NAMAGABA 16 - WƖA TENIŊ

¹ Nuhuobiine yie bɩɩnɛ wɩaa dɩ ʋ ŋaa nɛ, ama La Tɩɩna sɩ bʋl wɩɩ-la nɛ jaŋ chɩŋ.

² Nuhuobiine yie bɩɩnɛ arɩ ʋ wʋŋaalaa kala ŋaa ba bʋa lɛ nɛ, ama La Tɩɩna yie kɛŋ nʋʋkala tʋɔbɩɩnaa jeŋise na nɛ.

³ Joŋ wɩɩkala ŋ sɩɩ ŋaa a hɛ La Tɩɩna nɩsɩŋ lɛ, dɩ ŋ nɛ ŋaa ŋɩɩ, ŋ wɩɩkala jaŋ vɛŋ woruŋ.

⁴ La Tɩɩna ŋaa wɩɩkala kɛŋ dɩdɛrɩŋ nɛ. Ʋ paala leŋ nɩbɔmʋŋ kɛŋ tapʋl-bɔŋ nɛ wɩaa sɩ jaŋ jʋʋ-ʋ.

⁵ La Tɩɩna bɛrɛ nɩalɩŋ sɩɩ bigisi ba tɩtɩa lɛ nɛ. Má jɩŋ wɩɩŋ deeŋ lɛ: Ʋ bɩ jaŋ lemba, ʋ jaŋ dɔgɩsɛba.

⁶ Dɩ ŋ nɛ cho La Tɩɩna a kɛŋ wʋtɩtɩɩ, ʋ jaŋ joŋ ŋ wʋbɔŋŋɔɔ kala chɛŋ. Dɩ ŋ nɩɩ fá La Tɩɩna, ŋ yie vɩa wʋbɔŋŋɔɔ ŋaanɩŋ nɛ.

⁷ Dɩ nʋʋ wʋŋaalaa nɩɩ tɔrɛ La Tɩɩna tʋɔŋ, ʋ yie leŋ ʋ dɩ ʋ dʋndɔŋŋɔɔ kala ŋaa sɩma nɛ.

⁸ Ŋ sɩ to wʋtɩtɩɩ a kɛŋ kɩaa mʋa, ʋ nɛ kpɩa ŋ sɩ bɩ wʋtɩtɩɩ to aŋ dʋa kɩaa yʋgɛ.

⁹ Nuhuobiine yie kɛŋ ʋ tʋɔŋ dɩ ʋ ŋaa wɩɩ, ama La Tɩɩna nɛ jɩŋ wombii-la ʋ sɩ jaŋ kɛnʋ to.

¹⁰ Wɩa nɛ pɩ kuoro doluŋ ʋ kaa bʋbʋl wɩaa, wʋnyɩɛrɩŋ bɩ maga dɩ ʋ lɩɩ ʋ niiŋ lɛ.

¹¹ La Tɩɩna bɩ cho dɩ ba gʋrɛ nʋʋkala kɩaa yallɩŋ lɛ, ʋ nɛ ŋaa kɩalɩŋ kala sɩ hɛ bɔtɔ lɛ a yuŋ.

¹² Kuoro bɩ wʋbɔmʋŋ ŋaanɩŋ ka sɛɩ, bɛɛ wɩaa wʋtɩtɩɩ nɛ yie leŋ ʋ kuoruŋ chɩŋ woruŋ.

¹³ Kuoro tʋɔŋ ka tɔrɛ nɩɩ-la sɩ kɛŋ tɛŋɛ nyuŋ nɛ, ʋ cho nɩɩ-la sɩɩ bʋl wʋtɩtɩɩ.

¹⁴ Kuoro baanɩŋ nɛ sie, ʋ jaŋ wuo kpʋ nɩa, ama wʋjɩnna nɛ jaŋ wuo leŋ dɩ ʋ baanɩŋ fɩɛlɛ.

¹⁵ Kuoro nɛ suri sɩaa ŋ nyuŋ, ŋ jaŋ kɛŋ mɩɩsɩŋ, ŋɩɩ ʋ sɩ choŋ nagɛ duonuŋ sɩ nɩɩ tafaaŋ nɛ.

¹⁶ Ŋ sɩ kɛŋ wʋjɩmɩŋ nɛ kpɩa ŋ sɩ kɛŋ sɛlɩmɛ, ŋ sɩ jɩŋ wɩaa sɩaa ma nɛ kpɩa ŋ sɩ kɛŋ hɔpʋla.

¹⁷ Tʋɔpʋl tɩɩna yie joŋ wombii-la sɩ tʋʋla nɛ dɩ wʋbɔŋ sɩ́ ʋ jʋʋ. Nɩɩ-la sɩɩ beŋ ʋ dɩ-vɛnɩŋ nyuŋ woruŋ ka pɔ ʋ mɩɩsɩŋ nɛ.

¹⁸ Babii-ballɩŋ ka chei ʋ tɩɩna nɛ, sɩɩ-duoŋ maa tel ʋ tɩɩna.

¹⁹ Ŋ sɩ kɛŋ ŋ tɩtɩa muuri a guoli summoo tʋɔŋ nɛ kpɩa, ŋ sɩ pɛ sɩɩ-duo tɩŋŋaa sɩ yuo laa kɩaa a kaa kpɩkpaa lɛ.

²⁰ Nɩɩ-la kala sɩ jegile nɩɩ dagɩŋ jaŋ dʋa. La Tɩɩna jaŋ pɛ nɩɩ-la kala sɩ joŋ ʋ yɩɛlaa hɛ ʋ lɛ.

²¹ Wʋjɩŋ tɩɩna nɛ baa yɩrɛ nʋʋ sɩ jɩŋ wɩaa sɩaa. Wʋbʋl sɩŋŋaa nɛ yie leŋ nɩa sɛɩ wɩɩŋ.

²² Nɩalɩŋ sɩ jɩŋ wɩaa sɩaa, ʋ nagɛ lɩɩ-bul-sɩɩŋ sɩɩ pɩ nɩaa mɩɩsɩŋ nɛ ba teeŋ. Ama yaarɩŋ nɩɩ dɔgɩsɛ nɩyaaraa.

²³ Wʋjɩŋ tɩɩna yie fɩɛlɛ ʋ sɩaa nɛ dɩ ʋ nɩɩ bʋl wɩɩ. Ʋ wʋbʋl sɩŋŋaa nɛ yie leŋ nɩa sɛɩ wɩɩŋ.

²⁴ Wʋbʋl sɩŋŋaa nagɛ tʋʋŋ nɛ, ba sɩma a yie leŋ nɩa tʋɔŋ pɩŋ dɩ-bala, ʋ yaraa fɩɛlɛ.

²⁵ Ŋ jaŋ wuo bɩɩnɛ arɩ ŋ ŋaa wɩɩ ʋ bʋa lɛ nɛ, ama ʋ dɩdɛrɩŋ lɛ ŋ sʋʋ.

²⁶ Tɩntɩnna wʋchɛɛlɩŋ nɛ yie leŋ ʋ fɩɛsɛ sɩɩŋ tɩŋ, losuŋ nɛ yie yigu hɛ ʋ fɩɛsɛ sɩɩŋ.

²⁷ Nɩtɔɔŋ yie chɩchɛ wombiiŋ nɛ dɩ ʋ hɛ nɩaa wɩaa lɛ, ʋ wʋbʋlaa ka wɩɩ a nagɛ nyiniŋ nɛ.

²⁸ Wʋnyɩɛ tɩɩna ka hɛ yuosuŋ nɛ, zɛmbɛ tɩɩna nɛ kɛŋ nandɔŋ-fɩɛmaa pʋpɔrɛ dɔŋɔ lɛ.

²⁹ Yuo-hɛɛrɛ nɛ yie nyɩsɛ ʋ dɔŋɔ tɩɩna, a lɛrʋ hɛ wombii-la sɩ bɩ zɔŋ lɛ.

³⁰ Kɛŋ ŋ tɩtɩa woruŋ, nɩɩ-la sɩɩ kɛmɩsɛ sɩaa ŋ nyuŋ ka bɩɩnɛ wʋbɔŋ nɛ, nɩɩ-la sɩ meri ʋ niiŋ ka chɛ dɩ ʋ ŋaa wʋbɔŋ nɛ.

³¹ Nyu-pʋmpʋllʋŋ kɛŋ tʋla nagɛ kuoru nyunchuulo nɛ. Nɩalɩŋ sɩ kɛŋ tʋɔpʋla ba mɩɩsɩŋ kala lɛ jaŋ naba.

³² Kenyiri tɩɩna nɛ kpɩa laalɩyuori wajɩa. Nɩɩ-la sɩ jɩŋ ʋ baanɩŋ kɛnɩŋ nɛ kpɩa nʋʋ sɩ yuo dii ta-pilimiŋ.

³³ Nɩaa yie tɔnsɛ a chɩchɛ dɩ ba na wɩɩ-la ba sɩ jaŋ ŋaa nɛ, ama La Tɩɩna nɛ jaŋ dagɛ wɩɩ-la sɩ jaŋ ŋaa.