Korîntî I, 14 - کتاب مقدس به زبان کردی شیکاکی

دیاریِت نَبوَت و اَزمانا

¹ دوو مُحبّته دا بِن و مِجِد دیاریِت روحانی بِخازِن، مخصوصَن دوو نَبوَت گِرِنه دا بِن.

² چون اَوه گو بِ اَزمانَگَ دی قِسَ دِگَت، نه گَل انسانا بَلگو گَل خدا قِسَ دِگَت؛ چون گو چه کَس قِسَدانا وی فام ناگَت، بله اَو بِ واسِطا رِحا خدا، سِرّا تینیتَ اَزمان.

³ بله اَوه گو نَبوَته دِگَت، گَل خلقه قِسَ دِگَت گو اَوان آوا گَت، اَوان تشویق گَت و اِمِن گَت.

⁴ اَوه گو بِ اَزمانَگَ دی قِسَ دِگَت خو آوا دِگَت، بله اَوه گو نَبوَته دِگَت باعیثه آوا بونا کلیسایه دِبیت.

⁵ داخازیا مِن اَوَیَ گو اون همو بِگارِن بِ اَزمانِت دی قِسَ گَن، بله اَز زِدَتِر دِخازِم گو اون نَبوَته بِگَن. اَوه گو نَبوَته دِگَت، ژه اَوه گو بِ اَزمانه دی قِسَ دِگَت، مَزِنتِرَ، مَگَر مِرُوَگ اَوه اَزمانی وَرگَریت گو بِبیتَ باعیثه آوا بونا کلیسایه.

⁶ نَهَ، گَلی بِرایا، هَگو اَز بِمَ لاره وَ و بِ اَزمانه دیتِر قِسَ گَم، بله اَز بُ وَ آشگَرابونَگه آن مَعریفَتَگه آن نَبوَتَگه آن ژی دَرسَگه نَینِم، اَزه چه خِیرَگه بِگَهَشینِمَ وَ؟

⁷ حتا سازه به جان بینا بیلور و چَنگ هَگو دَنگَکه دوز نَدَرخینِن، مِرُوَگ چاون دِگاریت بِزانیت چه مِقامَگ دِتَ لِدان؟

⁸ هَگو زِرنا دَنگَکه دوز نَدَرخینیت، که دیه بُ شَری حاضِر بیت؟

⁹ راستا وَدا ژی وِسایَ. هَگو اون بِ اَزمانه خو قِسَدانَگه گو بِتَ فام گِرِن، نَگَن، که دِگاریت بِزانیت گو چه هاتَ گُتن؟ چون گو اون وِسا بُ هوا قِسَ دِگَن.

¹⁰ به شِگ دُنیایه دا اَزمانِت جُرواجُر هَنَ، بله چی یگ به معنی نینِن.

¹¹ بله هَگو اَز معنیا اَزمانه دی نَزانِم، اَز بُ اَوه گو قِسَ دِگَت بیانیمَ و اَو ژی بُ مِن بیانیَ.

¹² راستا وَدا ژی وِسایَ. بَر خاطره هِنده گو اون مِجِد دوو دووهار بونا دیاریِت رِحا خدادانَ، سَعی گَن گو اون آوا گِرِنا کلیسایه دا سَرکَوِن.

¹³ بَهنده، اَوه گو اَزمانَگه دی قِسَ دِگَت دِبی دعایا بِگَت گو بِگاریت قِسَدانا خو وَرگَریت.

¹⁴ چون هَگو اَز بِ اَزمانَگه دی دعایا بِگَم، رِحا مِن دعایا دِگَت، بله عاقله مِن به نَصیبَ.

¹⁵ اَز دِبی چه بِگَم؟ اَزه بِ رِحا خو دعایا بِگَم، بله اَزه بِ عاقله خو ژی دعایا بِگَم؛ اَزه بِ رِحا خو اِستِرانا حمد و ثنایه بِخونِم، بله اَزه بِ عاقله خو ژی اِستِرانا حمد و ثنایه بِخونِم.

¹⁶ هَگو وِسا نَبیت و تِ بِ رِحا خو شُکره بِگَی، اَوه گو هاژَ چی یگ ژه وان دِشدانَ نینَ دیه چاون بُ شُکُر گِرِنا تَ آمین بِژیت؟ چون گو اَو نِزانیت تِ چه دِبِژی!

¹⁷ چون گو تِ گَلَک باش شُکره دِگَی، بله شُکُر گِرِنا تَ باعیثه آوا بونا وی نابیت.

¹⁸ اَز شُکرا خدا دِگَم گو ژه وَ همویا گَلَکتِر اَزمانِت دی قِسَ دِگَم؛

¹⁹ بله اَز دِخازِم گو کلیسایه دا پِنج کلیما بِ عاقله خو قِسَ گَم گو بِگارِم دَرسه بِدَمَ اَونه دی، بَدَلا هِنده گو دَه هزار کلیما بِ اَزمانَگَ دی قِسَ گَم.

²⁰ گَلی بِرایا فهما خودا بینا زاروگان نَبِن. پیسیتیه دا بینا بِچوگه ساوا بِن. بله فهما خودا بینا مِرُوَگه بالغ بِن.

²¹ تَوراته دا هاتیَ نِویساندِن گو: «خاده دِبِژیت، ”اَزه بِ اَزمانِت مِرُوه بیانی و ژه دَوْه بیانیا گَل وه قَومی قِسَ گَم. بله دیسا ژی گوهه خو نادَنَ مِن.“‌»

²² بَجا اَزمانِت دی، نیشانَگِن نه بُ مِرُوِت خُدان ایمان بَلگو بُ به ایمانا؛ بله نَبوَت نیشانَگَ نه بُ به ایمانا بَلگو بُ مِرُوِت خُدان ایمان.

²³ بَجا، هَگو تواوی مِرُوه کلیسایه دُرا یِگودو خِر بِن و همو بِ اَزمانِت دی قِسَ گَن، و وه ناوه دا اَونه گو هاژَ چی یگ ژه وان دِشدانَ نینِن آن مِرُوه به ایمان بِنَ ناو مجلِسه دا، ما نابِژِن گو اون دینِن؟

²⁴ بله هَگو همو کَس نَبوَته بِگَت و مِرُوَگه به ایمان آن مِرُوَگ گو هاژَ چی یگ ژه وان دِشدانَ نینَ بِتَ ناو مجلِسه دا، همو کَس باعیث دِبیت گو اَو مِرُو قانع بیت گو گُنَهکارَ، ژه آلیه همو کَسه سَر وی مِرُوی قضاوت دِتَ گِرِن،

²⁵ سِرّه دله وی آشگَرا دِبِن و وِسا اَو دیه سَر رویه خو بِکَویتَ عَردی، دیه پَرستِشا خدا بِگَت و دیه بِژیت گو بَراستی خدا نابَینا وَدایَ.

²⁶ گَلی بِرایا، بَجا چه؟ وقته اون دُرا یِگودو خِر دِبِن، هَریگ ژه وَ اِستِرانَگ، دَرسَگ، آشگَرابونَگ، اَزمانَگ آن وَرگَراندِنَگ هَیَ. اَونَ همویا بُ آوا گِرِنه بِدَنَ شُله.

²⁷ هَگو کَسَگ بِ اَزمانَگه دی قِسَ دِگَت، بِلا دو آن گَلَ گَلَک سه مِرُو، اَو ژی بِ نُبه قِسَ گَن و مِرُوَگ ژی وَرگَریت.

²⁸ بله هَگو چه کَس چِنَبیت گو وَرگَریت، اَو دِبی ناو کلیسایه دا به دَنگ بِمینِن و دله خودا گَل خدا قِسَ گَن.

²⁹ بِلا دو آن سه پِیغَمبَر نَبوَته بِگَن و اَونه دی اَو دِشدا گو دِتَ گُتن، هور و گِر گَن.

³⁰ هَگو آشگَرابونَگ بُ یگَ دی گو وِدَره رونِشتیَ بِگَهَشیت، اَو مِرُو بِلا اَوِلی به دَنگ بِمینیت.

³¹ چون گو اون همو دِگارِن یگ بَ یگ نَبوَته بِگَن گو همو دَرسه فِر بِن و همو تشویق بِن.

³² رِحا اَونه گو نَبوَته دِگَن بِن اَمره اَونه گو نَبوَته دِگَن دا نَ.

³³ چون گو خدا، خدایه هِنگامه نینَ، بَلگو خدایه صُلح و سِلامتیه یَ، هَ وِسا گو تواوی کلیسایه اَونه گو ایمان مسیحْ هَنَ دا وِسایَ.

³⁴ ژِنِگ دِبی کلیسایادا به دَنگ بِمینِن. چون گو ایجازا قِسَدانه بُ وان نَهاتیَ دایین، بَلگو دِبی هَ وِسا گو تَوراته دا ژی دِبِژیت، اطاعته بِگَن.

³⁵ هَگو دِشدَگه هَز دِگَن فِر بِن، بِلا ژه مِره خو مالدا پیسیار گَن، چون گو بُ ژِنگَگه شَرمَ گو کلیسایه دا قِسَ گَت.

³⁶ ما کلاما خدا بِ واسِطا وَ هات؟ آن ما اَو تِنه گَهَشتیَ وَ؟

³⁷ هَگو کَسَگ فِکِر دِگَت گو اَو پِیغَمبَر آن مِرُوَگه روحانیَ، اَو مِرُو دِبی تأیید گَت گو اَو دِشده گو اَز بُ وَ دِنِویسِم اَمرَگَ ژه آلیه خاده.

³⁸ هَگو مِرُوَگ وِنَ تأیید نَگَت، بوخو ژی تأیید نابیت.

³⁹ اَی بِرایِت مِن، مِجِد دوو نَبوَته دا بِن و قِسَدان بِ اَزمانِت دی قدغن نَگَن.

⁴⁰ بله همو دِشد دِبی جیه خودا و سَربَر بِتَ گِرِن.