نامَ بُ تیتوس 3 - کتاب مقدس به زبان کردی شیکاکی

بُ هر شُلَگه قَنج خو حاضِر گَن

¹ بینَ بیرا وان گو ژه حاکِما و خُدان قُدرَتا اطاعته بِگَن، بِن اَمره واندا بِن و بُ هر شُلَگه قَنج خو حاضِر گَن؛

² راستا چه کَسه دا پیس قِسَ نَگَن، ژه شَری خو دور بِگِرِن، مِرُوه بَرآورد بِن و گَل تواوی خلقه دا بِ احتراما کامِل رِفتاره بِگَن.

³ چون گو اَم بوخو ژی زَمانَگه به عاقل بون و مَ اطاعت نَدِگِر و اَم ره دَرکَوته بون، اَم بِبونَ اسیره همو جورَ داخازیه نفسانی و عیاشیا؛ مَ رُژه خو ناو پیسیتی و حسادت و نَفرَته دا دَرباز دِگِر. خلقه ژه مَ نَفرَت هَبو و مَ ژی ژه یِگودو نَفرَت هَبو.

⁴ بله وقته گو باشیتیا نجاتگَره مَ خدا و مِهربانیا وی راستا مِرُوادا آشگَرا بو،

⁵ اَوی اَم نجات دان. اَو نجاتَ، بَر خاطره عمله مَ یه صالِح نَبو، بَلگو گورَیَگی رَحما وی و شُستِنا دله مَ بو گو بِ واسِطا وی، رِحا مُقدسا خدا، دیسا دُنیا هاتِن و ژیانا تازَ دا مَ؛

⁶ هَمَن اَو رِحا مُقدس گو خدا اَو، بِ واسِطا نجاتگَره مَ عیسیْ مسیحْ، گَلَک زِدَ رِژاندَ سَر مَ،

⁷ گو اَم بِ لطفا وی صالِح بِنَ هَژمارتِن و گورَیَگی اُمیدا گو مَ ژیانا اَبَدی هَیَ، اَم بِبِنَ وَرَثَ.

⁸ هِتبار وه قِسه دِتَ گِرِن و اَز ژه تَ دِخازِم گو تَ سَر وان شُلانَ اصرار هَبیت، گو اَونه گو ایمان اینانَ خدا، هیشیار بِن گو خو وَقفی شُله قَنج بِگَن. اَو دِشدَنَ بُ خلقه گَلَک قَنجِن و سَر کاره وانَ.

⁹ بله خو ژه شَره گو سَر به عاقلیه نَ، داره مالباتا، نفاق و شَره گو سَر شِریعَته نَ دور بِگِرَ. چون گو اَو به فایدَ و به اَرزِشِن.

¹⁰ راستا وی مِرُوی دا گو جُداتیه دِخِنیت، جارا اَوِلی و پاشه بُ جارا دویه هُشداره بِده دا و پاشه ایدی هاتِن چُنا وی نَگَ.

¹¹ چون تِ دِزانی گو مِرُوَگه وِسا منحرف بویَ و گُنَهکارَ. اَو بوخو، خو محکوم دِگَت.

نصیحت و سِلاوه دوماییگه

¹² وقته گو مِن آرتِماس آن تیخیکوس رِگِرَ لاره تَ، سَعیا خو بِگَ گو بِی شَهره نیکوپولیسه لاره مِن، چون گو مِن تصمیم گِرتیَ گو زِستانه بِمینِمَ وِدَره.

¹³ سَعیا خو بِگَ گو آریکاریا زیناسه وکیل و آپولس بِگَی گو بِگارِن سَفَرا خو بَردَوام گَن، گوهه تَ سَردا بیت گو چه گِماسیه وان چِنَبِن.

¹⁴ بِلا خلقه مَ فِر بِن گو خو وَقفی شُله قَنج بِگَن گو وِسا، بُ آریکاری گِرِن راستا هَوجَییادا بِبِنَ کمک و به حاصِل نَمینِن.

¹⁵ تواوی اَونه گو گَل مِدانَ بُ وَ سِلاوا دِرِگَن. سِلاوا بِگَهَشینَ اَونه گو ناو ایمانه دا هَژَ مَ دِگَن. لطفا خدا گَل وَ همویادا بیت.