NAMAGABA 13 - WƖA TENIŊ

¹ Bii wʋjɩnna yie jegile nɩɩ wɩalɩŋ ʋ nyɩmma sɩɩ dagʋ nɛ, ama babii-balɩŋ-na bɩ sɛɩ dɩ ba kɛnʋ kɩɩ wombiiŋ lɛ.

² Nɩzɔŋŋɔɔ jaŋ laa wʋzɔmɔ-la ba sɩɩ bʋl time. Ama nɩalɩŋ sɩ bɩ wʋtɩtɩɩ kɛnɛ-na ka chɛ yuosuŋ nɛ.

³ Nɩɩ-la sɩ jɩŋ ʋ niiŋ kɛnɩŋ nɛ jɩŋ ʋ mɩɩsɩŋ kɛnɩŋ. Ama nɩɩ-la sɩɩ bʋl wɩaa foi foi yie chei ʋ tɩtɩa nɛ.

⁴ Yarɩwɩɩ tɩɩna yie chɩchɛ kɩaa aŋ bɩ na, ama nɩɩ-la yaraa lɩɩŋ sɩ hɛyɛ yie na kʋ-la kala ʋ sɩɩ chɛ nɛ.

⁵ Tʋɔpʋl tɩɩna bɛrɛ wʋnyɩɛrɩŋ nɛ woruŋ, ama nɩbɔmʋŋ-na yie hɩɩsɛ nɩaa nɛ.

⁶ Tʋɔpʋl tɩɩna wʋtɩtɩɩ nɩɩ pɔʋ, ama bɔnsʋŋ yie yigi wʋbɔŋ ŋaara lo nɛ.

⁷ Nɩa dɔŋɔ yie ŋɩŋaa wɩaa arɩ ʋ kɛŋ kɩaa nɛ aŋ bɩ kʋŋ kɛnɛ, dɔŋɔ ma nagɛ arɩ ʋ bɩ kʋŋ kɛnɛ aŋ kɛŋ kɩaa woruŋ.

⁸ Kɩaa tɩɩna yie kɛŋ ʋ dʋa nɛ a time laa ʋ mɩɩsɩŋ, ama nʋʋkala bɩ summo-na wuo fugisi.

⁹ Tʋɔpʋl tɩɩna nagɛ pʋlʋmʋŋ nɛ a chɩchaanɛ woruŋ, ama nɩbɔmʋŋ-na nagɛ chaanɩŋ sɩɩ chɛ ʋ dɩsɛ nɛ.

¹⁰ Nɩalɩŋ sɩɩ dagɛ ba tɩtɩa kɛŋ yuosuŋ nɛ kʋkɔ, ama nɩalɩŋ sɩ sɛyɛ dɩ ba dagɛba yie kɛŋ wʋjɩmɩŋ nɛ.

¹¹ Dɩ ŋ nɛ bɩ wʋtɩtɩɩ to aŋ na moribiee, ba bɩ dieni. Ama dɩ ŋ nɛ fɩɛlɛ ŋ sɩaa a chɩchɛ mʋa mʋa, ba jaŋ pʋŋ woruŋ.

¹² Dɩ ŋ nɛ kɛŋ yɩɛlaa wɩɩ lɛ aŋ bɩ wɩɩ-la na, ʋ yie nagɛ ŋŋ wɩɩlɛ nɛ. Ama dɩ ŋ nɛ na wɩɩ-la ŋ sɩɩ yɩɛlʋ, ŋ tʋɔŋ yie tɔrɛ nɛ.

¹³ Nɩɩ-la sɩ bɩ sɛɩ dɩ ba dagʋ, jaŋ chei ʋ tɩtɩa. Ama nɩɩ-la sɩ sɛyɛ ba chagɩlʋ jaŋ laa ʋ time.

¹⁴ Wɩalɩŋ wʋjɩnna sɩɩ dagʋ nagɛ lɩɩ-bulo sɩɩ pɩ nɩaa mɩɩsɩŋ nɛ, a pɔ dɩ nɩaa sɩ́ sʋʋŋ bɛrɛ jʋʋ.

¹⁵ Dɩ ŋ nɛ jɩŋ wɩaa sɩaa, ŋɩɩ yie leŋ ŋ yɩrɩŋ sii nɛ. Ama nɩalɩŋ sɩ bɩ wʋtɩtɩɩ kɛnɛ ka chei ba tɩtɩa nɛ.

¹⁶ Wʋjɩnna-na yie kɛŋ wʋjɩmɩŋ nɛ a ŋɩŋaa wɩaa, ama nɩyaara-na yie joŋ ʋ yaarɩŋ jɛrɛ nɛ nɩaa na.

¹⁷ Tɩndaarʋ-la sɩ bɩ wʋtɩtɩɩ kɛnɛ nɩɩ jʋʋ wɩaa, ama tɩndaarʋ-la sɩ kɛŋ wʋtɩtɩɩ yie kɛŋ yarɩfɩɛlaa nɛ kʋ pɩ nɩaa.

¹⁸ Nɩɩ-la kala sɩ bɩ sɛyɛ dɩ ba kɛnʋ tʋrɛ yie nyaabɛ nɛ a dii hɩɩsɩŋ, ama nɩɩ-la kala sɩ sɛyɛ ba kɛnʋ bil wombiiŋ lɛ, nɩaa yie zizilu nɛ.

¹⁹ Dɩ nʋʋ nɛ na wɩɩ-la ʋ sɩɩ chɛ, ʋ dɩma yie pɩŋ dɩ-bala nɛ. Ka nɩyaarɩŋ-na kɩkɩsɛ dɩ ʋ bɩrɩma lɩɩ wʋbɔŋŋɔɔ ŋaanɩŋ lɛ.

²⁰ Dɩ ŋ dɩ wʋjɩnna nɩɩ to dɔŋɔ, ŋ ma jaŋ jɩŋ wɩaa, ama dɩ ŋ dɩ nɩyaara nɩɩ to dɔŋɔ, ŋ jaŋ jʋʋ wɩaa.

²¹ Nyu-bɔmʋŋ kiree to wʋbɔŋ ŋaara harɩŋ nɛ, ama wʋzɔŋŋɔɔ nɛ ŋaa tʋɔpʋl tɩɩna-na time.

²² Nɩzɔmʋŋ yie dii kɩaa aŋ ka bil ʋ nihee lɛ nɛ, ama dʋa-la nɩbɔmʋŋ sɩ sʋba aŋ ka bil jaŋ mɩɩra ŋaa tʋɔpʋl tɩɩna kɩaa.

²³ Nyaaba baga kɩaa jaŋ wuo wasɛ woruŋ, ama nɩalɩŋ sɩ bɩ wʋtɩtɩɩ kɛnɛ yie ŋaa ba lɛl nɛ.

²⁴ Nɩɩ-la kala sɩ bɩ ʋ bie ka tʋrɛ, ʋ bɩ ʋ cho, ama nɩɩ-la kala sɩ cho ʋ bie, jaŋ fɩɛlɛ ʋ sɩaa a kɛnʋ tʋra kɩɩ.

²⁵ Tʋɔpʋl tɩŋŋaa yie dii kɩaa vɔgɛ nɛ, ama nɩbɔŋŋɔɔ-na yie chʋa losuŋ nɛ.