یوحنا 2 1 - کتاب مقدس به زبان کردی شیکاکی

¹ ژه مِنَ رِدین سِپی، بُ خانِما هاتی بِژارتِن و زارویِت وی، اَونه گو اَز ناو راستیه دا هَژه دِگَم، و نه تِنه اَز بَلگو تواوی اَونه گو راستیه ناس دِگَن،

² بَر خاطره وه راستیا گو ناو مَدا دِمینیت و حَتا اَبَده دیه گَل مَدا بیت.

³ لطف و رَحمت و آشتی و سِلامتی ژه آلیه خدایه باب و ژه آلیه عیسیْ مسیحْ، گوره وی بابی، ناو راستی و مُحبّته دا گَل مَدا بیت.

ژیان ناو راستی و مُحبّته دا

⁴ اَز گَلَک کَیف خوش بوم گو مِن زانی هِندَ زارویه تَ گورَیَگی اَو دِشدا گو بابو بُ مَ اَمِر گِره بو، ناو راستیه دا دِژین.

⁵ نَهَ، خانِما عزیز، اَز ژه تَ دِخازِم گو اَم مُحبّته یِگودو بِگَن. وِسا نینَ گو اَز اَمرَگَ تازَ بُ تَ دِنِویسِم، بَلگو اَوَ هَمَن اَو اَمرَ گو هَ اَوِلیدا مَ هَبویَ.

⁶ و مُحبّت اَوَیَ گو اَم گورَیَگی اَمرِت وی بژین. اَو اَمر اَوَیَ، هَ وِسا گو وَ ژه اَوِلیدا بیهیستیَ گو اون دِبی ناو مُحبّته دا بژین.

⁷ بَر خاطره هِنده گو گَلَک حیلَباز کَتنَ ناو دُنیایه، هَمَن اَونه گو هاتنا عیسیْ مسیحْ ناو جسمه انسانی دا ناینَ اَزمان. مِرُوَگه وِسا، حیلَباز و ضِدّ مسیحَ.

⁸ وَ هاژَ خو هَبیت گو اون اَو دِشدا گو مَ بُ زحمت کِشایَ ژه دَست نَدَن، بَلگو اون خَلاتَگه کامِل بِستینِن.

⁹ هَچی کَسه گو پِش دَرسا مسیحْ بِکَویت و ناو وِدا نَمینیت، خدا گَل ویدا نینَ، اَوه گو ناو دَرسه دا دِمینیت، هم بابو گَل ویدایَ هم گور.

¹⁰ هَگو مِرُوَگ بِتَ لاره وَ و وه دَرسه نَینیت، اَوی نَبَنَ مالا خو و حتا سِلاوه ژی له نَگَن؛

¹¹ چون هَچی کَسه سِلاوه وی بِگَت، ناو شُله وی یه پیس دا دِبیتَ شِریگ.

سِلاوه دوماییگه

¹² دوزَ گو مِن گَلَک دِشد هَنَ اَز بُ وَ بِنویسِم، بله اَز ناخازِم بِ کاغَذ و حِبره بیت. بَلگو اَز هِویدارِم بِمَ لاره وَ و اَم روبرو گَل یِگودو قِسَ گَن گو شادیا مَ کامِل بیت.

¹³ زارویِت خوشگا تَ یا هاتی بِژارتِن بُ تَ سِلاوا دِرِگَن.