JƐRƖMAAYA 45 - WƖA TENIŊ

Wɩɩ-la Wɩa sɩ bʋla pɩ Baruk

¹ Josaaya nanʋala Jehoyakim sɩ dii Juda tinteeŋ kuoruŋ, ʋ jɩsɩŋ banɛsɛ lɛ nɛ Wɩa wʋlaabʋlla Jɛrɩmaaya bʋl wɩaa pɩ Neria nanʋala Baruk. Jɛrɩmaaya sɩ bʋl wɩalɩŋ ka Baruk ŋmʋnsa hɛ teniŋ lɛ ʋ ŋɩɩ harɩŋ, ʋ bʋl:

² “Wɩɩ-la La TƖƖNA, Iziral tɩŋŋaa Wɩa sɩ bʋla pɩ ŋ-na Baruk nɛ ŋ-la:

³ Ŋ sɩ, ‘Wɩɩŋ puumi. La TƖƖNA joŋ tʋɔ-cheeŋ a pɛ mɩ hɛɛŋ lɛ nɛ. Huuno leŋe mɩ kala bɛsɩmɛ nɛ, mɩ bɩ wiese ka na.’ ”

⁴ La TƖƖNA bʋla pɩmɛ, “Bʋl ŋ-la a pʋ: ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ yigi kʋ-la mɩ sɩ saa a lo, a churi kʋ-la ma mɩ sɩ chɔnsɔ tintee-la kala lɛ.

⁵ Ʋ saa maga dɩ ŋ chɛ wʋbalaa a pɩ ŋ tɩtɩa nɛɛ? Sɩ́ ba chɛ, bɛɛ wɩaa mɩ jaŋ kɛŋ wʋlɔrʋŋ a kʋ hɛ nɩaa kala lɛ. Mɩ-na ma TƖƖNA nɛ bʋla. Ama lee na-kala ŋ sɩ jaŋ mʋ, mɩ jaŋ leŋ dɩ ŋ fori a laa ŋ mɩɩsɩŋ.’ ”