شُله رسولا 14 - کتاب مقدس به زبان کردی شیکاکی

پولس و برنابا قونیه دا

¹ پولس و برنابا شَهره قونیه دا چُنَ دیرا یهودیادا و وِسا قِسَ گِرِن گو گَلَک یهودیا و یونانیا ایمان اینان.

² بله یهودیه گو ایمان نَینا بون، قَومه گو یهودی نینِن راگِرِن سَرپِیا و فِکره وان راستا بِرایادا، تِگَل گِرِن.

³ بَجا پولس و برنابا مدَتَگه دِرِژ مانَ وِدَره و بِ جُراَته راستا خاده دا قِسَ گِرِن. هَمَن اَو خادیه گو بِ دَسته وان نیشان و مُعجِزَ تینانَ جی و وِسا پیاما لطفا خو تأیید دِگِر.

⁴ بله خلقه شَهری بونَ دو دَستَ؛ دَستَیَگه طایه یهودیا گِرتِن و دَستَیَگه دی طایه رسولا.

⁵ وقته قَومه گو یهودی نینِن و یهودیا گَل مَزِنِت خو خاستِن گو گَل پولس و برنابادا رِفتارَگه خِراب بِگَن و اَوان سنگسار گَن،

⁶ اَو بِهَسیان و بُ شَهرِت لِستْرِه و دِربِه گو حَریما لیکائونیه دا بون و جیِت دُر و بَر حِلاتِن.

⁷ اَوان وِدَره ژی انجیل وَعظ دِگِرِن.

پولس و برنابا لِستْرِه دا

⁸ لِستْرِه دا مِرُوَگ هَبو گو نَدِگاری پِیِت خو بِقِلقِلینیت. اَو مِرُو فلج هاته بو دُنیایه و چه جارا ره نَچو بو.

⁹ اَوی وقته پولسی قِسَ دِگِر، گوهه خو دِدا وی. پولس چاوه خو کُتا وی و دیت گو اَوی مِرُوی ایمانا هَیَ گو دیه شفایه بِگِریت.

¹⁰ بَجا بِ دَنگا بِلند گُتَ وی: «رابَ و طیگ سَر پِیه خو راوَستَ!» اَوی مِرُوی جیدا خو هَلاوِت و دَستبه ره چُیینه گِر.

¹¹ وقته جَماعَته دیت گو پولسی چه گِر، بِ دَنگا بِلند بِ اَزمانه لیکائونی گُتن: «خدایان سَر شِکله انسان ژُردا هاتنَ لاره مَ!»

¹² اَوان ناوه برنابا دانانَ زِئوس و ناوه پولس دانانَ هِرمِس، چون گو قِسَبِژه اصلی پولس بو.

¹³ کاهینه معبدا زِئوس گو معبدا وی بَر دَره دَروازا شَهری بو، هِندَ جُنَگا و هِندَ تاج گو بِ گُلا هاته بونَ چه گِرِن، اینانَ بَر دَروازا شَهری و اَوی دِخاست گو گَل جَماعَته، جُنَگایا بُ وان قُربانی گَت.

¹⁴ بله وقته وان دو رسولا، آنی برنابا و پولس اَو دِشدَ بیهیستِن، جِلِگه خو چیر گِرِن و بَزینَ ناو جَماعَته و بِ هَواران گُتن:

¹⁵ «گَلی مِرا، اون بُچی وِسا دِگَن؟ اَم ژی بینا وَ انسانِن. مَ اَو خَبَرا خوش بُ وَ اینایَ گو اون دَست ژه وان شُله پوچ بِکِشِن و بِزُورِنَ بُ آلیه خدایه حَیّ و حاضِر. هَمَن اَو خدایه گو اَسمان و عَرد و بَحر و هَچی دِشدا گو ناو واندایَ آفِراند.

¹⁶ خدا نَسله قدیم دا تواوی مِلَت هِلانَ بُ حاله خو گو هَریگ بِچیتَ بُ رِیا خو.

¹⁷ بله دیسا ژی اَوی خو به شَهادَت نَهِلا. چون گو اَوی بِ رِگِرِنا بارانه و بِ دایینا فَصله پْر ژه حاصِل، قَنجی وَ گِریَ و دله وَ بِ خارِنه و شادیه تِر گِریَ.»

¹⁸ حَتا بِ وان قِسانَ ژی اَوان زحمت گاری پِشیا خلقه بِگِرِن گو بُ وان قُربانیا پِشکِش نَگَن.

¹⁹ بله هِندَ یهودی ژه شَهره اَنطاکیه و قونیه هاتِن و جَماعَت قانع گِرِن و اَوان پولس سنگسار گِرِن. اَوان گُمان گِرِن گو پولس مِریَ، بَجا اَو کِشانَ دَروَیی شَهری.

²⁰ بله وقته شاگِرد خِر بونَ دُرا وی، اَو رابو و زُوِری ناو شَهری. رُژا دی، پولس گَل برنابا چو شَهره دِربِه.

²¹ وقته گو اَوان انجیل بُ مِرُوه وه شَهری وَعظ گِرِن و گَلَک مِرُو گِرِنَ شاگِرده عیسی، زُوِرینَ بُ شَهرِت لِستْرِه و قونیه و اَنطاکیه.

²² اَوان قاوَت دانَ جانه شاگِردِت وان شَهرا و اَو تشویق گِرِن گو ناو ایمانه دا طیگ راوَستِن و گُتنَ وان گو: «اَم دِبی گَلَک ایزایا بِکِشِن گو بِگارِن بِچِنَ ناو پادشاهیا خدادا.»

²³ اَوان تواوی کلیسایادا بُ مِرُوه خُدان ایمان هِندَ رِدین سِپی کِفش گِرِن و بِ رُژیا و دعایا اَو سِپاردِنَ اَو خادیه گو، ایمان اینا بونه.

پولس و برنابا زُوِرینَ اَنطاکیا سوریه

²⁴ پاشه اَو ژه مَنطَقا پیسیدیه دَرباز بون و هاتنَ حَریما پامفیلیه.

²⁵ اَوان پاشه هِنده گو باسه کلاما خدا گَل خلقه پِرجه دا گِرِن، ژُردا هاتنَ بُ شَهره آتّالیه.

²⁶ اَو ژه آتّالیه بِ گَمیه زُوِرینَ اَنطاکیه، اَو جیه گو مِرُوه خُدان ایمان پولس و برنابا بُ اَو شُلا گو نَهَ اینا بونَ جی سِپارده بونَ لطفا خدا.

²⁷ وقته پولس و برنابا گَهَشتِنَ وِدَره، مِرُوه کلیسایه خِر گِرِن و هَچی شُلا گو خدا بِ واسِطا وان گِره بو بُ وان باس گِرِن و گُتن گو چاون خدا دَره ایمانه سَر قَومه گو یهودی نینِن وَگِریَ.

²⁸ اَو مدَتَگه دِرِژ مانَ لاره شاگِردا.