Korîntî I, 16 - کتاب مقدس به زبان کردی شیکاکی

خِرگِرِنا دیاریا بُ اَونه گو ایمان مسیحْ هَنَ

¹ نَهَ راستا خِرگِرِنا دیاریا بُ اَونه گو ایمان مسیحْ هَنَ: اون ژی اَو دِشدا گو مِن بُ کلیسایه مَنطَقا غَلاطیه دا اَمِر گِر، بیننَ جی.

² یِکِمین رُژا هر هَفتیه، هَریگه وَ گورَیَگی دِراوه گو دِدَرخینیت، هِندَگه دانِتَ آلیَگه، خِر گَت، گو وقته اَز هاتمَ لاره وَ، لازِم نَبیت دیاری بِنَ خِر گِرِن.

³ وقته اَز هاتِم، اَزه ناما بِدَمَ اَونه گو اون هِتباره وان دِگَن گو دیاریِت وَ بِبَنَ شَهره اورشلیمه.

⁴ هَگو مَصلِحَت اَوَ بیت گو اَز ژی بِچِم، ایجا اَو ژی دیه گَل مِدا بِن.

⁵ پاشه هِنده گو اَز ناو مَنطَقا مقدونیه دا دَرباز بِم اَزه بِمَ لاره وَ، چون گو مِن دل هَیَ اَز مقدونیه دا دَرباز بِم.

⁶ رَنگَ اَز مدَتَگه بِمینِمَ لاره وَ آن حتا تواوی زِستانه لاره وَ دَرباز گَم، گو اون بِگارِن سَفَرا مِدا اَز کِوَ بِچِم، آریکاریا مِن بِگَن.

⁷ چون گو اَز ناخازِم نَهَ بِمَ دیتِنا وَ و تِنه وقته دَرباز دِبِم وَ بِبینِم. بَلگو اُمیدا مِن اَوَ، گو هَگو خاده بِخازیت، مدَتَگه بِمینِمَ لاره وَ.

⁸ بله اَزه حَتا عَیدا پنتیکاسته بِمینِمَ شَهره اَفِسُسه دا،

⁹ چون گو دَرَگه فِرَ بُ خِذمَتَگه باش سَر مِن وَبویَ، و مخالف ژی گَلَکِن.

¹⁰ وقته تیموتائوس هاتَ لاره وَ، وِسا گَل ویدا رِفتار گَن گو نیارانه چه دِشدی نَبیت، چون گو اَو ژی بینا مِن مَشغولی شُلا خاده یَ؛

¹¹ بَجا نَهِلِن چه کَس اَوی به قَدِر گَت. اَوی ساخ و سِلامت بُ سَفَرا وی ره بِخینِن گو بِزُوریتَ لاره مِن؛ چون گو گَل بِرایادا اَم هِویا هاتنا وینَ.

قِسه دوماییگه

¹² نَهَ راستا بِرایه مَ آپولس دا، مِن گَلَک اصرار وی گِر گو گَل بِرایادا بِتَ لاره وَ، بله اَو اصلَن راضی نَبو گو نَهَ بِت. کَنگه فُرصَت گِر، دیه بِت.

¹³ هیشیار بِن؛ ایمانه دا طیگ راوَستِن؛ بینا مِرا رِفتار گَن و قاوَت بِن.

¹⁴ بِلا تواوی شُله گو اون دِگَن بِ مُحبّته بیت.

¹⁵ اون دِزانِن گو اَهله مالا اِستِفاناسه یه اَوِلی بون گو حَریما اَخائیه دا ایمان اینان، و اَوان خو وَقفی خِذمَت گِرِن بُ اَونه گو ایمان مسیحْ هَنَ گِرِنَ. گَلی بِرایا، اَز لاواهیا وَ دِگَم گو،

¹⁶ بِن اَمره مِرُوِت وِسادا بِن و هَمژی بِن اَمره هَچی کَسه گو همکاره وانَ و زحمته دِکِشیت.

¹⁷ اَز ژه هاتنا اِستِفاناس، فورتوناتوس و اَخائیکوس کَیف خوشِم، چون گو اَوان جیه وَ یه خالی تِژی گِرِنَ.

¹⁸ چون گو اَوان رِحا مِن و هَمژی رِحا وَ تازَ گِرِنَ. حُرمَتا مِرُوه وِسا خُدان گَن.

سِلاوه دوماییگه

¹⁹ کلیسایِت حَریما آسیایه بُ وَ سِلاوا دِرِگَن. آکیلا و پْریسکیلا و کلیسایا گو ناو مالا واندایَ ژی، ناو خاده دا گَلَک سِلاوا بُ وَ دِرِگَن.

²⁰ تواوی بِرایه گو اِرَنَ بُ وَ سِلاوا دِرِگَن. بِ ماچَگه مُقدس سِلاوه یِگودو بِگَن.

²¹ اَز، پولس بِ خَطه خو وه سِلاوه دِنِویسِم.

²² لعنت وه مِرُوی بیت گو هَژَ خاده ناگَت. اَی خادیه مَ، وَرَ!

²³ لطفا عیسیْ خاده گَل وَدا بیت.

²⁴ مُحبّتا مِن ناو مسیحْ عیسیْ دا گَل وَ همویادا بیت. آمین.