Kolosî 3 - کتاب مقدس به زبان کردی شیکاکی

ژیانا تازَ ناو مسیحْ دا

¹ بَجا هَگو اون گَل مسیحْ دا رابونَ، دوو وان دِشدا بِن گو آلیه سَری نَ، وه جیه گو مسیحْ وِدَره یَ و سَر دَسته راستَ خدا رونِشتیَ.

² سَر وان دِشده گو آلیه سَری نَ فِکِر گَن، نه اَو دِشده گو سَر رویه عَردی نَ.

³ چون گو اون مِرِن و ژیانا وَ گَل مسیحْ دا ناو خدادا هاتیَ وَشارتِن.

⁴ وقته مسیحْ گو ژیانا وَ ناو ویدایَ، دووهار بیت، هِنگه اونه ژی گَل ویدا ناو شُکوه و جلاله دا دووهار بِن.

⁵ بَجا هَچی دِشدا گو ناو وجودا وَدا یا عَردیَ، بُگُژِن، آنی زِنا، پیسیتی، شهوت، داخازیِت پیس و طمع گو هَمَن بت پرستیَ.

⁶ بَر خاطره وان دِشدانَیَ گو غَضَبا خدا سَر زارویِت به اَمریه دا تِت.

⁷ زَمانَگه اون ژی ناو وان دِشدانَ دا ره دِچُن، وقته گو اون ناو وان دِشدانَ دا دِژیان.

⁸ بله نَهَ اون دِبی تواوی وان دِشدا ژه خو دور گَن؛ آنی کَرب، غَضَب، خِرابی، بُختان، و قِسه کِرِت دَوْه خودا دَرخینِن.

⁹ بُ یِگودو دِرَوا نَگَن، چون گو وَ اَو انسانه قدیم گَل عمله ویدا ناو بَدَنا خودا دَرخِستیَ،

¹⁰ و وَ انسانه تازَ بَرگِریَ گو ناو مَعریفَته دا تازَ دِبیت گو بِتَ سَر صومَته خالقه خو.

¹¹ ناو وه تازَ بونه دا، نه یونانی نه یهودی، نه اَوه سُنَت بویی و نه اَوه سُنَت نَبویی، نه بَربَر نه سَکایی، نه خُلام و نه ژی آزاد ایدی معنی چِنینَ، بَلگو مسیحْ همو دِشدَ و ناو همو دِشدی دایَ.

¹² بَجا بینا مِرُوه خدا یه هاتی بِژارتِن گو مُقدس و عزیزِن، دل رَحمی، مِهربانی، دل نِزِمی، نَرمی و صَبره بَرگَن.

¹³ یِگودو تحمل گَن و هَگو یگه راستا یه دیتِردا دِشدَگ مابیتَ دلی دا، یِگودو بِبَخشِن. هَ وِسا گو خاده اون بَخشینَ، اون ژی دِبی یِگودو بِبَخشِن.

¹⁴ و سَرتِر ژه وانَ همویا مُحبّته بَرگَن گو همو دِشدی ناو اتحادَگه کامِل دا پِگوَ گِردِدَت.

¹⁵ بِهلِن آشتی و سِلامتیا مسیحْ ناو دله وَدا حُکمه بِگَت، هَمَن اَو آشتی و سِلامتیا گو بَراستی اون ناو بَدَنَگه دا بُ وه هاتنَ گازی گِرِن، و شُکُردار بِن.

¹⁶ بِهلِن گو کلاما مسیحْ بَ دَولمَندی ناو وَدا بژیت، بِ تواوی حکمته دَرسه بِدَنَ یِگودو، یِگودو نصیحت گَن، مَزمورا و اِستِرانا و لاوژه روحانی بِخونِن، بِ وه شُکُر گِرِنا گو وَ دله خودا راستا خدادا هَیَ.

¹⁷ هَچی شُلا اون دِگَن، چه گُتنه دا بیت چه عمل دا، همو شُله بِ ناوه عیسیْ خاده بِگَن و بِ واسِطا وی شُکرا خدایه باب بِگَن.

رابِطا ایماندارا

¹⁸ گَلی ژِنگا، اطاعته مِره خو بِگَن، هَ وِسا گو ناو خاده دا گِیرهاتیَ.

¹⁹ گَلی مِرا، هَژَ ژِنه خو بِگَن و گَل واندا تُندیه نَگَن.

²⁰ گَلی زاروگان، همو دِشدی دا ژه داییگ و بابه خو اطاعته بِگَن، چون گو اَوَ باعیثه کَیف خوشیا خاده دِبیت.

²¹ گَلی باوان، کَربه زارویه خو نَوَگَن، وِسا له نَیِت گو دلسار بِن.

²² گَلی خُلاما، همو دِشدی دا ژه وان مِرُوه گو وه دُنیایه دا اَربابه وَنَ اطاعته بِگَن، نه تِنه وقته گو اون بَر چاوه وانِن، بینا وان مِرُوه گو دوو راضی گِرِنا خلقه دانَ، بَلگو بِ دلَگه خالص و تِرسا خاده.

²³ هَچی شُلا اون دِگَن ژه دل دا بِگَن، وِسا گو مِرُو دِبِژیت اون اَوه بُ خاده دِگَن نه بُ انسانا،

²⁴ چون اون دِزانِن گو ژه آلیه خاده، میراثَگه گو خَلاته وَیَ اونه بِستینِن. اون بُ مسیحْ خاده خِذمَته دِگَن.

²⁵ چون اَوه گو شُلا پیس دِگَت، عوضا شُلا خو یا پیس دِستینیت و چه فَرق و جُداتی چِنینَ.