Sams 82 - Pijin Bible

(Toktok go long olketa pipol.)

¹ God hemi mekem wanfala kansol long heven, an hemi jajem olketa enjel hu i olsem olketa god wea i hipap raonem hem.

² Nao hemi tok olsem long olketa, “Yufala mas no jajem olketa pipol long wei wea hemi no stret, an yufala mas no saet moa wetem olketa nogud pipol.

³ “Bat olketa pua pipol, an olketa pikinini wea dadi blong olketa i dae finis, yufala mas jajem olketa long stretfala wei. An yufala mas gadem olketa hu i garem trabol an olketa hu i wik from olketa nogud pipol.

⁴ Ya, yufala mas sevem olketa from paoa blong olketa.

⁵ !Yufala krangge tumas! !Yufala nating save enisamting! Wei blong yufala hemi nogud tumas nao. Distaem, evrisamting wea yufala duim long wol hemi nating stret.

⁶ “Mi nao God hu hemi hae tumas, an mi bin talem finis olsem long yufala, ‘Yufala olsem olketa god, an yufala evriwan i pikinini blong mi.’

⁷ Bat nomata olsem, yufala bae i dae nomoa olsem olketa pipol. Ya, bae yufala dae tu olsem eni bikman hemi save dae.”

(Toktok go long God.)

⁸ God, plis yu kam an rulim disfala wol, bikos evri pipol long evri kantri i blong yu. (Singsing blong Asaf.)