Matyuu 1 - Gooti Toolluro Yogalokwono

Jisasolluro jukweyago sumdomguda'ai sumo'nugelabiyajupo toorainokwono

¹ Puukwollo akav Jisas Kraisolluro jukweyago toorainokwono. Jisasol Devitolluro jukweyago kwolaiyekono. Aki Devitol Eburaiyamolluro jukweyago kwolaiyekono.

² Eburaiyamol Aisakollu sawosunokaikono. Aisakol Jekoopollu sawosunokaikono. Jekoopol Juuda'weke'aro kwolaiyo pworogai'aro toorai sawosunokaikono.

³ Toruda'ai Juuda'wol Pereseke'aro Siraike'aro todorallu sawosunokaikono. Toro todoralluro kuuneyago tovino yovo tov Temaveyokwono. Toruda'ai Peresol Hesroonollu sawosunokaikono. Hesroonol Ramollu sawosunokaikono.

⁴ Toruda'ai Ramol Aminadapollu sawosunokaikono. Aminadapol Nasoonollu sawosunokaikono. Nasoonol Salmoonollu sawosunokaikono.

⁵ Toruda'ai Salmoonol Boowasollu sawosunokaikono. Boowasolluro ganeyago tovino yovo tov Rahapovokwono. Toruda'ai Boowasol abolo Ruutovida'ai Oobetollu amollawosunokaikono. Oobetol Jesiyollu sawosunokaikono.

⁶ Toruda'ai Jesiyol a'mwo aguto kig Devitollu sawosunokaikono. Lukomgu a'mwo pwolluno yovo tov Uuraiyalekono. A'mwo su toolluro abolo tovi a'mwo aguto kig Devitol maro'no Sooloomonollu amollawosunokaikono.

⁷ Toruda'ai Sooloomonol Reyooboowamollu sawosunokaikono. Reyooboowamol Abija'wollu sawosunokaikono. Abija'wol Asallu sawosunokaikono.

⁸ Toruda'ai Asal Jehoosafatollu sawosunokaikono. Jehoosafatol Jooramollu sawosunokaikono. Jooramol Uusaiya'wollu sawosunokaikono.

⁹ Toruda'ai Uusaiya'wol Jootamollu sawosunokaikono. Jootamol Ehasollu sawosunokaikono. Ehasol Hesekaiya'wollu sawosunokaikono.

¹⁰ Toruda'ai Hesekaiya'wol Manaseyollu sawosunokaikono. Manaseyol Emoonollu sawosunokaikono. Emoonol Joosaiya'wollu sawosunokaikono.

¹¹ Toruda'ai Joosaiya'wol Jekoonaiya'wollu sawosunokaikono. Toro yawosunyuno sumaiyokwe aki gagwai'yago pworogai'aro toorai sawosunokaikono. Su toro toga Bebeloonda'ai tooro Isuraiyolda'ai toorai wuulo meromwora'no sumaveyokwe kwako Bebeloon tomuuno amovipolomokavlavoporogano.

¹² Bebeloon'no me'no mokavla'mno sumaveyokwe toga Jekoonaiya'wol Siyaltiyolollu sawosunokaikono. Toruda'ai Siyaltiyolol Seruubabelollu sawosunokaikono.

¹³ Toruda'ai Seruubabelol Abiyuutollu sawosunokaikono. Abiyuutol Eliyakimollu sawosunokaikono. Eliyakimol Asoorollu sawosunokaikono.

¹⁴ Toruda'ai Asoorol Sadookollu sawosunokaikono. Sadookol Akimollu sawosunokaikono. Akimol Eliyuudollu sawosunokaikono.

¹⁵ Toruda'ai Eliyuudol Eleyasarollu sawosunokaikono. Eleyasarol Matanollu sawosunokaikono. Matanol Jekoopollu sawosunokaikono.

¹⁶ Toruda'ai Jekoopol Joosepollu sawosunokaikono. Joosepol Mariyavi kwolo tookono. Mariyav Jisasollu somarokakwono. Jisasolluno a'mwo tooro aro dodupudekono, “Oo Krais tookono,” dodupudekono.

¹⁷ Toro te su toro yowosungelabino yowosungelabino sumaveyokwe Eburaiyamolluda'ai yiuno a'mwo aguto Devitolluno abillumo'nopo su toga 14-pela toul abawokakwono. Aki a'mwo aguto Devitolluda'ai yowosungelabino yowosungelabino sumaveyokwe yiuno Bebeloon'no ameromokavlavopo su toga 14-pela toul abawokakwono. Aki Bebeloon'no ameromokavlavopo togada'ai yowosungelabino yowosungelabino sumaveyokwe yiuno Krais toolluno abillumo'nopo su toga 14-pela toul abawokakwono.

Mariyav Jisasollu somaroka tovinokwono

¹⁸ Toro te Jisas Kraisollu somaroka tovino kuuguudo tov aro tomgu'aro sumo'nokakwono. Gamoro ganeyago Mariyav Joosepollo'moneyokwe ajudoubwengikokwono. Toro kuvi kuruv Joosepol Mariyavi yere mamaro'no sumwonyo miyodole toga Mariyav sumwoluko sumo'nokakwono. Su tov Gooti toolluro Kuullo toolluro jurogudo tovida'ai to'no sumo'nokakwono.

¹⁹ Aki Joosepol a'mwo sugudekono. Toro tool abolo tovuro sumwoluko tovi wonyuno sumaiyokwe abolo su tovi wogulo iwo'gallo'mo mwinokaikono. Toro tool yiulo tomuu mododukwopiyo'mo kwinokaikono.

²⁰ Joosepol toro kuudo yau'duke kuvi kuruv Aguto toolluro ensel pwol wojo tovi'aro bwiyalo'nyuno sumaiyokwe aro kuudokaikono. “Joosepoloo, Devitolluro jukweyago kwolaiyo tooku Mariyavi mallo'mo tovino luko mibinono. Abolo su tovuro sumwoluko tovida'ai kwolaiyo aulomnasuko su tool Gooti toolluro Kuullo toolluda'ai sumo'nadopiyo.

²¹ Kwolaiyo somaro'ji su tool a'mwo abolo tonyu kemoro ma'no ma'nodo tovuro kirumwallo tovida'ai bomollurolovomokalokwiyo'moneyokwe imo'nonekono. Toro toolluno tov guvu Jisasolo yowa'binekono.” Aguto toolluro ensel tool Joosepollu su toro kuudokaikono.

²² Yiuwi'nokai bai'mopino akan Aguto toolluro yogalo puvi suuwiyo imwojo'moneyokweyogano. Yogalo su tov aiyoga gamoro proofet pwollu'aro me'no amorapiyokaikono. Yogalo su tov arokwono.

²³ “Sujuraiyo puruv a'mwo pweke sumwonyo miyodo'bule kwolaiyo sumwoluko puruv imo'nonokwono. Kwolaiyo su toollu somaro'ji toga Imanyuuwelolo mullowaronekono. Yovo su tovino kavlo tov aro'mokwono. Gooti tool nevuge amwallo'mokwono.” Aguto toolluro proofet tool toro adokaikono.

²⁴ Toruda'ai Joosepol dukaino sumaiyokwe Aguto toolluro ensel tool gamoro kuudoka kuvinono kuumjunokaikono. Toro tool abolo su tovi amarokaikono.

²⁵ Toro amaroka kwol kuruv abolo tov kwolaiyo toollu yere miyoma'duke toga sumwonyo miyajulekono. Toro kuvi kuruv yiuno kwolaiyo toollu me'no somaroka toga'no'gwowi sumwonyo solovakono. Toro te Joosepol kwolaiyo toolluno yovo tov Jisasolo amullowarokaikono.