یوحنا 1 4 - کتاب مقدس به زبان کردی شیکاکی

رِحا امتحان گَن

¹ گَلی عزیزان، باواریا خو هر رِحَگه نَینِن، بَلگو اَوان امتحان گَن گو کانه ژه خدانَ آن نه. چون گو گَلَک پِیغَمبَرِت دِرَوین کَتنَ ناو دُنیایه دا.

² اَمه وِسا رِحا خدا ناس گَن: هَچی رِحا بینیتَ اَزمان گو عیسیْ مسیحْ بِ جسمه انسانی هاتیَ، ژه خدایَ.

³ و هَچی رِحا گو عیسی اعتراف نَگَت، ژه خدا نینَ. اَو رِحَ هَمَن رِحا ’ضِدّ مسیحَ‘ گو وَ بیهیستیَ گو دیه بِت و هَ نَهَ ژی ناو دُنیایه دایَ.

⁴ اَی زارویِت دَلال، اون ژه خدانَ و اون سَر وان مسلط بونَ، چون گو اَوه گو ناو وَدایَ ژه اَوه گو دُنیایه دایَ مَزِنتِرَ.

⁵ اَو ژه دُنیایه نَ، بَهنده اَو راستا دُنیایه قِسَ دِگَن و دُنیا گوهه خو دِدَتَ وان.

⁶ اَم ژه خدانَ. اَو کَسه گو خدا ناس دِگَت، گوهه خو دِدَتَ مَ؛ بله اَوه گو ژه خدا نینَ، گوهه خو نادَتَ مَ. وِسا اَم رِحا راستیه و رِحا نَراستیه ناس دِگَن.

خدا مُحبّتَ

⁷ گَلی عزیزان، وَرِن اَم مُحبّته یِگودو بِگَن، چون گو مُحبّت ژه آلیه خدایَ و هَچی کَسه مُحبّته دِگَت، ژه خدا هاتیَ دُنیایه و خدا ناس دِگَت.

⁸ اَوه گو مُحبّته ناگَت، خدا ناس ناگَت، چون خدا مُحبّتَ.

⁹ وِسا مُحبّتا خدا ناو مَدا آشگَرا بو گو خدا تَنیا گوره خو رِگِرَ دُنیایه گو اَم بِ واسِطا وی بژین.

¹⁰ مُحبّت اَوَیَ، نه اَو گو مَ مُحبّت خدا گِریَ، بَلگو اَوی مُحبّت مَ گِر و گوره خو رِگِر گو قُربانیا بَخشینا گُنَهِت مَ بیت.

¹¹ گَلی عزیزان، هَگو خدا وِسا مُحبّت مَ گِر، اَم ژی دِبی مُحبّته یِگودو بِگَن.

¹² چه کَسه چه جارا خدا نَدیتیَ؛ هَگو اَم مُحبّته یِگودو بِگَن، خدا ناو مَدا دِمینیت و مُحبّتا وی ناو مَدا کامِل بویَ.

¹³ اَم وِسا دِزانِن گو اَم ناو ویدا دِمینِن و اَو ناو مَدا، چون گو اَوی ژه رِحا خو دایَ مَ.

¹⁴ و مَ دیتیَ و اَم شَهادَته دِدَن گو بابو، گوره خو رِگِریَ گو نجاتگَره دُنیایه بیت.

¹⁵ اَو کَسه بینیتَ اَزمان گو عیسی گوره خدایَ، خدا ناو ویدایَ و اَو ناو خدادا.

¹⁶ بَجا مَ اَو مُحبّتا گو خدا راستا مَدا هَیَ ناس گِریَ و مَ باواری بِ اینایَ. خدا مُحبّتَ و اَو کَسه گو ناو مُحبّته دا دِمینیت، ناو خدادا دِمینیت و خدا ناو ویدا.

¹⁷ مُحبّت وِسا ناو مَدا کامِل بویَ گو مَ رُژا قیامَته اطمینان هَبیت، چون گو اَو چاون بیت، وه دُنیایه دا اَم ژی وِسانَ.

¹⁸ ناو مُحبّته دا تِرس چِنینَ، بَلگو مُحبّتا کامِل تِرسه دِدَرخینیت؛ چون گو تِرس ژه جَزایه تِت و اَوه گو دِتِرسیت، ناو مُحبّته دا کامِل نَبویَ.

¹⁹ اَم مُحبّته دِگَن چون گو اَوی اَوِلی مُحبّت مَ گِر.

²⁰ هَگو کَسَگ بِژیت: «اَز هَژَ خدا دِگَم،» بله نَفرَته بِرایه خو بِگَت، اَو دِرَوگَرَ. چون اَوه گو هَژَ بِرایه خو گو بِ چاو دِبینیت، نَگَت، نِگاریت هَژَ خدایه گو بِ چاو نَدیتیَ بِگَت.

²¹ اَو اَمره گو مَ ژه وی اِستاندیَ اَوَیَ: هَچی کَسه هَژَ خدا بِگَت دِبی هَژَ بِرایه خو ژی بِگَت.