Korîntî II, 1 - کتاب مقدس به زبان کردی شیکاکی

¹ ژه پولس گو بِ اِرادا خدا رسوله مسیحْ عیسایَ، و ژه بِرایه مَ تیموتائوس، بُ کلیسایا خدا شَهره قُرِنتُسه دا، و تواتوی اَونه گو همو جیه حَریما اَخائیه دا ایمان مسیحْ هَنَ:

² لطف و آشتی و سِلامتی ژه آلیه خدا، بابه مَ، و خاده عیسیْ مسیحْ، سَر وَ بیت!

خدایه تواوی اِمِن بونا

³ مبارَک بیت خدا، بابه خادیه مَ عیسیْ مسیحْ گو بابه رَحمتا و خدایه تواوی اِمِن بونا یَ،

⁴ هَمَن اَو خدایه گو ناو تواوی زَجره مَدا مَ اِمِن دِگَت گو اَم ژی بِگارِن اَونه گو ناو زَجره دانَ، اِمِن گَن.

⁵ چون هَ وِسا گو اَم زَجره مسیحْ دا گَلَک دِبِنَ شِریگ، هَ وه قیاسه ژی اَم بِ واسِطا مسیحْ اِمِن بونه دا گَلَک دِبِنَ شِریگ.

⁶ هَگو اَم زَجره دا نَ، بَر خاطره اِمِن بون و نجاتا وَیَ، و هَگو اَم اِمِنِن، بَر خاطره اِمِن بونا وَیَ، و اَوَ هِنگه دِقَومیت گو اون هَمَن اَو زَجره گو اَم دِکِشِن بِ صَبره تحمل گَن.

⁷ اُمیدا مَ راستا وَدا سَر جیه خویَ، چون گو اَم دِزانِن هَ وِسا گو اون زَجره مَدا دِبِنَ شِریگ، اونه ناو اِمِن بونا مَدا ژی بِبِنَ شِریگ.

⁸ چون گو گَلی بِرایا، اَم ناخازِن اون ژه اَو زَجره گو حَریما آسیایه دا سَره مَدا هاتِن، به خَبَر بِن. چون گو فِشارا اَو دِشده گو سَره مَدا هاتِن، هِند قیاسا گَلَک و ژه طاقَتا مَ دَر بو گو اَم ژه ژیانه ژی به هِوی بون.

⁹ بَراستی ژی مَ وِسا فِکِر گِر گو اَم محکومی مِرِنه بونَ. بله اَونَ قَوِمین گو اَم نه سَر خو، بَلگو سَر خدایه گو مِریا ساخ دِگَت تَوَکُل گَن.

¹⁰ اَوی اَم ژه خطرَگه وِسا جانی خَلاص گِرِن و دیه خَلاص گَت. مَ اُمیدا خو دایَ وی گو اَو دیه دیسا مَ خَلاص گَت.

¹¹ اون ژی دِبی بِ دعایا آریکاریا مَ بِگَن، گو گَلَک مِرُو بَر خاطره مَ شُکره بِگَن، بَر خاطره وه بَرکتا گو جیوابا دعایا گَلَکادا بُ مَ هاتَ دایین.

برنامه پولس عوض دِبِن

¹² اِفتخارا مَ، شَهادَتا وجدانا مَیَ سَر وِنَ گو، رِفتارا مَ دُنیایه دا، بِ سادَتی و راستیا خدایی بویَ، نه بِ حکمتا بَشَری بَلگو گورَیَگی لطفا خدا مَ رِفتار گِریَ، مخصوصَن ژی گَل وَدا.

¹³ چون اَو ناما گو اَم بُ وَ دِنِویسِن، جُدا ژه وه دِشدا گو وَ خاندیَ و فام گِریَ، نینَ، و اَز هِویدارِم گو اون کامِل فام گَن،

¹⁴ هَ وِسا گو وَ قَدَرَگه اَم ناس گِرِنَ، گو رُژا زُوِرینا عیسیْ خادیه مَ، وِسا گو اَم اِفتخاره وَ دِگَن اونه ژی اِفتخاره مَ بِگَن.

¹⁵ چون اَز ژه وِنَ مطمئن بوم گو مِن دِخاست اَز اَوِلی بِمَ لاره وَ گو اون لطفه جارَگَ تَجرُبَ گَن.

¹⁶ قَصدا مِن اَوَ بو گو وقته اَز مَنطَقا مقدونیه دا دَرباز دِبِم، سَر رِیا خو وَ بِبینِم و ژه مقدونیه دیسا بِزُورِمَ لاره وَ و اون مِن ره بِخِنِن گو اَز بِچِمَ یهودیه.

¹⁷ ما وقته مِن دِخاست اَز وه شُله بِگَم، اَز دودل بوم؟ آن ما اَز بِ فِکره بَشَری تصمیمه دِگِرِم، وِسا گو اَز حاضِرِم لَحظَیَگه دا هم بِژِم ’بله، بله‘ و هم بِژِم ’نه، نه‘؟

¹⁸ اَز بِ وفاداریا خدا سوند دِخُم گو، قِسا مَ بُ وَ هم ’بله‘ و هم ’نه‘ نَبویَ.

¹⁹ چون گو گوره خدا، عیسیْ مسیحْ، هَمَن اَوه گو، مِن و سیلاس و تیموتائوس اَو ناو وَدا وَعظ گِر، هم ’بله‘ و هم ’نه‘ نَبو، بَلگو ناو عیسیْ مسیحْ دا همو جاره ’بله‘ یَ.

²⁰ چون گو تواوی وَعده خدا ناو عیسیْ مسیحْ دا ’بله‘ یَ و بَ وه یگه بِ واسِطا ویَ گو اَم بُ شُکوه و جلالا خدا ’آمین‘ دِبِژِن.

²¹ اَوَ خدایَ گو مَ و وَ ناو مسیحْ دا قاهیم دِگَت و اَم مسح گِرِنَ

²² و اَوَ خدایَ گو مُهرا خو سَر مَ دایَ و رِحا خو بینا بیعانَیَگه دانایَ ناو دله مَدا.

²³ اَز خدا شاهِد دِگِرِم گو بَر خاطره وَ بوخو بو گو اَز دیسا نَهاتِمَ شَهره قُرِنتُسه.

²⁴ نه بَر خاطره هِنده گو اَم سَر ایمانا وَ آغاتیه بِگَن، بَلگو اَم گَل وَدا، بُ کَیف خوشیا وَ بِخَبِتِن، چون گو اون ایمانا خودا طیگ دِراوَستِن.