuuguudo tov torokwono.