HINI UWASI-BIADRCIMOWA ya-sfadoci MAFIYO 1 - Hini Uwasi-u-Biadrcimowa 1929

¹ Yomv ini awigrdagi ut vnvnkvwi nhvlwaladewa Jesise Kivisde, nili u qihfvli Dapide, nili u qihfvli Aplahame.

² Aplahame u nejrninrli Visigeli; chena Visige u nejrninrli Jakvbeli; chena Jakvbe u nejrninrli Jotvli macimi u janinvhi;

³ chena Jotv u nejrninrli Baliaseli macimi Salali Damrli uci; chena Baliase u nejrninrli Haslvneli; chena Haslvne u nejrninrli La-meli;

⁴ chena Lame u nejrninrli Aminitabeli; chena Aminitabe u nejrninrli Nrsuneli; chena Nrsune u nejrninrli Salmvneli;

⁵ chena Salmvne u nejrninrli Boaseli Lahvbeli uci; chena Boase u nejrninrli Opideli Lofeli uci; chena Opide u nejrninrli Caseli;

⁶ che-Case u nejrninrli Dapideli nili ugimrli. Chena Dapide u nejrninrli Svlvmvneli nili uci iahgi wewvli Ulriv;

⁷ chena Svlvmvne u nejrninrli Lihopuameli; chena Lihopuame u nejrninrli Vpvicvli; chena Vpvicv u nejrninrli Aseli;

⁸ chena Ase u nejrninrli Jehosifadeli; chena Jehosifade u nejrninrli Jolameli; chena Jolame u nejrninrli Usrivli;

⁹ chena Usriv u nejrninrli Jofameli; chena Jofame u nejrninrli Ahaseli; chena Ahase u nejrninrli Hasigrivli;

¹⁰ chena Hasigriv u nejrninrli Manasvli; chena Manasv u nejrninrli Amvneli; chena Amvne u nejrninrli Josvivli;

¹¹ chena Josviv u nejrninrli Cikunrivli; macimi u janinvhi, ina Irqv ina Papaloni si waladewa.

¹² Chena ina Papaloni si waladewa vhkuwihi, Cikunriv u nejrninrli Saltiali; chena Saltia u nejrninrli Sulubapvleli;

¹³ chena Sulubapvle u nejrninrli Apvideli; chena Apvide u nejrninrli Ilvikvmeli; chena Xlvikvme u nejrninrli Asoli;

¹⁴ chena Aso u nejrninrli Satvkvli; chena Satvkv u nejrninrli Agimeli; chena Agime u nejrninrli Elivdeli;

¹⁵ chena Elivde u nejrninrli Eliyasvli; chena Eliyasv u nejrninrli Matfaneli; chena Matfane u nejrninrli Jakvbeli;

¹⁶ chena Jakvbe u nejrninrli Joseli nili wahsici Male, inv na-neginrtv Jesiseli, Kivisde yr-lofulici.

¹⁷ Waciganvhi jrivhki nili vnkvwi sqewanv Aplahame uci brluhi Dapide iqi, matvhfwi-gita-nyawi sqewanv; chena Dapide uci brlu’ hina Papaloni si waladewa iqi matvhfwi-gita-nyawi vnkvwi sqewanv.

¹⁸ Huwa ini usgi-lanvwawewa Jesise Kivisde vlv-yomv yagi : Nili u gali Maleli iah mahci uhsihofulici Joseli, pvyaqv wihsibur nihki utfatiwrci, mgofu inv ut vpaluhfami inv Ufapi Ucvjrlvhqv u nejrnvli.

¹⁹ Chena Jose wahsici Male, dawvhi tapvsvwi ’lani, macimi u malvwrci panvlrli nili wvhsi tapisqi wrkumakufilici, mamagini-taha wvhsi gemi pigawhrci.

²⁰ Pvyaqv ia hina mam-aginalatvgi yolumv wiahi, wrpvmahku, utfagoli vhpuwawa-nagi inv Dabalamiwatv ut ancvlemvli, Jose, gelv u qihfvli Dapide, tagi kutvnu wvshi mvmvci gewv Male; xvga inv nili ba-bemudrkuci inv Ufapi Ucvjrlvhqv uciwi inv.

²¹ Macimi inv wah neginrli uqihfimrli; chena gelv JESISE gah sitv u wefowa; xvga yonv u mvjesilvwewa-nilici wa hnci wrpvnashvhi u ta lanvwamhi inv, iwvli.

²² Huwa jrivhki yomv ini biamikvtwi, wvhsi manvwv’ hini uqrufagi mviahci kvlvwici inv Dabalamiwatv srpwi nili mrmosigesqalici,

²³ Wrpvmahku, inv sasgihqa wa hut vpaluhfami, macimi wah neginrli uqihfimrli, Chena Imanual wah sidrnrwv nihki inv u wefowa; Mvnatu weci gelvwa, iyowa ini yalrbrtudodagi.

²⁴ Macimi Jose unskv u nabrwa uci, chena yasi tapimakuci nili silvwi inv Dabalamiwatv ut ancvlemvli, macimi u mvmrli wewvli;

²⁵ chena mvtv u wrkumrli nili brlu’ hinv u mahci bialrli uqihfimrli : macimi JESISE u ta sinrli.