WƖA YƖƖLAA 3 - WƖA TENIŊ

Yɩɩl-la Devit sɩ yɩa, bʋa-la lɛ ʋ sɩ fá kɩkagɛ ʋ nanʋala Abɩsalɔm lɛ.

¹ La Tɩɩna, nɩaa yʋga nɛ a ŋaa mɩ dʋndɔmɔ. Nɩ-daŋ nɛ sii chɩŋ mɩ lɛ.

² Ba yie bʋl mɩ wɩaa, aŋ bʋl, “Wɩa bɩ jaŋ laaʋ ta.”

³ Ama ŋ-na La Tɩɩna nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ a tɔmɛ, a leŋ mɩ yuo diiba, mɩ nyuŋ nyaasɛ.

⁴ Mɩ sɩ ŋmoo niiŋ pɩ La Tɩɩna dɩ ʋ pɛ mɩ lɛ, ʋ hɛ ʋ dundolo-la ʋ sɩ lɩɩsa pɩ ʋ tɩtɩa lɛ nɛ aŋ nɩɩ mɩ nii-ŋmobo.

⁵ Mɩ pɩŋ doŋ nɛ aŋ wuo sii a kɛŋ doluŋ, bɛɛ wɩaa La Tɩɩna pɔ mɩ nɛ.

⁶ Mɩ bɩ mɩ dʋndɔŋŋɔɔ bʋɩ fiiba-la sɩ gollo chumi ka fá.

⁷ Mɩ Tɩɩna Wɩa, kʋ laamɛ ta. Ŋmoo mɩ dʋndɔŋŋɔɔ tapaŋŋaa yɛrɛ, a churi ba nyɩlaa.

⁸ La Tɩɩna nɛ laa nɩaa a tɩta, a leŋ dɩ ʋ pɛ ʋ nɩaa lɛ.