Korîntî II, 9 - کتاب مقدس به زبان کردی شیکاکی

¹ لازِم نینَ راستا وه خِذمَتا گو بُ وان مِرُوه گو ایمان مسیحْ هَنَ دِتَ گِرِن بُ وَ بِنویسِم،

² چون گو اَز دِزانِم وَ اشتیاق هَیَ و بَر خاطره وه یگه اَز لاره خلقه حَریما مقدونیه اِفتخاره وَ دِگَم. مِن گُتیَ وان گو اون حَریما اَخائیه دا، ژه باروَ بُ دایینا دیاریا حاضِر بونَ. غیرتا وَ گَلَکه وان اِخِستیَ شُله.

³ بله اَز وان بِرایانَ دِرِگَم گو وِسا وه مَسَله دا ایثبات بیت گو اِفتخارا مَ راستا وَدا به چِنَ نَبویَ، بَلگو هَ وِسا گو مِن گُتَ وان، اون حاضِر بِن.

⁴ نَگو، هَگو هِندَگ ژه خلقه مقدونیه گَل مِدا بِن و بِبینِن گو اون حاضِر نینِن، اَمه ژه وه هِتبارا گو مَ وَ هَبو چه قیاسا شَرمندَ بِن، نَهَ ژه وه هِندا گو اونه بوخو چه قیاسا شَرمندَ بِن، اَز چه نابِژِم.

⁵ بَجا مِن لازِم دیت گو ژه بِرایا بِخازِم گو پِشتِر بِنَ لاره وَ و اَو دیاریِت گو وَ وَعدَ دابون، حاضِر گَن. گو وِسا اَو دیاریَ، بینا دیاریَگه بیت گو بِ دلَگه راضی هاته بیتَ دایین، نه بِ زُره.

دیاری دایین بِ کَیف خوشیه

⁶ قِسَ تِتَ سَر هِنده: هَچی کَسه گِم بِچینیت، گِم ژی دیه بِدوروت، و هَچی کَسه گَلَک بِچینیت، گَلَک ژی دیه بِدوروت.

⁷ هر کَسَگ دِبی گورَیَگی وه هِندا گو دله خودا نیّت گِریَ بِدَت، نه بِ اِکراه آن بِ زُره، چون گو خدا هَژَ وه مِرُوی دِگَت گو بِ کَیف خوشیه دیاریه دِدَت.

⁸ خدا دِگاریت گو تواوی نعمتا بُ وَ زِدَ گَت، گو وِسا وَ همو جاره، همو دِشدی دا، کامِل کفایت هَبیت و بُ هر شُلَگه قَنج زِدَتِر هَبیت.

⁹ وِسا گو زَبورا داووددا هاتیَ نِویساندِن: «اَوی بِ مَردیتیه بَلاو گِریَ، دایَ فقیر و ژارا؛ صالِح بونا وی حَتا اَبَده بَردَوامَ.»

¹⁰ خدا گو تُ دِدَتَ کشاورزی و نانی ژی بُ خارِنه دِدَت، تُیه وَ دیه بُ چاندِنه حاضِر گَت و دیه زِدَ گَت و حاصِلا صالِح بونا وَ ژی دیه زِدَ گَت.

¹¹ اونه همو آلیادا دَولمَند بِن گو بِگارِن همو جاره مَرد بِن، و دوماییگا اَو مَرد بونا وَ بِ واسِطا مَ، دیه بِبیتَ شُکرا خدا.

¹² چون گو گِرِنا وه خِذمَته نه تِنه هَوجَییِت وان مِرُوه گو ایمان مسیحْ هَنَ حاضِر دِگَت، بَلگو باعیث دِبیت گو گَلَک مِرُو ژی به حد شُکرا خدا بِگَن.

¹³ بِن امتحانا وه خِذمَته دا بَر خاطره اطاعتا وَ، خلق دیه حمد و ثنایا خدا بِژِن، هَمَن اَو اطاعتا گو بِ اعتراف گِرِنا وَ بِ انجیلا مسیحْ تِت، و هَمژی بَر خاطره وه مَردیتیه یَ گو بِ کمک گِرِن بُ وان و بُ همو کَسه اون نیشان دِدَن.

¹⁴ اَوان بَر خاطره لطفا عَظیما خدا گو سَر وَیَ، اشتیاقا وَ هَنَ و بُ وَ دعایا دِگَن.

¹⁵ شُکُر بُ درگاها خدا بُ دیاریا وی گو بِ چه اَزمانا نایِتَ گُتن!