Galatî 6 - کتاب مقدس به زبان کردی شیکاکی

باره یِگودو هِلگِرِن

¹ گَلی بِرایا، هَگو مِرُوَگه خطایَگ گِر، اون گو مِرُوه روحانی نَ اَوی ناو رِحا نَرمیه دا بیننَ سَر رِیا راست. خو شار بَ وِسا له نَیِت گو تِ ژی بِکَوی وَسوَسه.

² باره یِگودو هِلگِرِن و وِسا شِریعَتا مسیحْ بیننَ جی.

³ چون هَگو مِرُوَگ بِ وه حالی گو چه دِشد نینَ، گُمان گَت گو دِشدَگَ، اَو مِرُو خو دِلِبینیت.

⁴ بله بِلا هر کَس عمله خو امتحان گَت، هِنگه یَ گو اَو سَبَبا گو بُ اِفتخار گِرِنه هَیَ تِنه دیه بُ وی بیت، نه بُ جیناره وی.

⁵ چون گو هر کَسَگ دِبی باره خو هِلگِریت.

⁶ اَو کَسه گو ژه کلاما خدا دَرسه دِستینیت، دِبی اَو کَسه گو دَرسه دِدَته، ناو تواوی دِشده قَنج دا بِگَتَ شِریگ.

⁷ نَینَ لِباندِن: خدا نایِتَ پِکَنی گِرِن، چون گو مِرُو هَچی دِشدا بِچینیت، دیه اَوه ژی بِدوروت.

⁸ چون اَوه گو بُ جسمه خو دِچینیت، دیه رِزی بونه ژه جسمه بِدوروت، بله اَوه گو بُ رِحا خدا دِچینیت، دیه ژیانا اَبَدی ژه رِحا خدا بِدوروت.

⁹ وَرِن گو اَم ژه گِرِنا شُلا قَنج نَوَستِن، چون هَگو اَم ژه شُله دَست نَکِشِن، اَمه حاصِله ناو فَصلا وه بوخودا بِدورون.

¹⁰ بَجا مَ هِندی فُرصَت هَیَ، وَرِن گو اَم قَنجیه همو کَسه بِگَن، مخصوصَن ژی وان مِرُوه گو ایمان مسیحْ هَنَ.

سُنَت بون نه، بَلگو آفِراندِنا تازَ

¹¹ بَرخودَنه گو اَز بِ دَسته خو بِ حَرفه چه قیاسا مَزِن بُ وَ دِنِویسِم.

¹² اَونه گو دِخازِن ناو جسمه دا خو باش نیشان دَن، وَ مَجبور دِگَن گو اون سُنَت بِن، تِنه بِ وه نیّته گو بَر خاطره خاچا مسیحْ اَذیَته نَبینِن.

¹³ چون حتا اَونه گو سُنَت دِبِن ژی شِریعَته ناینَ جی، بَلگو دِخازِن اون ژی سُنَت بِن گو وِسا اَو اِفتخاره جسمه وَ بِگَن.

¹⁴ بله حاشایی مِن گو اَز اِفتخاره دِشدَگه بِگَم خِنجی خاچا خادیه مَ عیسیْ مسیحْ گو بِ واسِطا وی دُنیا بُ مِن خاچِوَ وَبویَ و اَز ژی بُ دُنیایه.

¹⁵ چون گو نه سُنَت بون مُهِمَ، نه ژی سُنَت نَبون، بَلگو مُهِم آفِراندِنا تازَیَ.

¹⁶ آشتی و سِلامتی و رَحمت بیت سَر تواوی اَونه گو گورَیَگی وه قانونه رِفتار دِگَن و سَر بنی اسرائیله خدا.

¹⁷ وِنَ وِداتِر، نابی چه کَس مِن پَرِشَ گَت، چون گو مِن ناو بَدَنا خودا شونبِرینه عیسی هَنَ.

¹⁸ گَلی بِرایا، لطفا خادیه مَ عیسیْ مسیحْ گَل رِحا وَدا بیت! آمین!