NAMAGABA 18 - WƖA TENIŊ

¹ Nɩɩ-la sɩ bɩ chɛ ʋ dɩ nʋʋkala pɛ wɩɩ ŋaa tʋɔ-bɔŋ tɩɩna nɛ. Ʋ bɩ chɛ ʋ sɛɩ wɩɩ-la nɩaa sɩ bene dɩ ʋ zɔmɔ.

² Nɩyaarɩŋ sɩpaaŋ tuo wɩaa sɩaa jɩmɩŋ lɛ, ama ʋ-na yie cho dɩ ʋ bʋl wɩɩ-la ʋ sɩ jɩma nɛ.

³ Dɩ ŋ nɛ ŋaa nɩbɔŋ, nɩaa sɩɩŋ bɩŋ ka su. Dɩ ŋ nɛ bɩ ŋ tɩtɩa ka zil, hɩɩsɩŋ jaŋ dii.

⁴ Wʋjɩnna wʋbʋlʋŋ luŋie a nagɛ fuoŋ sɩ luŋie nɛ, ʋ lɩɩŋ fɩfɩɛlɛ yaraa a nagɛ lɩɩ-bulo.

⁵ Ʋ bɩ zɔŋ dɩ ba bʋla laa pɛ nɩbɔmʋŋ lɛ koo a pɔ dɩ nɩɩ-la sɩ́ bɩ wɩɩ cheye sɩ́ kʋsɩŋŋaa laa.

⁶ Nɩyaarɩŋ wʋbʋlʋŋ ka hɛ wɩaa nɛ. Ʋ niiŋ wʋbʋlaa nɛ yie leŋ ʋ laa daaŋ.

⁷ Nɩyaarɩŋ wʋbʋlʋŋ nɛ yie chei ʋ tɩtɩa, ʋ niiŋ nagɛ bɛrɛ nɛ a yie gʋra kɛnʋ.

⁸ Zɛmbɛ tɩɩna wʋbʋlʋŋ sɩma a nagɛ kʋdii-sɩŋŋaa nɛ, baa tuu tʋɔŋ nɛ woruŋ.

⁹ Nɩɩ-la sɩ kɛŋ yarɩ-wɩɩŋ ʋ tɩntɩŋŋaa lɛ arɩ wʋcheere kala nagɛ dɔŋɔ nɛ.

¹⁰ La Tɩɩna yɩrɩŋ kɛŋ doluŋ a nagɛ dɩɩ-leŋiŋ nɛ, tʋɔpʋl tɩŋŋaa yie fá jʋʋ faa nɩmɛ, wɩɩkala bɩ ba lɛ ŋaa.

¹¹ Kɩaa tɩɩna teeŋ, dʋa nagɛ taŋ ba sɩ saa kɛrɛ golli nɛ. Ʋ bɩɩna dʋa-la nagɛ jebii duo nɛ a chu tɔʋ.

¹² Babii-ballɩŋ yie leŋ ʋ tɩɩna tel nɛ, ama dɩ nʋʋ nɛ kɛŋ ʋ tɩtɩa muuri, ba jaŋ zilu.

¹³ Nɩɩ-la sɩ bɩ wɩɩŋ nɩa aŋ dɩdagɛ ʋ bʋbʋɔŋ ŋaa nɩyaarɩ nɛ, hɩɩsɩŋ jaŋ diiu.

¹⁴ Dɩ nʋʋ nɩɩ wɩɩlʋ aŋ kɛŋ tʋɔtɔrʋŋ, ʋ jaŋ wuo nyanyalɩɩ-la, ama dɩ ʋ tʋɔŋ nɛ cheye, kʋbɛɛ nɛ jaŋ wuo pɛ ʋ lɛ?

¹⁵ Nɩɩ-la sɩɩ nɩɩ wɩaa sɩaa ka chɛ wʋjɩmɩŋ nɛ. Wʋjɩnna yie chɛ dɩ ʋ jegilee nɩɩ wɩaa sɩaa nɛ a jɩŋ.

¹⁶ Zile ŋaanɩŋ suri wombiiŋ pɩpɩ nɩɩ-la sɩɩ ŋaa zile nɛ, a wuo leŋ ʋ mʋmʋ nɩbalaa teeŋ.

¹⁷ Nɩɩ-la sɩ laa sɩpaaŋ to niiŋ, ŋ yie bɩɩnɛ ʋ kɩaa sɩma nɛ, see ʋ dɩ nɩɩ-la sɩ kɛŋ kaalɛrɛ kʋ lɩɩ pɩɛsʋ wɩaa.

¹⁸ Dɩ nɩduoruŋ balɩa nɛ kɛŋ kaalɛrɛ, tɔnsʋŋ nɛ jaŋ wuo pɔrɛ wɩɩ-la pɩba.

¹⁹ Dɩ ŋ nɛ pɛ ŋ naambiiriŋ lɛ, ba jaŋ pɔŋ a nagɛ ba sɩ saa kɛrɛ a golli taŋ, ama dɩ ŋ nɛ kɛmba yuyuo yuosuŋ, ba jaŋ lɩɩsɛ ba nɩsɩŋ ŋ lɛ.

²⁰ Nɩa niiŋ wʋbʋlaa nɛ yie leŋ ʋ fehe su, ʋ wʋbʋlaa nɛ yie leŋ ʋ na ʋ wʋchɛɛlɛɛ.

²¹ Ŋ niiŋ wʋbʋlaa jaŋ wuo leŋ dɩ ŋ kɛŋ mɩɩsɩŋ koo dɩ ŋ sʋʋ. Nɩalɩŋ sɩ cho wʋbʋlʋŋ jaŋ na ʋ bʋbʋɔŋ.

²² Nɩɩ-la kala sɩ na haala jaa, kʋzɔŋ nɛ ʋ na ŋɩɩ. La Tɩɩna dagɛ ʋ zile pʋ nɛ.

²³ Nyaaba yie sʋsʋl kɩaa tɩɩna dɩ ʋ fá ʋ nenige, ama kɩaa tɩɩna-na yie bʋbʋl chaŋkpaŋ duoŋ nɛ.

²⁴ Nandɔŋ-kɛnɛɛ tɩɩna jaŋ wuo cheyu, ama nandɔŋɔ dɔŋɔ hɛ nɩmɛ a jaŋ wuo kɛnɩŋ woruŋ a kɩɩ ŋ naambie.