NAMAGABA 20 - WƖA TENIŊ

¹ Sɩnɩŋ nyɩsɛ nɩaa nɛ a leŋ ba chʋchʋʋlɛ. Nɩɩ-la kala sɩ leŋe ʋ kɛnɩŋ yeŋŋi, bɩ wʋjɩmɩŋ kɛnɛ.

² Kuoro baanɩŋ nɛ sie, ʋ yie nagɛ naachigiŋ sɩɩ huosu nɛ. Nɩɩ-la kala sɩ ŋaa ʋ baanɩŋ sii jaŋ ŋaa chalɩŋ ta ʋ bɔyɛ.

³ Dɩ nʋʋ nɛ vɩa yuosuŋ, ʋ zil ʋ tɩtɩa nɛ. Ama nɩyaara-na bɩ diene aŋ yuyuo yuosuŋ.

⁴ Yarɩwɩɩ tɩɩna bɩ bʋa-la sɩ maga dɩ ʋ pɛrɛ lɛ ka pɛrɛ, ŋɩɩ wɩaa dɩ baga kɩaa ŋaanɩŋ nɛ yie, ʋ bɩ kʋŋkala ka na.

⁵ Nuhuobiine tʋɔbɩɩnaa luŋie a nagɛ fuoŋ sɩ luŋie nɛ. Ama nɩɩ-la sɩ jɩŋ wɩaa sɩaa yie wuo tuu liiriba a jɩŋ nɛ.

⁶ Nɩ-daŋ nɛ yie bʋl arɩ ba kɛŋ chono-la sɩ bɩ dɛrɛ nɛ, ama kʋbɛɛ nɛ jaŋ wuo chaasa na nɩɩ-la sɩ kɛŋ wʋtɩtɩɩ?

⁷ Tʋɔpʋl tɩɩna bɩ wʋcheeli kala kɛnɛ, ʋ biiriŋ jaŋ kɛŋ tʋɔtɔrʋŋ.

⁸ Dɩ kuoro nɛ hɔŋ ʋ kuoru kpasa nyuŋ dɩ ʋ dii sarɩya, ʋ yie beŋ nɛ a chagɩsa jɩŋ wʋbɔmɔ-la kala sɩ hɛ nɩmɛ.

⁹ Kʋbɛɛ nɛ jaŋ wuo bʋl, “Mɩ-na tʋɔŋ pʋlla nɛ, mɩ bɩ wʋbɔŋ kala kɛnɛ?”

¹⁰ La Tɩɩna bɛrɛ nʋʋ sɩ magɩsɛ kɩaa gɩgɩrɩmɛ arɩ nʋʋ sɩ yɔɔ kɩaa gɩgɩrɩmɛ kala nɛ.

¹¹ Hambie wʋŋaalaa lɛ nɛ ba yie to a jɩŋ ŋɩɩ ʋ sɩ naga, dɩ ʋ kɛŋ mɛl-zɔmʋŋ koo ɛɛ nɛ.

¹² La Tɩɩna nɛ pɩla sɩaa la kaa na wɩaa, a pɩla dɩgɩlaa ma la kaa nɩɩ wɩaa.

¹³ Sɩ́ doŋ pɩnɩŋ cho bʋa na-kala, ŋɩɩ dee ŋ jaŋ summi. Bɛrɛ doŋ a tɩŋ, ŋ jaŋ na kɩaa dii aŋ ka.

¹⁴ Kʋyɔɔrɔ yie bʋl, “Yalɩɩ-la hɛyɛ,” ama dɩ ʋ nɛ yɔɔ dɛrɛ, ʋ mʋ bigisi ʋ tɩtɩa lɛ a dagɛ ŋɩɩ ʋ sɩ barɩga yɔɔ kʋ-la.

¹⁵ Sɛlɩmɛ hɛ nɩmɛ, tabɩɩ-tʋlɩa-la ba sɩɩ yɩrɛ Rubiŋ ma pʋrɩgɛ, ama nɩalɩŋ sɩ jaŋ kɛŋ wʋjɩmɩŋ bʋl wɩaa nyaa nɛ a nagɛ kpɩɛraa sɩ nyaa.

¹⁶ Laa nɩɩ-la sɩ chɩna pɩ nʋhʋɔra ʋ dii chɩmɩŋ gɛrɩŋ a bil chɩŋ-la bʋbʋɔŋ lɛ. Ʋ maga dɩ ba laa gɛrɩ-la nʋhʋɔrʋ-la chɩmɩŋ bʋbʋɔŋ lɛ nɛ.

¹⁷ Dɩ ŋ nɛ gɩrɩma dii kɩaa, ba sɩma nɛ woruŋ. Ama ʋ dɩdɛrɩŋ ba jaŋ kɛŋ ŋ baŋŋaa lɛ.

¹⁸ Dɩ ŋ nɩɩ chɛ dɩ ŋ ŋaa wɩɩ, leŋ dɩ ba dagɩŋ. Leŋ dɩ ba dagɩŋ ka dɩ ŋ-na yuo laalɩŋ.

¹⁹ Zɛmbɛ tɩɩna joŋ nɩaa yɩyallɛ nɛ, ŋɩɩ wɩaa sɩ́ leŋe ŋ dɩ wʋbʋl kɩŋkɛŋ tɩɩna pɛ wɩɩ.

²⁰ Dɩ nʋʋ nɛ bʋl wʋlɔrʋŋ ʋ nyɩmma koo ŋ naaŋ lɛ, ʋ mɩɩsɩŋ jaŋ dɛrɛ a nagɛ nyiniŋ sɩ dɩsɛ birimiŋ tʋɔŋ.

²¹ Dɩ ŋ nɛ guu dʋa kɩaa, ʋ dɩdɛrɩŋ bɩ jaŋ zɔŋ.

²² Pʋpɔ ŋ sɩ́ bʋl, “Mɩ jaŋ joŋ wʋbɔŋ-la ŋ sɩ ŋaa mɩ lɛ chɩmɩŋ timiŋ.” Gbɛrɛ La Tɩɩna, ʋ jaŋ laaŋ ta.

²³ La Tɩɩna bɛrɛ nʋʋ sɩ magɩsɛ kɩaa gɩgɩrɩmɛ nɛ, ʋ tʋɔŋ bɩ nɩɩ-la sɩɩ gʋrɛ nɩaa kɩaa yallɩŋ lɛ nyuŋ ka tɔrɔ.

²⁴ La Tɩɩna nɩɩ dagɛ nuhuobiiŋ kala naavɛnɛɛ. Ɛɛ nɛ saa nʋʋ jaŋ wuo jɩŋ wombii-la ʋ sɩɩ to?

²⁵ Dɩ nʋʋ nɛ bɩ bɩɩna yi woruŋ aŋ guu joŋ kʋŋ a pɩ Wɩa, ʋ jaŋ kʋ bʋl fa jɩma.

²⁶ Kuoru wʋjɩnna yie beŋ nɛ a chagɩsa chaarɛ nɩbɔŋŋɔɔ, a dɔgɩsɛba.

²⁷ La Tɩɩna nɛ pɩla tʋɔbɩɩnaa, la bɩ jaŋ wuo kɛŋ wɩɩkala faaʋ.

²⁸ Dɩ kuoro nɛ cho nɩaa a kɛŋ wʋtɩtɩɩ, wɩɩkala bɩ jaŋ walɩmʋ. Dɩ ʋ nɛ cho nɩaa, ʋ kuoruŋ jaŋ chɩŋ woruŋ.

²⁹ Bapʋɔsaa doluŋ nɛ ba kaa laa yɩrɩŋ. Ba-nɩhɩasɩŋ ma nyu-pʋmpʋllʋŋ nɛ ŋaa ba yɩrɩŋ kɩaa.

³⁰ Dɩ nʋʋ nɛ ŋaa wʋbɔŋ, dɩ ba ŋmobu a pɩrʋ, ʋ jaŋ joŋ wʋbɔŋŋɔɔ ŋaanɩŋ ta. Ŋmobuŋ ka giri tʋɔbɩɩŋ bɔŋŋɔɔ nɛ.