Korîntî I, 1 - کتاب مقدس به زبان کردی شیکاکی

¹ ژه پولس، گو بِ اِرادا خدا هاتیَ گازی گِرِن گو رسوله مسیحْ عیسیْ بیت، و ژه بِرایه مَ سوسْتِنِس،

² بُ کلیسایا خدا گو شَهره قُرِنتُسه دایَ، بُ اَونه گو ناو مسیحْ عیسیْ دا تقدیس بونَ و هاتنَ گازی گِرِن گو مُقدس بژین، گَل تواوی اَونه گو له همو جیه دیتِر گاز ناوه خادیه مَ عیسیْ مسیحْ دِگَن، گو خادیه مَ و خادیه وانَ:

³ لطف و آشتی و سِلامتی ژه آلیه خدا، بابه مَ، و خاده عیسیْ مسیحْ، سَر وَ بیت.

شُکُر گِرِن

⁴ اَز همو جاره بَر خاطره وَ شُکرا خدایه خو دِگَم، بَر خاطره وه لطفا خدا گو ناو مسیحْ عیسیْ دا بُ وَ هاتیَ دایین.

⁵ چون گو ناو مسیحْ دا همو آلیادا هر جورَ قِسَدانَگ و مَعریفَتَگ گَلَک زِدَ بُ وَ هاتیَ دایین،

⁶ وِسا گو اَو شَهادَتا راستا مسیحْ ناو وَدا تأیید بو،

⁷ وِسا گو اون ژه چه دیاریا به پار نینِن، وه حالیدا گو اون هِویا آشگَرابونا خادیه مَ عیسیْ مسیحِن.

⁸ اَو دیه وَ حَتا دوماییگه سَرپِیا خُدان گَت، گو اون رُژا زُوِرینا خادیه مَ عیسیْ مسیحْ دا به تقصیر بِن.

⁹ خدا وفادارَ، هَمَن اَو خدایه گو اون ژه آلیه وی هاتنَ گازی گِرِن گو وَ گَل گوره وی، عیسیْ مسیحْ گو خادیه مَیَ هَوالَتی هَبیت.

جُداتی ناو کلیسایه دا

¹⁰ گَلی بِرایا، اَز بِ ناوه خادیه مَ عیسیْ مسیحْ لاواهیا وَ دِگَم گو اون همو گَل یِگودو بِبِنَ یگ و ناو وَدا چه جُداتی چِنَبیت، بَلگو سَر عَینی فِکر و عَینی حُکمه بِن.

¹¹ چون گو اَی بِرایِت مِن، مِرُوِت مالا خْلوئه گَهَشتاندِنَ گوهه مِن گو ناو وَدا شَر هَیَ.

¹² منظورا مِن ژه وه قِسه اَوَیَ گو، یگَ وَ دِبِژیت «اَز یه پولسِم»؛ یه دی دِبِژیت «اَز یه آپولسِم»؛ یگ دِبِژیت «اَز یه کیفامَ»؛ و یه دی دِبِژیت «اَز یه مسیحِم.»

¹³ ما مسیحْ هاتیَ لِگ وَگِرِن؟ ما پولس بو گو بَر خاطره وَ خاچِوَ وَبو؟ و ما وَ بِ ناوه پولس غُسلا تعمیده گِرت؟

¹⁴ اَز شُکرا خدا دِگَم گو مِن ناو وَدا خِنجی کْریسپوس و گایوس غُسلا تعمیده نَدا چه کَسه دی،

¹⁵ گو چه کَس نَگاریت بِژیت گو وَ بِ ناوه مِن غُسلا تعمیده گِرتیَ.

¹⁶ مِن غُسلا تعمیده دا خانوادا اِستِفاناس ژی؛ بله نایِتَ بیرا مِن گو مِن غُسلا تعمیده دابیتَ مِرُوَگه دی.

¹⁷ چون گو مسیحْ اَز نَرِگِرِم گو غُسلا تعمیده بِدَم بَلگو اَز رِگِرِم گو انجیله وَعظ گَم، بله نه بِ کلیمه حکمتا قِسَدانه گو مِرُو قانع دِگَن، گو وِسا له نَیِت گو قُدرَتا خاچا مسیحْ به اَثَر بیت.

مسیحْ، حکمت و قُدرَتا خدا

¹⁸ چون گو پیاما خاچه بُ اَونه گو بَین دِچِن به عاقلیَ، بله بُ مَ گو اَم نجاته پَیدا دِگَن قُدرَتا خدایَ.

¹⁹ چون گو کِتِبا اِشعیایه پِیغَمبَردا هاتیَ نِویساندِن گو: «اَزه حکمتا زانایان بَین بِبَم، و اَزه فهما مِرُوِت فامگَر باطل گَم.»

²⁰ کیدَرِیَ اَوه زانا؟ کیدَرِیَ ماموستایه تَوراته؟ کیدَرِیَ قِسَبِژه وی زَمانَیی؟ ما خدا حکمتا وه دُنیایه نَگِریَ به عاقلی؟

²¹ چون گو گورَیَگی حکمتا خدا، دُنیایه نَگاری بِ واسِطا حکمته خدا ناس گَت، خدا وِسا مَصلِحَت دیت گو بِ واسِطا به عاقلیا اَو دِشدا گو اَم وَعظ دِگَن، نجاته بِدَتَ اَونه گو ایمانه تینِن.

²² چون گو یهودی دوو نیشانا دانَ و یونانی دوو حکمته،

²³ بله اَم مسیحه خاچِوَ وَبویی وَعظ دِگَن گو بُ یهودیا اَو بَرَ گو باعیثه کَتِنا وان دِبیت و بُ قَومه گو یهودی نینِن به عاقلیَ،

²⁴ بله بُ اَونه هاتنَ گازی گِرِن، چه یهودی و چه یونانی، مسیحْ قُدرَتا خدا و حکمتا خدایَ.

²⁵ چون هَچی دِشدا گو راستا خدادا به عاقلی دِتَ بَر چاو، ژه حکمتا انسان زاناتِرَ و هَچی دِشدا گو راستا خدادا ضعیف بون دِتَ بَر چاو، ژه قُدرَتا انسان قاوَتتِرَ.

²⁶ گَلی بِرایا، گازی گِرِنا بیننَ بیراخو: نَظَرا دُنیایه دا، ناو وَدا گَلَک مِرُو زانا حساب نَدِبون و هَ وِسا ژی ناو وَدا گَلَک مِرُو قاوَت آن خُدان اصل و نصب حساب نَدِبون.

²⁷ بله خدا اَو دِشدا گو دُنیایه دا به عاقلَ بِژارت گو اَوه زانا شَرمندَ گَت؛ خدا اَو دِشدا گو دُنیایه دا ضعیفَ بِژارت گو اَوه قاوَت شَرمندَ گَت؛

²⁸ خدا اَو دِشدا گو دُنیایه دا گوشگَیَ و به اَرزِشَ و حتا اَو دِشده گو چِنینِن بِژارت گو هَییتیا باطل گَت،

²⁹ گو وِسا چه انسان نَگاریت حُضورا خدادا خو مَزِن گَت.

³⁰ بَر خاطره ویَ گو اون ناو مسیحْ عیسیْ دانَ، هَمَن اَو مسیحْ عیسیْ گو ژه آلیه خدا بُ مَ بو حکمت، صالِح بون، مُقدس بون و آزادی.

³¹ گو هَ وِسا گو کِتِبا اِرمیایه پِیغَمبَردا هاتیَ نِویساندِن: «هَچی کَسه اِفتخاره دِگَت، بِلا اِفتخاره خاده بِگَت.»