Îbranî 5 - کتاب مقدس به زبان کردی شیکاکی

¹ چون گو هر کاهینَگه مَزِن گو ناو خلقه دا دِتَ بِژارتِن، کِفش دِبیت گو وان شُله گو مربوطی خدا دِبیت دا، بَدَلا مِرُوا شُل گَت گو دیاریا و قُربانیا بُ گُنَها پِشکِش گَت.

² اَو دِگاریت گَل نَزانا و اَونه ژه ره دَرکَوتی دا بِ آرامیه رِفتاره بِگَت، بَر خاطره هِنده گو اَوی بوخو ژی ضعف هَیَ.

³ بَ وه یگه ژی، وَظیفا ویَ هَ وِسا گو بُ گُنَهه خلقه قُربانیه پِشکِش دِگَت، بُ گُنَهه خو ژی قُربانیه پِشکِش گَت.

⁴ چه کَس نِگاریت وه اِفتخاره بوخو بِدَتَ خو گو بِبیتَ کاهینه مَزِن، بَلگو اَو اِفتخارَ تِنه هِنگه تِتَ دَست گو خدا گاز وی مِرُوی بِگَت، هَ وِسا گو گاز هارون هاتَ گِرِن.

⁵ هَ وِسا ژی مسیحْ دَرَجا خو ژِلَل نَبِر گو بِبیتَ کاهینه مَزِن، بَلگو بِ واسِطا وی کِفش بو گو گُته دا: «تِ گوره مِنی؛ ایرو، اَز بُ تَ بومَ باب.»

⁶ هَ وِسا گو جیَگه دیتِردا ژی دِبِژیت: «تِ حَتا اَبَده کاهینی، کاهینَگ، له دَرَجا مِلْکیصِدِق.»

⁷ عیسی، رُژه ژیانا خو سَر رویه عَردی، بِ دَنگا بِلند و بِ رُنگه چاوا، بُ درگاها خدا گو دِگاری اَوی نجات دَت، دعا و هِوی پِشکِش گِرِن و بَر خاطره اطاعتا وی یا کامِل دعایا وی قَبول بو.

⁸ بِ وه حالی گو عیسی، گور بو، بِ واسِطا زَجرا گو کِشا، فِرَ اطاعت گِرِنه بو.

⁹ و وقته گو کامِل بو، بُ تواوی اَونه گو ژه وی اطاعته دِگَن، بو کانیا نجاتا اَبَدی

¹⁰ و ژه آلیه خدا هاتَ کِفش گِرِن گو بِبیتَ کاهینه مَزِن، کاهینَگ له دَرَجا مِلْکیصِدِق.

هُشدار راستا زُوِرین ژه ایمانه

¹¹ وه راسته دا، مَ گَلَک قِسَ بُ گُتنه هَنَ، بله وَگِرِنا وان زحمتَ، چون گو گوهه وَ گِران بونَ.

¹² چون بِ وه حالی گو حَتا نَهَ، اون بوخو دِبی بِبانَ ماموستا، وَ احتیاج هِنده هَیَ گو مِرُوَگ اصله اَوِلیَ کلاما خدا فِرَ وَ بِگَت. وَ احتیاج شیری هَیَ، نه رِسقه قاوَت!

¹³ چون هَچی کَسه گو بِ شیری ساخَ، راستا کلاما صالِح بونه دا به تَجرُبَیَ، چون گو بِچوگَگه ساوایَ.

¹⁴ بله رِسقه قاوَت بُ مِرُوِت بالغَ. بُ اَونه گو قُدرَتا زانینا خو، بِ سَریگ تمرین گِرِنه وِسا تربیت گِرِنَ گو قَنجیه ژه پیسیتیه ناس گَن.