Tîmotʼêyo I 3 - کتاب مقدس به زبان کردی شیکاکی

چاودِر و خِذمَتکارِت کلیسایه

¹ هِتبار وه قِسه دِتَ گِرِن: هَگو مِرُوَگه داخازیا چاودِریا کلیسایه هَبیت، اَو دوو وَظیفَیَگه قَنج دایَ.

² بَ وه یگه ژی مِرُوَگ گو چاودِریه دِگَت، نابی ژیانا خودا دِشدَگ هَبیت گو بَر خاطره وه بِتَ سرزنش گِرِن، دِبی تِنه مِره ژِنَگه بیت، هیشیار بیت، خو راگِریت، خُدان آبرو بیت، مِوانپَروَر بیت، بِگاریت دَرسه بِدَت،

³ مَه وَخار نَبیت، زُره نَگَت بَلگو مِرُوَگه نَرم بیت، شَرگَر نَبیت، هَژَ دِراوی نَگَت.

⁴ اَو دِبی باش خانوادا خو اِدارَ گَت، دِبی زارویه خو وِسا مَزِن گَت گو ناو سَرگِرانیَگه کامِل دا اطاعته بِگَن.

⁵ چون هَگو مِرُوَگ نَزانیت گو چاون دِبی خانوادا خو اِدارَ گَت، اَو چاون دیه کلیسایا خدا خُدان گَت؟

⁶ چاودِره کلیسایه نابی تازَ ایمان اینا بیت، گو وِسا له نَیِت گو مغرور بیت و بِوَ وه محکوم بونه بیت گو ابلیس بِوَ بو.

⁷ خِنجی وانَ، اَو دِبی وِسا بیت گو مِرُوه دَروَیی کلیسایه اَوی مِرُوَگه قَنج بِزانِن گو وِسا نَکَویتَ ناو رسوایی و طَلِگا ابلیس دا.

⁸ هَ وِسا ژی خِذمَتکارِت کلیسایه دِبی سَرگِران بِن، قِسا وان یگ بیت؛ اسیره شَرابه نَبِن و نابی بُ منفعتا گو ژه رِیا پیس دا تِت، طمع هَبِن.

⁹ اَو دِبی سِرّا ایمانه بِ وجدانَگه پاک خُدان گَن.

¹⁰ بِلا اَو اَوِلی بِنَ امتحان گِرِن ژی؛ پاشه هَگو اَوان ایثبات گِرِن گو به عَیبِن، بِهلِن گو اَو مقاما خِذمَتکاره کلیسایه دا خِذمَته بِگَن.

¹¹ هَ وِسا ژی، ژِنه وان دِبی سَرگِران بِن، نابی بُختانا بِگَن، بَلگو دِبی هیشیار بِن و همو دِشدی دا وفادار.

¹² هَریگ ژه خِذمَتکارا دِبی تِنه مِره ژِنَگه بیت و دِبی بِگارِن زارویه خو و خانوادا خو باش اِدارَ گَن.

¹³ چون اَونه گو مقاما خِذمَتکارادا قَنج خِذمَته دِگَن، بوخو مقامَگه قَنج تینِنَ دَست و هَ وِسا ژی دِبِنَ خُدانه اطمینانَگه عَظیم ناو ایمانا خو بِ مسیحْ عیسیْ دا.

¹⁴ اَز هِویدارِم گو گَلَک زو بِمَ لاره تَ، بله اَز وان دِشدانَ بُ تَ دِنِویسِم گو،

¹⁵ هَگو اَز مامَ دِرَنگی، تِ بِزانی گو مِرُوَگ دِبی چاون ناو خانوادا خدادا رِفتاره بِگَت، اَو خانوادا خدا گو کلیسایا خدایه حَیّ و حاضِرَ و ستون و خیمه راستیه یَ.

¹⁶ اَم اعتراف دِگَن گو بَراستی سِرّا دینداریه عَظیمَ: اَو ناو جسمه دا دووهار بو، بِ واسِطا رِحا خدا راستیا وی ایثبات بو، میلیاکَتا اَو دیتِن، ناو مِلَتادا هاتَ وَعظ گِرِن، ناو دُنیایه دا ایمان اینانَ وی، و ناو شُکوه و جلاله دا، ژِلَل هاتَ بِرِن.