Filêmon 1 - کتاب مقدس به زبان کردی شیکاکی

¹ ژه پولس، گو بَر خاطره مسیحْ عیسیْ زیندانیَ و ژه بِرایه مَ تیموتائوس، بُ فیلیمون همکاره مَ یه عزیز

² و بُ خوشگا مَ آپْفیا و بُ هملَشگِره مَ آرخیپوس و بُ کلیسایا گو ناو مالا تَدایَ:

³ لطف و آشتی و سِلامتی ژه آلیه خدا، بابه مَ، و خاده عیسیْ مسیحْ، سَر وَ بیت.

مُحبّت و ایمانا فیلیمون

⁴ اَز وقته دعایه خودا تَ تینِمَ بیراخو، همو جاره شُکرا خدا دِگَم،

⁵ چون گو اَز راستا مُحبّت و ایمانا تَ گو تَ بُ عیسیْ خاده و تواوی اَونه گو ایمان مسیحْ هَنَ دِبیهیسِم.

⁶ اَز دعایا دِگَم گو شِریگ بونا ایمانا تَ بِبیتَ باعیث گو مَعریفَتا کامِلَ هر دِشدَگه قَنج گو بَر خاطره مسیحْ ناو مَدایَ، بِتَ دَست.

⁷ بِرایه مِن، چون گو اَز ژه مُحبّتا تَ گَلَک شاد و اِمِن بومَ، بَر خاطره هِنده دله اَونه گو ایمان مسیحْ هَنَ بِ واسِطا تَ تازَ بونَ.

داخازیا پولس راستا اونیسیموس دا

⁸ بَ وه یگه ژی، بِ وه حالی گو مِن ناو مسیحْ دا جُراَتَگه وِسا هَیَ گو بُ تَ اَمِر گَم گو وه شُلا گو ژه تَ دِتَ خاستِن، بِگَی، بله دیسا ژی بَر خاطره مُحبّته،

⁹ اَز دِخازِم گو لاواهیا تَ بِگَم: اَز، پولس، گو مِرُوَگه پیرِم و نَهَ ژی بَر خاطره مسیحْ عیسیْ زیندانیمَ،

¹⁰ اَز راستا زارویه خو اونیسیموس دا گو وقته اَز زیندانه دا بوم، بومَ بابه وی، لاواهیا تَ دِگَم.

¹¹ اَو پِشتِر گِیر چه شُلا تَ نَدِهات، بله نَهَ بَراستی اَو هم گِیر شُلا مِن تِت، هم گِیر شُلا تَ.

¹² اَز اَوی آنی دله خو دِزُوِرینِمَ لاره تَ.

¹³ اَز کَیف خوش دِبوم گو اَوی لاره خو خُدان گَم گو وِسا اَو وه مدَتا گو اَز بَر خاطره انجیله زیندانیمَ، بَدَلا تَ بُ مِن خِذمَته بِگَت.

¹⁴ بله مِن نَخاست پِش هِنده دا گو تِ راضی بی چه شُله بِگَم گو وِسا قَنجی گِرِنا تَ سَر اجباره نَبیت بَلگو سَر دله تَ بیت.

¹⁵ چون رَنگَ بَ وه یگه یَ گو اَو بُ مدَتَگه ژه تَ جُدا بو گو بُ هَمِشَ بِزُوریتَ لاره تَ.

¹⁶ بله ایدی نه بینا خُلامَگه، بَلگو سَرتِر ژه خُلامی، بینا بِرایَگه عزیز. مخصوصَن ژی بُ مِن، بله چه قیاسا گَلَکتِر بُ تَ، هم ناو جسمه دا هم ژی ناو خاده دا.

¹⁷ بَجا هَگو تِ مِن هَواله خو دِزانی، اَوی وِسا گو تِ مِن قَبول دِگَی، قَبول گَ.

¹⁸ هَگو اَوی خطایَگ راستا تَدا گِریَ آن دِشدَگه قَرداره تَیَ، اَوه بِنویسَ سَر حسابا مِن.

¹⁹ اَز، پولس، وِنَ بِ دَسته خو دِنِویسِم: اَزه اَوه بِزُورینِمَ تَ، بله لازِم نینَ گو اَز بِژِم گو تِ حتا جانه خو ژی مدیونه مِنی.

²⁰ بَله، بِرا، اَز دِخازِم گو ناو خاده دا منفعتَگ ژه تَ بِگَهَشیتَ مِن. دله مِن ناو مسیحْ دا تازَ گَ.

²¹ اَز وِنَ بُ تَ دِنِویسِم چون گو مِن ژه اطاعت گِرِنا تَ اطمینان هَیَ و اَز دِزانِم گو تِیه زِدَتِر ژه وه دِشدا گو اَز بُ تَ دِبِژِم ژی بِگَی.

²² وه ناوه دا ژی، بُ مِن اُدَیَگه حاضِر گَ، چون گو اَز هِویدارِم گو خدا دعایه وَ قَبول گَت و بِ لطفا خو مِن بِزُورنیتَ لاره وَ.

²³ اِپافْراس گو بَر خاطره مسیحْ عیسیْ گَل مِدا زیندانیَ، بُ تَ سِلاوا دِرِگَت.

²⁴ هَ وِسا ژی همکاره مِن، مَرقُس، آریستارخوس، دیماس و لوقا بُ تَ سِلاوا دِرِگَن.

²⁵ لطفا خاده عیسیْ مسیحْ گَل رِحا وَدا بیت.