Marqos 1 - کتاب مقدس به زبان کردی شیکاکییحیا، رِیا مسیحْ حاضِر دِگَت 1 دَستبه گِرِنا انجیلا عیسیْ مسیحْ، گوره خدا. 2 کِتِبا اِشعیایه پِیغَمبَردا هاتیَ نِویساندِن: «نَهَ اَزه قاصده خو پِش تَدا رِگَم، گو رِیا تَ دیه حاضِر گَت؛» 3 «دَنگا اَوه گو ناو چُله دا دِگَتَ هَوار: ”رِیا خاده حاضِر گَن! رِیه وی راست گَن» 4 یحیایه گو غُسلا تعمیده دِدا ناو چُله دا پَیدا بو و بُ خلقه وَعظ دِگِر گو بُ هِنده گُنَهه وان بِنَ بَخشین، تَوبَ گَن و غُسلا تعمیده بِگِرِن. 5 تواوی جَماعَتا وَلاته یهودیه و خلقه شَهره اورشلیمه، دِچُنَ لاره وی و گُنَهِت خو اعتراف دِگِرِن و ژه دَسته وی ناو چَمه اردنه دا غُسلا تعمیده دِگِرتِن. 6 یحیا گِراس ژه هِریا دَوه دِگِرَ بَر خودا و بِشتبِنَگه چَرمی سَر بِشتا خو گِردِدا و کلو و هِنگِوینا چُله دا دِخار. 7 اَوی وَعظ دِگِر و دِگُت: «پاشه مِن، مِرُوَگ قاوَتتِر ژه مِن دیه بِت گو اَز حتا گِیر هِنده نایِم خار بِم و بَنگه سُلگه وی وَگَم. 8 مِن بِ آوه تعمید دایَ وَ، بله اَو دیه وَ بِ رِحا مُقدسا خدا تعمید دَت.» غُسلا تعمیدا عیسی 9 له وان رُژا، عیسی ژه شَهره ناصِرا حَریما جلیله هات و ژه دَسته یحیا ناو چَمه اردنه دا غُسلا تعمیده گِرت. 10 وقته عیسی ناو آوه دا دَرکَوت، هَ وه دَمه دیت گو اَسمان وَبویَ و رِحا خدا وَگو گُترَگه سَر وی ژُردا تِت. 11 و دَنگَک ژه اَسمانی گَهَشت گو «تِ گوره مِن یه عزیزی و اَز ژه تَ راضیمَ.» عیسی ناو امتحانه دا 12 رِحا خدا جیدا عیسی بِرَ ناو چُله. 13 عیسی چِل رُژا ناو چُله دا بو و شیطانی اَو امتحان دِگِر. اَو گَل حیواناته وَحشی دا دِما و میلیاکَتا بُ وی خِذمَت دِگِرِن. عیسی خِذمَتا خو دَستبه دِگَت 14 پاشه هِنده گو یحیا هاتَ گِرتِن، عیسی چو بُ حَریما جلیله. اَوی خَبَرا خوشَ پادشاهیا خدا وَعظ دِگِر 15 و دِگُت: «وقت تمام بویَ و پادشاهیا خدا نِیزوک بویَ. تَوبَ گَن و ایمانه بیننَ وه خَبَرا خوش.» شاگِردِت عیسی یه اَوِلی 16 وقته عیسی بَ لِوا گُلا جلیله دا دَرباز دِبو، شَمعون و بِرایه وی آندریاس دیتِن گو تُر دِهاوِتِنَ ناو آوه دا، چون گو ماسیگِر بون. 17 عیسی گُتَ وان: «دوو مِدا وَرِن گو اَزه وَ بِگَمَ نِچیروانه مِرُوا.» 18 اَوان جیدا تُره خو هِلانَ جی و دوو ویدا چُن. 19 وقته عیسی گوشگَ دی چو پِش، یعقوب گوره زِبِدی و بِرایه وی یوحنا دیتِن گو ناو قَییقا خودا بون و تُره خو حاضِر دِگِرِن. 20 جیدا گاز وان گِر. ایجا اَوان بابه خو زِبِدی گَل پاله ناو قَییقه دا هِلانَ جی و دوو ویدا چُن. عیسی شفایه دِدَتَ مِرُوه گو رِحَگه پیس هَیی 21 اَو چُنَ شَهره کَفَرناحومه. رُژا شَنبیه گو رُژا مُقدسَ یهودیایَ عیسی چو ناو دیره دا و دَستبه دَرس دایینه گِر. 22 خلق ژه دَرس دایینا وی صِفَت گِرتی بِبون، چون گو بِ اقتداره دَرس دِدا و نه بینا ماموستایِت تَوراته. 23 هَ وه دَمه، دیرا واندا مِرُوَگ بو گو رِحَگه پیس هَبو. اَوی گِرَ هَوار و گُت: 24 «اَی عیسایه ناصِری، تَ چه شُل گَل مَدا هَیَ؟ ما تِ هاتی مَ بَین بِبَی؟ اَز دِزانِم تِ که ای! تِ اَو مُقدسه خدایی!» 25 بله عیسی سَر وه رِحا پیس گِرَ هَوار و گُت: «هِش بَ، و ویدا دَرکَوَ!» 26 ایجا رِحا پیس اَو مِرُو قاهیم هَژاند و بِ دَنگَکه بِلند ویدا دَرکَوت. 27 خلق همو صِفَت گِرتی بِبون، ایجا ژه یِگودو پیسیار دِگِرِن: «اَوَ چیَ؟ دَرس دایینَگه تازَ بِ اقتداره! اَو حتا سَر رِحِت پیس اَمِر دِگَت و اَو بِن اَمره ویدانَ.» 28 ایجا گَلَک زو ناودَنگ بونا وی همو جیه مَنطَقا جلیله دا گَریا. عیسی گَلَکا شفا دِدَت 29 وقته عیسی دیره دا دَرکَوت، گَل یعقوب و یوحنا چو مالا شَمعون و آندریاس. 30 خَسویا شَمعون کَلِژان هَبو و ناو لِوینادا بو. اَوان زو گُتَ عیسی گو اَو نَساخَ. 31 ایجا عیسی هاتَ لاره وی و گِرتَ دَسته ویدا و اَو بِلند گِر. کَلِژانا وی بِریا و بُ وان خِذمَت گِر. 32 اِواره، وقته رُژآوابونه، تواوی مِرُوه نَساخ و مِرُوه جن هَیی اينانَ لاره عیسی. 33 تواوی جَماعَتا شَهری پِشیا دَری خِر بِبون! 34 عیسی گَلَک مِرُوه نَساخ گو نَساخیِت جُرواجُر هَبون، شفا دا و هَمژی گَلَک اَجنَ هاوِتنَ دَروَ، بله نَدِهلا اَجنَ قِسَ گَن، چون گو اَوان عیسی ناس دِگِرِن. دعایا عیسی ناو تِنِتیه دا 35 سِبیزو وقته هوا هِشتا تاری بو، عیسی رابو و چو بُ جیَگه گو چه کَس وِدَره نَبو، و وِدَره دَستبه دعا گِرِنه گِر. 36 شَمعون و اَونه گَل ویدا دوو عیسی دِگَریان. 37 وقته اَو پَیدا گِرِن، گُتنَ وی: «همو دوو تَ دِگَرِن!» 38 عیسی گُتَ وان: «وَرِن اَم بِچِنَ بُ گُندِت دیتِر، گو اَز دِبی اَوان گُندادا ژی وَعظ گَم، چون گو اَز بُ وه هِنده هاتِمَ.» 39 عیسی همو جیه حَریما جلیله دِگَریا و دیرِت واندا وَعظ دِگِر و اَجنَ دِهاوِتِنَ دَروَ. عیسی شفایه دِدَتَ مِرُوَگه جذامی 40 مِرُوَگه جذامی هاتَ لاره عیسی، کَتَ سَر چُکا و بِ لاواهیا گُت: «آغایه مِن، هَگو تِ هَز گَی تِ دِگاری شفایه بِدَی مِن.» 41 عیسی بِ دلَگه شَوِتی دَسته خو دِرِژ گِر و دَسته خو دانا سَر وی و گُت: «اَز هَز دِگَم؛ شفایه بِگِرَ!» 42 جیدا، جذامه اَو مِرُو بَردا و اَوی شفا گِرت. 43 عیسی جیدا اَو مِرُو ره اِخِست و گَلَک مِجِد 44 گُتَ وی: «هیشیار بَ گو چه دِشدی نَبِژی چه کَسه، بَلگو هَرَ خو نیشا کاهینی بِدَ و بُ شفا گِرتِنا خو، قُربانیا گو موسی اَمِر گِریَ، پِشکِش گَ گو بُ وان نیشانَگ بیت.» 45 بله اَو مِرُو چو دَروَ و رِحَت وه راسته دا قِسَ گِر و خَبَرا وه شُله پَخش گِر. ایجا عیسی بَر خاطره وه دِشده ایدی نَگاری آشگَرا بِچیتَ ناو شَهری، بَلگو دَروَیی شَهری، جیِت گو چه کَس وادَرا نَدِبودا دِما. بله دیسا ژی، خلق ژه همو جیا دِهاتنَ لاره وی. |
@ 2024 Korpu Company