Kolosî 4 - کتاب مقدس به زبان کردی شیکاکی

¹ گَلی اَربابا، گَل خُلامِت خو بِ عدالت و انصافه رِفتار گَن، چون اون دِزانِن گو وَ ژی اَسمانی دا اَربابَگ هَیَ.

² خو وَقفی دعا گِرِنه بِگَن و دعا گِرِنه دا بِ شُکُر گِرِنه هیشیار بِن.

³ رَخ وه یگه بُ مَ ژی دعایا بِگَن گو خدا، بُ کلامه دَرَگه سَر مَدا وَگَت گو اَم بِگارِن سِرّا مسیحْ بِژِن. هَمَن اَو سِرّا گو اَز بَر خاطره وه زیندانه دا مَ.

⁴ دعایا بِگَن گو اَز اَوه هَ وِسا گو گِیرهاتیَ آشگَرا بِژِم.

⁵ گَل مِرُوِت دَروَیی کلیسایه بِ حکمته رِفتار گَن و قَدره وقته وَ هَیی باش بِزانِن.

⁶ بِلا قِسَدانا وَ همو جاره پْر ژه لطفه بیت و سَر خلقه اَثَر هَبیت. گو وِسا اون بِزانِن گو اون چاون دِبی جیوابا هر کَسَگه بِدَن.

سِلاوه دوماییگه

⁷ تیخیکوس دیه بُ وَ باسه تواوی شُله مِن بِگَت. اَو بِرایَگه عزیز و خِذمَتکارَگه وفادار و همکاره مِن ناو خاده دایَ.

⁸ مِن اَو بَ وه یگه رِگِریَ لاره وَ گو اون بِزانِن اَم چاونِن، و اَو دله وَ تشویق گَت.

⁹ گَل ویدا اونِسیموس، بِرایه مَ یه وفادار و عزیز گو یگ ژه وَیَ، تِتَ لاره وَ. اَو دیه بُ وَ باسه هَچی دِشدا گو اِرَ قَوِمیَ بِگَن.

¹⁰ آریستارخوس گو گَل مِدا زیندانه دایَ، بُ وَ سِلاوا دِرِگَت؛ هَ وِسا ژی مَرقُس، گورمامه برنابا بُ وَ سِلاوا دِرِگَت. پِشتِر مِن راستا مَرقُس دا بُ وَ هِندَ دَستور دابون گو هَگو بِتَ لاره وَ، اَوی بِ رویَگه خوش قَبول گَن.

¹¹ یشوعه گو یوستوس ژی دِتَ گاز گِرِن، بُ وَ سِلاوا دِرِگَت. ناو همکاره مِن ناو شُلا پادشاهیا خدادا، تِنه اَو مِرُوَنَ، سُنَت بونَ، آنی یهودینَ و اَونَ بونَ باعیثه اِمِن بونا مِن.

¹² اِپافْراس گو یگ ژه وَیَ و خُلامه مسیحْ عیسایَ، بُ وَ سِلاوا دِرِگَت. اَو همو جاره مِجِد بُ وَ دعایا دِگَت، گو اون بینا مِرُوه بالغ و مطمئن طیگ راوَستِن و داخازیا خدا کامِل بیننَ جی.

¹³ چون گو اَز شاهِده وه یگه مَ گو اَوی بُ وَ و بُ اَونه گو شَهره لائودیکیه و هیراپولیسه دا نَ، چه قیاسا زحمت کِشایَ.

¹⁴ لوقا حکیمه عزیز و هَ وِسا ژی دیماس بُ وَ سِلاوا دِرِگَن.

¹⁵ سِلاوه مِن بِگَهَشینَ بِرایه ناو شَهره لائودیکیه دا و نیمفا خانِم و مِرُوه کلیسایا گو ناو مالا ویدا دِتَ دامَزِراندِن.

¹⁶ پاشه هِنده گو اَو نامَیَ ناو وَدا هاتَ خاندِن، قِرار گَن گو ناو کلیسایا لائودیکیه دا ژی بِتَ خاندِن؛ گوهه وَ سَر وه یگه دا بیت گو اون ژی ناما گو مِن بُ لائودیکیه نِویسیَ، بِخونِن.

¹⁷ بِژِنَ آرخیپوس: «هیشیار بَ گو وه خِذمَتا گو ناو خاده دا بُ تَ هاتیَ دایین کامِل بینی جی.»

¹⁸ اَز، پولس، بِ خَطه خو وه سِلاوه دِنِویسِم. زنجیره مِن ناو وه زیندانه دا بیننَ بیراخو. لطفا خدا گَل وَدا بیت.