NAMAGABA 28 - WƖA TENIŊ

¹ Nɩbɔmʋŋ yie fá nɛ dɩ nʋʋ bɩ ʋ kire, ama tʋɔpʋl tɩɩna-na kɛŋ nyuduoŋ a nagɛ naachigiŋ nɛ.

² Dɩ tinteeŋ nɩaa nɛ bɩ dɔŋɔ ba niiriŋ ka sɛɩ, ba sɩpaalaaraa yie yʋgɛ nɛ, ama dɩ sɩpaalaarʋ nɛ hɛ nɩmɛ a kɛŋ wʋjɩmɩŋ a jɩŋ wɩaa sɩaa, wɩɩkala yie magɛ dɔŋɔ.

³ Dɩ nɩbɔmʋŋ nɩɩ dɔgɩsɛ summoo, ʋ nagɛ duonuŋ sɩ faasa lɔgɔ jaasɛ a chei kʋdiilee nɛ.

⁴ Nɩalɩŋ sɩ vɩa Wɩa wombiiŋ nɩɩ bɛsɛ nɩbɔŋŋɔɔ lɛ, ama ba dɩ nɩalɩŋ sɩɩ to wombii-la-na bɩ sugili.

⁵ Nɩbɔŋŋɔɔ paala bɩ wʋtɩtɩɩ jɩŋ, ama nɩalɩŋ sɩɩ chɛ La Tɩɩna, ba-na jɩmʋ nɛ woruŋ.

⁶ Nʋʋ sɩ ŋaa nyaabʋ aŋ bɩ wʋcheeli kala kɛnɛ, ʋ nɛ kpɩa nʋʋ sɩ kɛŋ kɩaa ka ʋ wʋŋaalaa golibi.

⁷ Bile sɩɩ to Wɩa wombiiŋ jɩŋ wɩaa sɩaa nɛ. Ama nɩɩ-la sɩɩ to luobii-tɩŋŋaa harɩŋ hɩɩsɛ ʋ nyɩmma nɛ.

⁸ Dɩ nʋʋ nɛ joŋ kɩaa chɩŋ nɩaa a faasa kɛŋ lɩɩŋ dɩdaŋ a dʋa kɩaa, ʋ dʋa-la jaŋ ŋaa nʋʋ dɔŋ kɩaa, dɩ ʋ joŋo dii zile summoo lɛ.

⁹ Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

¹⁰ Nɩɩ-la kala sɩ nyɩsɛ tʋɔpʋl tɩɩna hɛ wʋbɔmʋŋ lɛ, ʋ jaŋ gʋra jʋʋ ʋ tɩtɩa bɛrɛ́, ama nɩɩ-la sɩ bɩ wʋcheeli kɛnɛ jaŋ na wʋzɔŋŋɔɔ.

¹¹ Kɩaa tɩɩna yie bɩɩnɛ arɩ ʋ jɩŋ wɩaa nɛ, ama summo sɩ jɩŋ wɩaa sɩaa yie bibenu dɩ ʋ bɩ wɩɩ jɩŋ.

¹² Dɩ tʋɔpʋl tɩɩna nɛ dii kuoruŋ, nɩaa yie jʋjʋɔsɛ nɛ, ama dɩ nɩbɔmʋŋ nɛ die, nɩaa fá fɩfaa.

¹³ Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

¹⁴ Nɩɩ-la kala sɩɩ fá La Tɩɩna bʋa-kala, ʋ tʋɔŋ jaŋ tɔrɛ, ama nɩɩ-la kala sɩ kɛŋ tʋɔ-doluŋ jaŋ jʋʋ wɩaa.

¹⁵ A nagɛ naachigiŋ sɩɩ huosu koo lʋgʋmʋŋ yaraa sɩ hoso ʋ kɛŋ fawʋllʋŋ ŋɩɩ, ŋɩɩ nɛ ʋ nagɛ summoo lɛ dɩ nɩbɔmʋŋ nɩɩ bemba.

¹⁶ Sɩpaalaarʋ-la sɩ tɛrɛ bɩ wʋjɩmɩŋ kɛnɛ, ama nɩɩ-la sɩ bɩ cho dɩ ʋ gɩrɩma dʋa jaŋ kɛŋ mɩɩ-duduoŋ.

¹⁷ Dɩ nʋʋ nɛ kpʋ nʋʋ, ʋ jaŋ gɔllɔ baarɛ ŋɩɩ a mʋ sʋʋ. Nʋʋkala bɩ maga dɩ ʋ pɛ ʋ lɛ.

¹⁸ Nɩɩ-la kala sɩ bɩ wʋcheeli kɛnɛ, wɩaa bɩ jaŋ jʋʋ-ʋ, ama nɩɩ-la wɩaa sɩ golibo jaŋ guu tel.

¹⁹ Nɩɩ-la kala sɩ faasa tɩŋ ʋ baga lɛ jaŋ na kʋdiilee yʋgɛ, ama nɩɩ-la sɩ kire to wʋpɛɩba harɩŋ jaŋ nyaabɛ woruŋ.

²⁰ Wɩa jaŋ chaasa pɛ nɩɩ-la sɩ kɛŋ wʋtɩtɩɩ lɛ woruŋ, ama ʋ jaŋ dɔgɩsɛ nɩɩ-la sɩɩ chel dɩ ʋ dʋa.

²¹ Dɩ nʋʋ nɛ kɛŋ nɩaa pʋpɔrɛ, ŋɩɩ bɩ zɔŋ, aŋ ka nɩa yie ŋaa wʋbɔmʋŋ a chɩchɛ kʋdiilee mʋa.

²² Tʋɔ-bɔŋ tɩɩna yie chichel nɛ dɩ ʋ dʋa, aŋ bɩ jɩŋ dɩ nyaaŋ ka gbɛrʋ nɛ.

²³ Dɩ ŋ nɛ kɛŋ nʋʋ tʋra kɩɩ, ʋ jaŋ choŋ a kɩɩ nɩɩ-la sɩ kɛŋ nii-sɩma.

²⁴ Nɩɩ-la kala sɩ gʋrɛ ʋ nyɩmma koo ʋ naaŋ aŋ bʋl, “Ʋ bɩ wʋbɔŋ ŋaa,” tɩɩna dii gaara nandɔŋɔ nɛ.

²⁵ Tʋɔ-bɔŋ tɩɩna ka hɛ yuosuŋ nɛ, ama nɩɩ-la kala sɩ joŋ ʋ yɩɛlaa hɛ La Tɩɩna lɛ, ʋ wɩaa jaŋ vɛŋ woruŋ.

²⁶ Nɩɩ-la kala sɩ joŋ ʋ yɩɛlaa kala hɛ ʋ tɩtɩa lɛ ŋaa nɩyaarɩ nɛ, ama nɩɩ-la sɩ kɛŋ wʋjɩmɩŋ a ŋɩŋaa wɩaa, wɩɩkala bɩ jaŋ jʋʋ-ʋ.

²⁷ Nɩɩ-la sɩ ŋaa kɩaa pɩpɩ summoo bɩ jaŋ chɛ kʋŋ ka, ama nɩɩ-la sɩ kɛŋ ʋ sɩaa tɔ summoo nyuŋ, ba jaŋ ŋmɩɛsa hɛ ʋ lɛ.

²⁸ Dɩ nɩbɔmʋŋ nɛ dii kuoruŋ, nɩaa yie fɩfaa nɛ, ama nɩbɔmʋŋ kuoruŋ nɛ dɛrɛ, tʋɔpʋl tɩŋŋaa yie pʋŋa pɛ nɛ.