NAMAGABA 17 - WƖA TENIŊ

¹ Nʋʋ sɩ chaŋ boroboro-hɩlɩŋ arɩ yarɩfɩɛlaa, ʋ nɛ kpɩa dɩa-la lɛ ba sɩ ŋaa kʋdii-sɩŋŋaa yʋgɛ ba didii arɩ yuosuŋ.

² Dɩa tɩntɩnna sɩ kɛŋ wʋjɩmɩŋ jaŋ wuo kɛŋ doluŋ, a kɩɩ ʋ nɩhɩaŋ bie sɩɩ hɛ hɩɩsɩŋ dɩa lɛ. Ʋ jaŋ kɛŋ kpaalɩŋ ʋ nɩhɩaŋ dʋa tʋɔŋ a nagɛ dɩ ʋ ma ŋaa bile naambii dɔŋ nɛ.

³ Ba yie joŋ sɛlɩmɛ koo hɔpʋla a hɛ chefuguŋ-bʋa nyiniŋ lɛ nɛ a ŋmɩɛra lɩɩsɛ ʋ disiniŋ. Ama La Tɩɩna nɛ yie magɩsɛ nuhuobiine tʋɔŋ a na dɩ ʋ zɔmɔ koo ʋ bɩ zɔŋ.

⁴ Wʋbɔŋ ŋaara yie jegilee nɩɩ nɩbɔmʋŋ wʋbʋlʋŋ nɛ. Wʋnyɩɛ tɩɩna ma yie jegilee nɩɩ wʋcheere teeŋ nɛ.

⁵ Nɩɩ-la sɩ mɔŋ summo lɛ, tʋʋsɛ Wɩa sɩ ŋaaʋ joŋŋoo nɛ. Ba jaŋ dɔgɩsɛ nɩɩ-la kala tʋɔŋ sɩ tɔrɛ wʋlɔrʋŋ sɩ ŋaa nɩa lɛ.

⁶ Nihee ŋaa babiibal kɩaa nɛ ba naabalɩmaba teeŋ. Biiriŋ ma ŋaa babiibal kɩaa nɛ ba lʋllaa teeŋ.

⁷ Ʋ yie kperi nɩaa nɛ dɩ nɩyaarɩŋ nɛ bʋl wʋjɩnnɩ wɩɩ. Ʋ jaŋ wasa kɩɩ ŋɩɩ, dɩ kuoro nɛ nyɩɛ wɩaa.

⁸ Kpalaa nagɛ daalusuŋ ba sɩ kaa vɔɔ nɩaa nɛ, nɩɩ-la sɩ joŋo kpal teeŋ. Lee na-kala ʋ sɩ mʋa, ʋ yie na wɩɩ-la ʋ sɩɩ chɛ nɛ.

⁹ Nɩɩ-la sɩ joŋ wɩalɩŋ nɩaa sɩ ŋaa chei chɩchɛba ka chɛ chonuŋ nɛ. Ama nɩɩ-la sɩɩ kuusi wɩalɩŋ kɛŋ nandɔŋ-fɩɛmaa pʋpɔrɛ dɔŋɔ lɛ nɛ.

¹⁰ Dɩ ba nɛ kpɩa nɩɩ-la sɩ jɩŋ wɩaa sɩaa lɛ, ʋ yie nɩɩ woruŋ nɛ a kɩɩ ba sɩ vɩɩrɛ nɩyaarɩŋ chɩba zɔlɔ.

¹¹ Nɩbɔmʋŋ wɩɩŋ nɛ, sɩ́ sɛɩ, ba jaŋ tɩŋ tɩndaarɩ-bɔmʋŋ dɩ ʋ kɔ ʋ lɛ.

¹² Nʋʋ sɩ cheŋ lʋgʋmʋŋ sɩ chɛ ʋ bie lɔl ka ʋ yaraa hosi, nɛ kpɩa ŋ sɩ cheŋ nɩyaarɩŋ dɩ ʋʋ ŋaa nɩyaarɛ wɩaa.

¹³ Dɩ nʋʋ nɛ joŋ wʋbɔmʋŋ a tiŋ wʋzɔmʋŋ chɩmɩŋ, wʋbɔŋŋɔɔ bɩ jaŋ dɛrɛ ʋ dɩa lɛ.

¹⁴ Dɩ ŋ nɩɩ suomi yuosuŋ, ʋ nagɛ nʋʋ sɩ kɛŋ fuoŋ gɩba bubori nɛ. Ŋɩɩ wɩaa joŋ wɩɩ-la bil sɔm, dɩ yuosuŋ sɩ́ sii.

¹⁵ La Tɩɩna bɛrɛ nʋʋ sɩ bʋla laa nɩbɔmʋŋ ta, arɩ nʋʋ sɩ bʋla joŋ cheeriŋ pɩ nɩɩ-la sɩ bɩ wɩɩ cheye.

¹⁶ Nɩyaarɩŋ teeŋ ʋ bɩ bʋbʋɔ kala kɛnɛ dɩ ʋ chei moribiee wʋjɩmɩŋ wɩaa, bɛɛ wɩaa ʋ bɩ ŋɩɩ tʋɔbɩɩnaa kɛnɛ.

¹⁷ Nandɔnsʋŋ yie cho dɔŋɔ nɛ bʋa na-kala. Ba lʋl naambiiriŋ dɩ ba chɩna gbɛrɛ dɔŋɔ nɛ, wʋjʋʋlaa lɛ.

¹⁸ Nɩɩ-la sɩ bɩ wʋjɩmɩɩ-kala kɛnɛ nɛ yie chɩna pɩ nʋʋ ʋ dii chɩmɩŋ, aŋ sɛɩ dɩ ʋ tiŋ ʋ dɔŋɔ tɩɩna chɩmɩŋ.

¹⁹ Nɩɩ-la sɩ cho yuosuŋ cho wʋbɔŋŋɔɔ nɛ. Nɩɩ-la kala sɩɩ bigisi ʋ tɩtɩa lɛ ka chɛ wʋjʋʋlaa nɛ.

²⁰ Tʋɔgɔrɔɔ tɩɩna bɩ kʋŋ jaŋ dʋa. Wʋnyɩɛra jaŋ jʋʋ wɩaa lɛ.

²¹ Dɩ ŋ nɛ lʋl bii-yaara, ŋ tʋɔŋ jaŋ chei. Bii-yaara nyɩmma tʋɔŋ bɩ tɔrɛ.

²² Tʋɔtɔrʋŋ ŋaa daaluŋ-zɔŋ nɛ, ama tʋɔ-cheeŋ-na yie leŋ ŋ jagɛ nɛ.

²³ Nɩbɔmʋŋ yie lʋara laa kpalaa nɛ, dɩ ʋ pɔ dɩ wʋtɩtɩɩ sɩ́ chɩŋ.

²⁴ Nɩɩ-la sɩ jɩŋ wɩaa sɩaa yie joŋ sɩaa hɛ wʋjɩmɩŋ lɛ nɛ, ama nɩyaarɩŋ-na tʋɔbɩɩnaa yie bɩbaarɛ nɛ.

²⁵ Bii-yaara yie leŋ ʋ nyɩmma tʋɔŋ chei nɛ, a leŋ ʋ nyɩmma arɩ ʋ naaŋ baanɩŋ sisii.

²⁶ Ʋ bɩ wʋzɔŋ ŋaa dɩ ba dɔgɩsɛ nʋʋ sɩ bɩ wɩɩ cheye, koo a ŋmoo nʋʋ dɩchɩnɩŋ sɩ yʋga, ka ʋ kɛŋ wʋtɩtɩɩ.

²⁷ Nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ. Nɩɩ-la sɩ jɩŋ wɩaa sɩaa bɩ baanɩŋ kɛnɛ.

²⁸ Dɩ nɩyaarɩŋ ma nɛ paala tɔrɛ ʋ niiŋ, ba yie bɩɩnɛ ʋ ŋaa wʋjɩnnʋ nɛ. Dɩ ʋ nɛ kɛŋ ʋ niiŋ, ŋ jaŋ bɩɩnɛ dɩ ʋ jɩŋ wɩaa sɩaa nɛ.