یوحنا 1 2 - کتاب مقدس به زبان کردی شیکاکی

مسیحْ شفیعه مَ

¹ اَی زارویِت مِن یه دَلال، اَز وانَ بُ وَ دِنِویسِم گو اون گُنَها نَگَن. بله هَگو کَسَگ گُنَهه بِگَت، مَ لاره بابو شفیعَگ هَیَ، آنی عیسیْ مسیحه صالِح.

² عیسی اَو قُربانیَ گو بِ واسِطا وی گُنَهِت مَ دِنَ بَخشین، و نه تِنه گُنَهِت مَ بَلگو گُنَهِت تواوی دُنیایه ژی.

³ بِ وه یگه اَم دِزانِن گو مَ اَو ناس گِریَ هَگو اَم اَمرِت وی بیننَ جی.

⁴ هَچی کَسه بِژیت: «اَز اَوی ناس دِگَم» بله اَمرِت وی نَینیتَ جی، دِرَوگَرَ و ناو ویدا راستی چِنینَ.

⁵ بله هَچی کَسه کلاما وی خُدان گَت، بَراستی مُحبّتا خدا ناو ویدا کامِل بویَ. بِ وه یگه اَم دِزانِن گو اَم ناو ویدانَ:

⁶ هَچی کَسه دِبِژیت ناو ویدا دِمینیت، دِبی وِسا رِفتار گَت گو عیسی رِفتار دِگِر.

اَمره تازَ

⁷ گَلی عزیزان، اَز چه اَمره تازَ بُ وَ نانِویسِم، بَلگو اَمرَگه گَون بُ وَ دِنِویسِم گو وَ ژه اَوِلیدا هَبویَ. اَو اَمره گَون، هَمَن اَو پیامَ گو وَ بیهیستیَ.

⁸ بله دیسا ژی، اَمره گو اَز بُ وَ دِنِویسِم اَمرَگه تازَیَ گو راستیا وه ناو ویدا و ناو وَدا دووهار دِگَت، چون گو تاریتی دَرباز دِبیت و نورا راستیه نَهَ ژی وِیَ دِبِرِسقیت.

⁹ هَچی کَسه بِژیت ناو نوره دایَ بله نَفرَته بِرایه خو بِگَـت، هِشتا ناو تاریتیه دایَ.

¹⁰ هَچی کَسه هَژَ بِرایه خو بِگَت، ناو نوره دِمینیت و چه دِشد نابیتَ باعیث گو اَو بِکَویت.

¹¹ بله هَچی کَسه گو نَفرَته بِرایه خو بِگَت، ناو تاریتیه دایَ و ناو تاریتیه دا ره دِچیت. اَو نِزانیت کِوَ دِچیت، چون گو تاریتیه چاوه وی گُورَ گِریَ.

¹² اَز بُ دِنِویسِم، اَی زارویِت دَلال، چون گو گُنَهِت وَ بَر خاطره ناوه وی هاتنَ بَخشین.

¹³ اَز بُ وَ دِنِویسِم، گَلی باوان، چون گو اون اَوه گو ژه دَستبه گِرِنه هَبویَ، ناس دِگَن. اَز بُ وَ دِنِویسِم، گَلی زَلاما، چون گو اون سَر اَوه شُل پیس مسلط بونَ. اَز بُ وَ دِنِویسِم، گَلی زاروگان، چون گو اون بابو ناس دِگَن.

¹⁴ اَز بُ دِنِویسِم، گَلی باوان، چون گو اون اَوه گو ژه دَستبه گِرِنه هَبویَ، ناس دِگَن. اَز بُ وَ دِنِویسِم گَلی زَلاما، چون گو اون قاوَتِن، و کلاما خدا ناو وَدا دِمینیت، و اون سَر اَوه شُل پیس مسلط بونَ.

هَژَ دُنیایه نَگَن

¹⁵ هَژَ دُنیایه نَگَن آن هَچی دِشدا گو تِدایَ. هَگو کَسَگ هَژَ دُنیایه بِگَت، هَژه گِرِنا بابو ناو ویدا نینَ.

¹⁶ چون گو هَچی دِشدا ناو دُنیایه دایَ، آنی داخازیا جسم، داخازیا چاو و خو مَزِن گِرِن بِ مقام و ماله دُنیایه، ژه بابو نینَ بَلگو ژه دُنیایه یَ.

¹⁷ دُنیا و داخازیه وی دیه دَرباز بِن، بله هَچی کَسه گو اِرادا خدا تینیتَ جی، حَتا اَبَده دِمینیت.

هُشدار راستا اَونه گو له ضِدّ مسیحِن

¹⁸ گَلی زاروگان، آخِرزمانَ، و هَ وِسا گو وَ بیهیستیَ ’ضِدّ مسیحْ‘ وِیَ تِت، هَ نَهَ ژی گَلَک اَونه گو له ضِدّ مسیحِن هاتنَ. بَهنده اَم دِزانِن گو آخِرزمانَ.

¹⁹ اَو ناو مَدا دَرکَوتِن و چُن، بله اَو ژه مَ نَبون؛ چون هَگو اَو ژه مَ بان، دیه گَل مَدا مابان. بله چُیینا وان آشگَرا گِر گو چی یگ ژه وان ژه مَ نَبون.

²⁰ بله اون بِ اَوه مُقدس هاتنَ مسح بویین و اون همو راستیه دِزانِن.

²¹ اَز بُ وَ دِنِویسِم، نه بَر خاطره هِنده گو اون راستیه نِزانِن، بَلگو بَر خاطره هِنده گو اون اَوه دِزانِن، و بَر خاطره هِنده گو چه دِرَو ژه راستیه نایِت.

²² که دِرَوگَرَ خِنجی اَوه گو حاشا دِگَت گو عیسی هَمَن مسیحَ؟ اَو مِرُوَ هَمَن ’ضِدّ مسیحْ‘ اَ گو هم بابو و هم گوری حاشا دِگَت.

²³ هَچی کَسه گوری حاشا گَت، بابو ژی چِنینَ و هَچی کَسه بینیتَ اَزمان گو ایمان گوری هَیَ، ایمان بابو ژی هَیَ.

²⁴ بِهلِن اَو دِشدا گو وَ ژه اَوِلیدا بیهیستیَ ناو وَدا بِمینیت. هَگو اَو دِشدا گو وَ اَوِلیدا بیهیستیَ ناو وَدا بِمینیت، هِنگه اونه ژی ناو گور و ناو بابودا بِمینِن.

²⁵ و اَوَیَ اَو دِشدا گو اَوی وَعدَ دایَ مَ، آنی ژیانا اَبَدی.

²⁶ اَز وان دِشدانَ راستا وان مِرُوادا دِنِویسِم گو دِخازِن وَ ره دَرخینِن.

²⁷ بله راستا وَدا، اَو مسحا گو وَ ژه وی گِرتیَ، ناو وَدا دِمینیت و اون هَوجَیی هِنده نینِن گو چه کَس دَرسه بِدَتَ وَ. بَلگو مسحا وی راستا همو دِشدی دا دَرسه دِدَتَ وَ. اَو مسح حَقَ و دِرَو نینَ. هَ وِسا گو دَرس دایَ وَ، ناو ویدا بِمینِن.

زارویِت خدا

²⁸ نَهَ، اَی زارویِت دَلال، ناو ویدا بِمینِن گو وقته اَو دووهار دِبیت اَم مطمئن بِن و وقته هاتنا وی اَم شَرمنده وی نَبِن.

²⁹ هَگو اون دِزانِن گو اَو صالِحَ، بَجا اون وِنَ ژی دِزانِن گو هَچی کَسه صالِح بونه تینیتَ جی، ژه وی هاتیَ دُنیایه.