یوحنا 3 1 - کتاب مقدس به زبان کردی شیکاکی

¹ ژه مِنَ رِدین سِپی، بُ گایوسه عزیز گو اَز اَوی ناو راستیه دا هَژه دِگَم.

² عزیزه مِن، دعایا مِن اَوَیَ گو همو دِشد بُ تَ باش بِچیتَ پِش و تِ ناو سِلامتیه دا بی، وِسا گو رِحا تَ تِدایَ.

³ اَز گَلَک کَیف خوش بوم وقته بِرا هاتِن و شَهادَت دان گو تِ چه قیاسا راستا راستیه دا وفاداری و بَراستی ژی تِ ناو راستیه دا دِژی.

⁴ مِن چه کَیف خوشی وِنَ مَزِنتِر چِنینَ گو اَز بِبیهیسِم گو زارویِت مِن ناو راستیه دا دِژین.

⁵ عزیزه مِن، تِ اَمین بونا خو ناو تواوی وان شُله خودا گو بُ وان بِرایانَ دِگَی، نیشان دِدَی، مخصوصَن گو اَو بُ تَ بیانینَ.

⁶ اَوان ژی حُضورا کلیسایه دا سَر مُحبّتا تَ شَهادَت دان. بَجا تِیه شُلَگه قَنج بِگَی هَگو اَوان وِسا گو لاییقه خدایَ، رِگَی سَفَره.

⁷ چون گو اَو بَر خاطره اَوه ناوی کَتنَ ره و چه آریکاری ژه اَونه گو یهودی نینِن قَبول نَگِرِنَ.

⁸ بَهنده اَم ژی دِبی آریکاریا مِرُوِت وِسا بِگَن گو مَ پِشبِرِنا راستیه دا آریکاری گِره بیت.

⁹ مِن دِشدَگ بُ کلیسایه نِویسی، بله دیوتْرِفیس گو هَز دِگَت پِش همو کَسه دا بیت، اقتدارا مَ قَبول ناگَت.

¹⁰ بَجا وقته اَز بِم، اَزه اَو شُله گو اَو دِگَت، بینمَ سَر رویه آوه، چون گو اَو بِ فَسادیه به چِنَ له ضِدّ مَ قِسَ دِگَت، و تِنه بِ وه یگه ژی قانع نَبویَ، اَو مِرُوَ، بِرایا قَبول ناگَت؛ و پِشیا اَونه گو دِخازِن بِرایا قَبول گَن ژی دِگِریت و اَوان کلیسایه دا دِدَرخینیتَ دَروَ.

¹¹ عزیزه مِن، نه پیسیتیه بَلگو قَنجیه بِگَ نمونا خو؛ اَو کَسه گو قَنجیه بِگَت ژه خدایَ؛ اَو کَسه گو پیسیتیه بِگَت خدا نَدیتیَ.

¹² همو کَس راستا دیمیتریوس شَهادَتا قَنج دِدَت، حتا راستی بوخو ژی. اَم ژی شَهادَتا خو له زِدَ دِگَن و تِ دِزانی گو شَهادَتا مَ راستَ.

سِلاوه دوماییگه

¹³ مِن گَلَک دِشد هَبون گو اَز بُ تَ بِنویسِم، بله اَز ناخازِم بِ قلم و حِبره بیت.

¹⁴ اَز هِویدارِم گَلَک زو تَ بِبینِم و اَمه روبرو گَل یِگودو قِسَ گَن.

¹⁵ آشتی و سِلامتی سَر تَ بیت! هَوال بُ تَ سِلاوا دِرِگَن. سِلاوا بِگَهَشینَ یگ بَ یگه هَوالا.