MALAKAƖ 4 - WƖA TENIŊ

La TƖƖNA tapʋlʋŋ

¹ La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka.

² Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

³ Tapʋlɩɩ-la nɛ ma jaŋ nʋɔsɛ nɩbɔŋŋɔɔ bil, dɩ ba nagɛ tʋɔrʋŋ ma naasɩŋ bʋbʋɔŋ.

⁴ Má pʋpɔ ma sɩ́ wombie-la arɩ niiri-la mɩ tɩntɩnna Mosis sɩ dagɛma yʋ. Ba nɛ mɩ joŋo dagʋ peel-la ba sɩɩ yɩrɛ Sɩnaɩ nyuŋ ŋɩɩ, dɩ ʋ joŋo dagɛ Iziral tɩŋŋaa kala dɩ ba tuto.

⁵ Ama ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na yi, mɩ jaŋ tɩŋ mɩ wʋlaabʋlla Ɩlaaja dɩ ʋ kɔ ma teeŋ.

⁶ Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”