یوحنا 1 5 - کتاب مقدس به زبان کردی شیکاکی

مسلط بون سَر دُنیایه

¹ اَو کَسه گو ایمان هَبیت عیسی هَمَن مسیحَ، ژه خدا هاتیَ دُنیایه؛ اَو کَسه گو هَژَ بابو دِگَت، هَژَ اَوه گو ژه وی هاته بیتَ دُنیایه ژی دِگَت.

² اَم وِسا دِزانِن گو اَم هَژَ زارویِت خدا دِگَن وقته اَم هَژَ خدا دِگَن و اَمرِت وی تینِنَ جی.

³ چون گو هَژه گِرِنا خدا اَوَیَ گو اَم اَمرِت وی بیننَ جی و اَمرِت وی گِران نینِن.

⁴ چون گو هَچی کَسه ژه خدا هاتیَ دُنیایه، سَر وه دُنیایه مسلط دِبیت. و اَو سَرکَوتِنا گو سَر دُنیایه مسلط بویَ، ایمانا مَیَ.

⁵ که سَر دُنیایه مسلط دِبیت خِنجی اَوه گو ایمان هَیَ عیسی گوره خدایَ؟

⁶ اَوَ گو بِ آو و خون هات، آنی عیسیْ مسیحْ. نه تِنه بِ آوه، بَلگو بِ آو و خون؛ و رِحا خدایَ گو شَهادَته دِدَت، چون گو رِحا خدا راستیَ.

⁷ چون اَونه گو شَهادَته دِدَن سه نَ:

⁸ رِحا خدا و آو و خون؛ و شَهادَتا وان سه یانَ یگَ.

⁹ هَگو اَم شَهادَتا انسان قَبول دِگَن، شَهادَتا خدا گَلَک مَزِنتِرَ، چون گو اَوَ شَهادَتا خدایَ گو بوخو راستا گوره خودا دایَ.

¹⁰ هَچی کَسه ایمان گوره خدا هَیَ، اَو شَهادَتَ ناو خودا هَیَ. بله اَوه گو ایمان خدا چِنینَ اَو دِرَوگَر زانیَ، چون اَو شَهادَتا گو خدا راستا گوره خودا دایَ، باوار نَگِریَ.

¹¹ اَو شَهادَت اَوَیَ گو خدا ژیانا اَبَدی دایَ مَ، و اَو ژیانَ ناو گوره ویدایَ.

¹² هَچی کَسه گوره خدا هَیَ، ژیان هَیَ و هَچی کَسه گوره خدا چِنینَ، ژیان چِنینَ.

گو اون بِزانِن

¹³ اَز وان دِشدانَ بُ وَ گو وَ بِ ناوه گوره خدا ایمان هَیَ، دِنِویسِم، گو اون بِزانِن وَ ژیانا اَبَدی هَیَ.

¹⁴ اَوَیَ اَو اطمینانا گو مَ حُضورا ویدا هَیَ گو هَگو اَم دِشدَگه گورَیَگی اِرادا وی بِخازِن، اَو دَنگا مَ دِبیهیسیت.

¹⁵ و هَگو اَم بِزانِن گو هَچی دِشدا اَم ژه وی دِخازِن اَو دَنگا مَ دِبیهیسیت، بَجا اَم دِزانِن گو اَو دِشدا مَ ژه وی خاستیَ، مَ هَیَ.

¹⁶ هَگو مِرُوَگ بِبینیت گو بِرایه وی گُنَهَگه دِگَت گو دوماییگا وه مِرِن نینَ، اَو دِبی دعایا بِگَت و خدا دیه ژیانه بِدَته. اَز وِنَ راستا وان مِرُوادا دِبِژِم گو دوماییگا گُنَها وان مِرِن نینَ. گُنَهَگ ژی هَیَ گو دوماییگا وه مِرِنَ. اَز نابِژِم گو راستا گُنَهَگه وِسادا دِبی دعایا بِگَن.

¹⁷ تواوی شُله خِراب گُنَهِن. بله گُنَهَگ ژی هَیَ گو دوماییگا وه مِرِن نینَ.

¹⁸ اَم دِزانِن گو هَچی کَسه ژه خدا هاته بیتَ دُنیایه، ناو گُنَهه دا بَردَوام نامینیت، بَلگو عیسی گو ژه خدا هاتَ دُنیایه اَوی دِپارِزیت و دَسته اَوه شُل پیس ناگَهَشیتَ وی.

¹⁹ اَم دِزانِن گو اَم ژه خدانَ و تواوی دُنیا بِن قُدرَتا اَوه شُل پیس دایَ.

²⁰ اَم وِنَ ژی دِزانِن گو گوره خدا هاتیَ و زانایی دایَ مَ گو اَم اَوی گو راستیَ ناس گَن. اَم ناو وی دانَ گو راستیَ، آنی ناو گوره وی عیسیْ مسیحْ دا. اَوَ خدایه راست و ژیانا اَبَدی.

²¹ اَی زارویِت دَلال، خو ژه بُتا دور بِگِرِن.